ຈໍານວນຜູ້ເຂົ້າຊົມເວັບໄຊ

106928
ມື້ນີ້ມື້ນີ້24
ມື້ວານນີ້ມື້ວານນີ້249
ອາທິດນີ້ອາທິດນີ້1366
ເດືອນນີ້ເດືອນນີ້4604
ລວມທັງໝົດລວມທັງໝົດ106928

ມີ 51  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ເພື່ອເປັນການກຽມຄວາມພ້ອມໃຫ້ແກ່ການສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ທີ່ຈະມາເຖິງໃນມໍ່ໆນີ້ ໃຫ້ມີບັນຍາກາດອັນຄຶກຄື້ນນັ້ນ, ໃນຕອນເຊົ້າຂອງວັນທີ 7 ສິງຫາ 2018 ນີ້, ແຂວງ ໄຊຍະບູລີ ໄດ້ຈັດກອງປະຊຸມປຶກສາຫາລືເພື່ອ ກະກຽມການສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີຂຶ້ນ, ທີ່ຫ້ອງປະຊຸມ ຫ້ອງວ່າການແຂວງ, ເຂົ້າຮ່ວມມີ ທ່ານ ປອ ສົມລິດ ເປືອກແກ້ວ ຮອງເລຂາພັກແຂວງ, ປະທານສະພາປະຊາຊົນແຂວງ, ມີບັນດາຫົວໜ້າພະແນກການ, ຫົວໜ້າກອງບັນຊາການທະຫານແຂວງ, ກອງພົນທະຫານຮາທີ 2, ກອງບັນຊາການ ປກສ ແຂວງ ເຂົ້າຮ່ວມ 60 ກວ່າຄົນ.

ໃນກອງປະຊຸມຕາງໜ້າໃຫ້ແຕ່ລະອານຸກໍາມະການໄດ້ຂຶ້ນລາຍງານການກະກຽມຄວາມພ້ອມໃນການສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ທີ່ຈະມາເຖິງໃນມໍ່ໆນີ້, ເປັນຕົ້ນແມ່ນ ອານຸກຳມະການຮັບຜິດຊອບເນື້ອໃນ, ເຊິ່ງມີໜ້າທີ່ກະກຽມເອກະສານເນື້ອໃນຕ່າງໆເຊັ່ນ:

ບົດປາໄສ, ຕາຕະລາງການເຄື່ອນໄຫວ, ເນື້ອໃນບັດເຊີນ, ຄຳແນະນຳ ແລະ ອື່ນໆ, ອານຸກຳມະການຮັບຜິດຊອບເສດຖະກິດ, ມີໜ້າທີ່ສັງລວມແຜນງົບປະມານ, ລະດົມການອຸປະຖຳຂອງຫົວໜ່ວຍທຸລະກິດ, ບໍລິສັດຫ້າງຮ້ານ ແລະ ເອກະຊົນ, ອານຸກຳມະການຂະບວນການ ແລະ ກ້ອນກຳລັງ, ມີໜ້າທີ່ ສ້າງແຜນຊີ້ນຳຊຸກຍູ້ປຸກລະດົມຂະບວນການແຂ່ງຂັນສ້າງຜົນງານໃຫ້ມີບັນຍາກາດຟົດຟື້ນ, ອານຸກຳມະການ ຮັບຜິດຊອບຍ້ອງຍໍຂອງຂັວນ, ມີໜ້າທີ່ສ້າງແຜນການເກັບກຳນສັງລວມບັນດາວິລະຊົນ, ນັກຮົບແຂ່ງຂັນ, ພະນັກງານບຳນານ ແລະ ຄອບຄົວອາດີດການນຳ, ອານຸກຳມະການຝຶກແອບສະແດງກຳລັງສວນສະໜາມ, ມີໜ້າທີ່ ສ້າງແຜນການ, ການເຄື່ອນໄຫວລາຍການສວນສະໜາມ, ຄາດກະກ້ອນກຳລັງທີ່ເຂົ້າຮ່ວມ, ອານຸກຳມະການ ສະຖານທີ່, ພິທີການ, ປະດັບປະດາ-ແສງສຽງ, ມີໜ້າທີ່ສ້າງແຜນການຮັບປະກັນໃຫ້ແກ່ພິທີຮ່ວມມິດຕິ່ງ, ເດີນຂະບວນສວນສະໜາມ, ອານຸກຳມະການ ຮັບແຂກ ມີໜ້າທີ່ກະກຽມສະຖານທີ່ພັກເຊົາຂອງແຂກ, ສະຖານທີ່ງານລ້ຽງ ແລະ ອື່ນໆ, ອານຸກຳມະການ ປ້ອງ ມີໜ້າທີ່ສ້າງແຜນການ ແລະ ຊີ້ນຳກົມກອງເຄື່ອນໄຫວຕາມຂອບເຂດຄວາມຮັບຜິດຊອບໃຫ້ມີຄວາມສະຫງົບປອດໄພ ແລະ ອານຸກຳມະການ ຮັກສາສຸຂະພາບ ມີໜ້າທີ່ ລົງຕິດຕາມກວດກາສຸຂະພາບຢູ່ສະໜາມ, ມາຮອດປະຈຸບັນແຕ່ລະອານຸແມ່ນມີຄວາມພ້ອມ, ເປັນຕົ້ນແມ່ນ ອານຸກຳມະການຂະບວນການ ແລະ ກ້ອນກຳລັງ ແມ່ນພວມສ້າງຂະບວນການຕ່າງ ແລະ ພວມຝຶກແອບ ການສະແດງຕ່າງໆເພື່ອຮັບໃຊ້ໃນມື້ສະເຫຼີມສະຫຼອງ, ຈາກນັ້ນບັນດາຜູ້ເຂົ້າຮ່ວມກໍ່ໄດ້ປຶກສາຫາລືກັນຢ່າງກົງໄປກົງມາ ເພື່ອເຮັດໃຫ້ການສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ໃຫ້ມີຜົນສໍາເລັດຕາມລະດັບຄາດໝາຍທີ່ວາງໄວ້.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ