ຈໍານວນຜູ້ເຂົ້າຊົມເວັບໄຊ

106928
ມື້ນີ້ມື້ນີ້24
ມື້ວານນີ້ມື້ວານນີ້249
ອາທິດນີ້ອາທິດນີ້1366
ເດືອນນີ້ເດືອນນີ້4604
ລວມທັງໝົດລວມທັງໝົດ106928

ມີ 50  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

 ບັນຫາຢາເສບຕິດໃນສັງຄົມປະຈຸບັນມີລັກສະນະເພີ່ມຂຶ້ນ, ແຜ່ລະບາດຫຼາຍໃນສັງຄົມ ນັບທັງຕົວເມືອງ ແລະ ຊົນນະບົດ, ການພົວພັນຄ້າ-ຂາຍຢາເສບຕິດ ມີທັງຄົນລາວ ແລະ ຄົນຕ່າງປະເທດ, ການນໍາເຂົ້າ-ສົ່ງອອກຢາເສບຕິດປະເພດຕ່າງໆເຖິງວ່າເຈົ້າໜ້າທີຕຳຫຼວດໄດ້ເອົາໃຈໃສ່ຕ້ານ, ສະກັດກັ້ນ ແລະ ແກ້ໄຂຢ່າງຕໍ່ເນື່ອງ, ແຕ່ຜົນສະທ້ອນຂອງຢາເສບຕິດດັ່ງກ່າວຍັງເປັນສາເຫດທີ່ເຮັດໃຫ້ເກີດມີບັນຫາປະກົດການຫຍໍ້ທໍ້ຕ່າງໆໃນສັງຄົມເຊັ່ນ: ຄາດຕະກຳ, ຫຼິ້ນກິນຟົມເຟີຍ, ເປັນນັກເລງອັດຕະພານ, ຂີ້ລັກງັບແງະ, ປຸ້ນຈີ້ຊີງຊັບ, ອາລະວາດຕີກັນ ແລະ ອື່ນໆ ບັນຫາດັ່ງກ່າວເປັນໄພຮຸກຮານຕໍ່ການພັດທະນາເສດຖະກິດ-ສັງຄົມ, ເວົ້າລວມ, ເວົ້າສະເພາະຢູ່ແຂວງ ໄຊຍະບູລີ ໃນໄລຍະ 6 ເດືອນຕົ້ນປີ 2018ນີ້ ສາມາດແກ້ໄຂຢາເສບຕິດໄດ້ 67 ລາຍ, ກັກຕົວຜູ້ກະທຳຜິດ 88 ຄົນ, ຍິງ 16 ຄົນ, ຢຶດຂອງກາງປະເພດຢາມ້າໄດ້ 73.424 ເມັດ, ເງິນກີບຈໍານວນ 239,951,000 ກີບ, ເງິນບາດ 88,880 ບາດ, ຄຳຮູບປະພັນ 25 ບາດ, ລົດຈັກ 12 ຄັນ, ໂທລະສັບມືຖື 56 ໜ່ວຍ, ລົດໃຫຍ່ 7 ຄັນ, ປືນ 18 ກະບອກ ແລະ ອຸປະກອນອື່ນໆອີກຈຳນວນໜຶ່ງ, ໃນນີ້ໄດ້ສະຫຼຸບຄະດີສົ່ງໃຫ້ອົງການໄອຍະການປະຊາຊົນແຂວງຈຳນວນ 35 ເລື່ອງ, ຜູ້ຖືກຫາ 7 ຄົນ, ຍິງ 7 ຄົນ.

 

ທ່ານ ພັອ ຄຳແພງເພັດ ຫົວໜ້າ ກອງບັນຊາການ ປ້ອງກັນຄວາມສະຫງົບແຂວງ ໄຊຍະບູລີ ໄດ້ໃຫ້ຮູ້ວ່າ: ສາເຫດທີ່ພາໃຫ້ມີການແຜ່ລະບາດຂອງຢາເສບຕິດນັ້ນ ຍ້ອນແຂວງທີ່ມີຊາຍແດນຕິດຈອດກັບຕ່າງປະເທດ ແລະ ຕິດກັບຫຼາຍແຂວງ ອັນເປັນເງື່ອນໄຂສະດວກໃຫ້ກຸ່ມຄົນບໍ່ດີໃນການຂົນສົ່ງ-ຄ້າ-ຂາຍຢາເສບຕິດ, ຍ້ອນວຽກງານກໍ່ສ້າງຮາກຖານການເມືອງ ຕິດພັນກັບການສ້າງບ້ານ, ຄອບຄົບປ້ອງກັນຄວາມສະຫງົບດີ ແລະ ບ້ານປອດຢາເສບຕິດຍັງບໍ່ທັນແຂງແຮງ, ສະຕິຄວາມເປັນເຈົ້າຂອງພະນັກງານທຸກພາກສ່ວນ, ນັກຮຽນ, ນັກສືກສາ ແລະ ພໍ່ແມ່ປະຊາຊົນບັນດາເຜົ່າຈຳນວນໜຶ່ງຍັງບໍ່ທັນສູງ, ຍັງມີການພົວພັນກັບຢາເສບຕິດ, ຄະນະພັກຄະນະບັນຊາຈຳນວນໜຶ່ງ ຄວາມຮູ້, ຄວາມສາມາດມີຈຳກັດ, ການນກຳແໜ້ນແນວທາງນະໂຍບາຍຂອງພັກ, ລະບຽບກົດໝາຍຂອງລັດ ແລະ ຄຳຊັ່ງຕ່າງໆຍັງບໍ່ທັນເລິກເຊີ່ງ, ຕໍ່ກັບສະພາບການດັ່ງກ່າວ ກອງບັນຊາການ ປກສ ແຂວງ ແມ່ນຈະສືບຕໍ່ເພີ່ມທະວີການພົວພັນຮ່ວມມືກັບປະເທດໃກ້ຄຽງ ແລະ ບັນດາແຂວງອ້ອມຂ້າງ, ເພື່ອແລກປ່ຽນຂໍ້ມູນຂ່າວສານທີ່ພົວພັນເຖິງຢາເສບຕິດ, ກວດກາ, ຕິດຕາມ, ຂຶ້ນບັນຊີຄຸ້ມຄອງເປົ້າໝາຍຢາເສບຕິດ ເພື່ອແກ້ໄຂຕາມລະບຽບກົດໝາຍ, ຫັນເອົາພະນັກງານລົງກໍ່ສ້າງຮາກຖານການເມືອງ, ໂດຍນໍາເອົາມະຕິ, ຄໍາສັ່ງ, ລະບຽ-ກົດໝາຍ ແລະ ແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ ຕິດພັນກັບວຽກງານ 3 ສ້າງ ພັດທະນາຊົນນະບົດຮອບດ້ານ ເພື່ອໃຫ້ຮາກຖານມີຄວາມໜັກແໜ້ນເຂັ້ມແຂງ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933

ແຜນທີ ແຂວງໄຊຍະບູລີ