ຈໍານວນຜູ້ເຂົ້າຊົມເວັບໄຊ

106928
ມື້ນີ້ມື້ນີ້24
ມື້ວານນີ້ມື້ວານນີ້249
ອາທິດນີ້ອາທິດນີ້1366
ເດືອນນີ້ເດືອນນີ້4604
ລວມທັງໝົດລວມທັງໝົດ106928

ມີ 52  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ນັບແຕ່ພັກເຮົາໄດ້ມີແນວທາງປ່ຽນແປງໃໝ່ຢ່າງຮອບດ້ານມານີ້ ລັດແຫ່ງ ສປປລາວ ໄດ້ຫັນແນວທາງນະໂຍບາຍອອກເປັນກົດໝາຍ ແລະ ນິຕິກໍາລຸ່ມກົດໝາຍ ເພື່ອເປັນເຄື່ອງມືໃນການຄຸ້ມຄອງລັດ, ຄຸ້ມຄອງສັງຄົມ,ຄຸ້ມຄອງເສດຖະກິດ, ປົກປ້ອງສິດ ແລະ ຜົນປະໂຫຍດອັນຊອບທໍາຂອງປະຊາຊົນບັນດາເຜົ່າ ໃຫ້ມີຄວາມຍຸຕິທໍາ ແລະ ສີວິໄລ. ທ່ານ ອາເມ ຊົງເຢຍເລັ່ງ ຫົວໜ້າພະແນກຍຸຕິທໍາແຂວງ ໄຊຍະບູລີ ໄດ້ໃຫ້ຮູ້ວ່າ: ສະເພາະແຂວງ ໄຊຍະບູລີ, ຄະນະພັກ, ຄະນະນໍາຂອງແຂວງຍາມໃດກໍ່ໄດ້ເອົາໃຈໃສ່ ແລະ ເຫັນຄວາມສໍາຄັນຕໍ່ກັບວຽກງານການສ້າງນິຕິກໍາລຸ່ມກົດໝາຍ ຂອງບັນດາຂະແໜງການຕ່າງໆ, ເພື່ອຮັບໃຊ້ສັງຄົມຢູ່ພາຍໃນແຂວງ, ນັບແຕ່ໄດ້ສ້າງຕັ້ງສະພາປະຊາຊົນແຂວງມານີ້ ທາງອໍານາດການປົກຄອງແຂວງ ໄຊຍະບູລີ ແມ່ນໄດ້ເອົາໃຈໃສ່ປັບປຸງກົນໄກລະບຽບການອອກນິຕິກໍາລຸ່ມກົດໝາຍ ກໍ່ຄືຂໍ້ຕົກລົງຂອງທ່ານເຈົ້າແຂວງ, ເຊິ່ງອໍານາດການປົກຄອງແຂວງ ໄດ້ພະຍາຍາມປັບປຸງລະບົບການຈັດຕັ້ງ ແລະ ບຸກຄະລາກອນ ທີ່ເຮັດໜ້າທີ່ໃນການຄົ້ນຄົ້ວ ແລະ ສ້າງນິຕິກໍາລຸ່ມກົດໝາຍຢູ່ພາຍໃນແຂວງ ເພື່ອໃຫ້ສອດຄ່ອງກັບກົດໝາຍວ່າດ້ວຍການສ້າງນິຕິກໍາ,

ຜ່ານມາແຂວງ ໄຊຍະບູລີ ກໍ່ໄດ້ມີບາງພະແນກການນໍາເອົາກົດໝາຍ ແລະ ນິຕິກໍາຂັ້ນເທິງຂອງຕົນທີ່ມີຄວາມຈໍາເປັນ ມາຜັນຂະຫຍາເປັນນິຕິກໍາ ຮັບໃຊ້ເຂົ້າໃນການດໍາລົງຊີວິດຕົວຈິງໃນສັງຄົມ, ໃນໄລຍະຜ່ານມາ ພະແນກຍຸຕິທໍາແຂວງກໍ່ໄດ້ຕັ້ງໜ້າ ແລະ ພ້ອມກັນເອົາໃຈໃສ່ຄົ້ນຄົ້ວ ແລະ ກວດການິຕິກໍາຕ່າງໆ ຊ່ວຍບັນດາຂະແໜງການຂອງແຂວງ ໃຫ້ສອດຄ່ອງກັບນິຕິກໍາອື່ນ ແລະ ສາມາດປະຕິບັດໄດ້, ຜ່ານມາໄດ້ຮ່ວມສ້າງນິຕິກໍາລຸ່ມກົດໝາຍ 24 ສະບັບ, ໃນນັ້ນ ສະພາປະຊາຊົນແຂວງໄດ້ຮັບຮອງ ແລະ ປະກາດໃຊ້ ຈໍານວນ 5 ສະບັບຄື: ຂໍ້ຕົກລົງຂອງທ່ານເຈົ້າແຂວງ ວ່າດ້ວຍການຄຸ້ມຄອງ ແລະ ນໍາໃຊ້ທີ່ດິນກະສິກໍາ, ຂໍ້ຕົກລົງຂອງທ່ານເຈົ້າແຂວງ ວ່າດ້ວຍການປະຢັດລາຍຈ່າຍງົບປະມານຂອງລັດ, ຂໍ້ຕົກລົງຂອງທ່ານເຈົ້າແຂວງ ວ່າດ້ວຍການຄຸ້ມຄອງວຽກງານວັດທະນະທໍາ ແລະ ທຸລະກິດການທ່ອງທ່ຽວ, ຂໍ້ຕົກລົງຂອງທ່ານແຂວງ ວ່າດ້ວຍການຄຸ້ມຄອງ, ນໍາໃຊ້ ແລະ ອານຸລັກຊ້າງບ້ານ ແລະ ຂໍ້ຕົກລົງຂອງທ່ານເຈົ້າແຂວງ ວ່າດ້ວຍການນໍາໃຊ້ ແລະ ອານຸລັກຊັບພະຍາກອນທໍາມະຊາດທີ່ເປັນຢາ, ນອກນັ້ນທາງຂະແໜງການທີ່ຂ້ອງຍັງໄດ້ນໍາເອົາບັນດາກົດໝາຍ ແລະ ນິຕິກໍາທີ່ຮັບຮອງ ແລະ ປະກາດໃຊ້ແລ້ວ ລົງໂຄສະນາເຜີຍແຜ່, ເຊື່ອມຊືມໃຫ້ແກ່ເປົ້າໝາຍຕ່າງໆ ເພື່ອເປັນການສ້າງສະຕິໃນການເຄົາລົບ ແລະ ຈັດຕັ້ງປະຕິບັດໃຫ້ໄດ້ຮັບຜົນດີ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ