ຈໍານວນຜູ້ເຂົ້າຊົມເວັບໄຊ

125734
ມື້ນີ້ມື້ນີ້132
ມື້ວານນີ້ມື້ວານນີ້314
ອາທິດນີ້ອາທິດນີ້1258
ເດືອນນີ້ເດືອນນີ້5869
ລວມທັງໝົດລວມທັງໝົດ125734

ມີ 10  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນໄລຍະຜ່ານມາ ແຂວງ ໄຊຍະບູລີ ໄດ້ຮັບການເອົາໃຈໃສ່ຊີ້ນໍາ-ນໍາພາການລົງທຶນໃນທົ່ວສັງຄົມ, ຈາກອົງຄະນະພັກ ແລະ ອົງການປົກຄອງທຸກຂັ້ນ ລວມທັງສູນກາງ ແລະ ທ້ອງຖິ່ນ ແມ່ນໄດ້ມີການກວດກາຢ່າງເປັນປົກກະຕິ, ຍ້ອນການລົງທຶນຈາກແຫຼ່ງທຶນຕ່າງໆໃນທົ່ວສັງຄົມນັ້ນແມ່ນເພື່ອເປັນການກະຕຸກຊຸກຍູ້ການພັດທະນາຂະແໜງການຕ່າງໆທີ່ເປັນເສົາຄໍ້າຂອງເສດຖະກິດ-ສັງຄົມ ແລະ ການກໍ່ສ້າງຊັບພະຍາກອນມະນຸດ ໃຫ້ມີການປ່ຽນແປງຈາກຈຸດທີ່ອ່ອນນ້ອຍ, ຫຼ້າຫຼັງ ໄປສູ່ຈຸດທີ່ມີຄວາມຈະເລີນ ແລະ ທັນສະໄໝກວ່າເກົ່າ ເພື່ອຮັບໃຊ້ໃຫ້ແກ່ວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ທັງຮັບປະກັນໃຫ້ເສດຖະກິດຂະຫຍາຍຕົວຢ່າງຕໍ່ເນື່ອງ ແລະ ໝັ້ນຄົງ.

ທ່ານ ບຸນລ້ວນ ຊົມສີຫາປັນຍາ ຫົວໜ້າພະແນກ ແຜນການ ແລະ ການລົງທຶນ ແຂວງ ໄຊຍະບູລີ ໄດ້ໃຫ້ຮູ້ວ່າ: ໃນປີ 2018 ແຂວງ ໄຊຍະບູລີ ໄດ້ຮັບເພດານການລົງທຶນຂອງລັດທັງໝົດ 58.162,65 ລ້ານກີບ, ເທົ່າກັບ 2,7 %, ຂອງເພດານຄວາມຕ້ອງການແຜນ 5 ປີ,

ໃນນັ້ນ: ທຶນຕ່າງປະເທດ 2 ຕື້ກວ່າກີບ, ມີ 9 ໂຄງການ, ທຶນພາຍໃນ 56 ຕື້ກວ່າກີບ, ມາຮອດປະຈຸບັນມີໂຄງການທັງໝົດ 341 ໂຄງການ, ໃນ 6 ເດືອນຕົ້ນປີຜ່ານມາ ສາມາດປະຕິບັດໄດ້ 30,81 ຕື້ກີບ, ເທົ່າກັບ 52,97 %, ຂອງເພດານການລົງທຶນທັງໝົດ, ໃນນັ້ນການລົງທຶນບ້ວງປົກກະຕິ ມີ 258 ໂຄງການ, ມູນຄ່າຕາມສັນຍາທັງໝົດ 1.323 ຕື້ກວ່າກີບ, ມູນຄ່າປະຕິບັດໜ້າວຽກມີ 684 ຕື້ກວ່ກີບ, ບ້ວງເມືອງ ໄຊຊະຖານ ມີທັງໝົດ 29 ໂຄງການ, ມີມູນຄ່າຕາມສັນຍາ 254 ຕື້ກວ່າກີບ, ມູນຄ່າປະຕິບັດໜ້າວຽກ 138 ຕື້ກວ່າກີບ, ບ້ວງພັດທະນາຊົນນະບົດ ແລະ ລືບລ້າງຄວາມທຸກຍາກ ມີທັງໝົດ 33 ໂຄງການ ມີມູນຄ່າຕາມສັນຍາ 307 ຕື້ກວ່າກີບ, ມູນຄ່າປະຕິບັດໜ້າວຽກ 240 ຕື້ກວ່າກີບ, ບ້ວງຈັດສັນພູມລໍາເນົາ ມີທັງໝົດ 20 ໂຄງການ, ມີມູນຄ່າຕາມສັນຍາ 100 ຕື້ກວ່າກີບ, ມູນຄ່າປະຕິບັດໜ້າວຽກ 91 ຕື້ກວ່າກີບ, ບ້ວງຈັດສັນພູມລໍາເນົາ ບ້ານ ນໍ້າພຽງ ມີທັງໝົດ 9 ໂຄງການ, ມີມູນຄ່າຕາມສັນຍາ 27 ຕື້ກວ່າກີບ, ມູນຄ່າປະຕິບັດໜ້າວຽກ 21 ຕື້ກວ່າກີບ, ທຶນຊ່ວຍເຫຼືອລ້າ ແລະ ກູ້ຢືມມີ 23 ໂຄງການ, ມູນຄ່າ 7,6 ລ້ານໂດລາສະຫະລັດ, ທ່ານ ບຸນລ້ວນ ຊົມສີຫາປັນຍາ ຍັງໄດ້ກ່າວຕື່ມອີກວ່າ: ບັນດາໂຄງການລົງທຶນຂອງລັດໃນປີ 2018 ມີຈໍານວນ 341 ໂຄງການ, ທຽບໃສ່ປີຜ່ານມາເພີ່ມຂຶ້ນ 27 ໂຄງການ, ແຕ່ເພດານການລົງທຶນທີ່ໄດ້ຮັບພັດບໍ່ເພີ່ມ, ໜີ້ສິນຖ້າທຽບໃສ່ໜ້າວຽກທີ່ປະຕິບັດຮອດທ້າຍປີຍັງມີສູງເຖິງ 665 ຕື້ກວ່າກີບ, ຍ້ອນເພດານການຊໍາລະຕໍ່າ, ຈໍານວນໂຄງການພັດຫຼາຍ, ບັນຫາດັ່ງກ່າວເປັນສາເຫດທີ່ເຮັດໃຫ້ການຈັດຕັ້ງປະຕິບັດໂຄງການຊັກຊ້າ, ແກ່ຍາວ, ສາເຫດໂດຍລວມທີ່ພາໃຫ້ເກີດຄວາມຫຍຸ້ງຍາກແມ່ນຍ້ອນເສດຖະກິດຍັງອ່ອນນ້ອຍ, ການເຕີບໂຕຂອງເສດຖະກິດຍັງອາໄສແຕ່ຂະແໜງກະສິກໍາ ແລະ ການນໍາໃຊ້ຊັບພະຍາກອນທໍາມະຊາດ, ເພດານການລົງທຶນຖ້າທຽບໃສ່ຄວາມຕ້ອງການຂອງການພັດທະນາຍັງບໍ່ທັນພຽງພໍ ແລະ ຂະບວນການປຸງແຕ່ງຜົນຜະລິດຍັງບໍ່ທັນກວ້າງຂວາງ.

ແຫຼ່ງຂ່າວ:ຫ້ອງວ່າການແຂວງ ໄຊຍະບູລີ

ໂດຍ:ອຸ່ນເຮືອນ ໂພທິລັກ

ໂທ:22126933  

ແຜນທີ ແຂວງໄຊຍະບູລີ