ຈໍານວນຜູ້ເຂົ້າຊົມເວັບໄຊ

125737
ມື້ນີ້ມື້ນີ້135
ມື້ວານນີ້ມື້ວານນີ້314
ອາທິດນີ້ອາທິດນີ້1261
ເດືອນນີ້ເດືອນນີ້5872
ລວມທັງໝົດລວມທັງໝົດ125737

ມີ 13  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໂຄງການກໍ່ສ້າງເຂື່ອນໄຟຟ້າພະລັງງານນໍ້າ-ນໍ້າຮຸ່ງ 1 ແຂວງ ໄຊຍະບູລີ ຕັ້ງຢູ່ທາງທິດຕາເວັນອອກສ່ຽງໃຕ້ ຂອງ ເມືອງ ໄຊຍະບູລີ, ຫ່າງຈາກຕົວເມືອງ ໄຊຍະບູລີ ປະມານ 30 ກິໂລແມັດ ແລະ ຫ່າງຈາກແມ່ນໍ້າຂອງ 5 ກິໂລແມັດ, ເປັນໂຄງການເຂື່ອນໄຟຟ້າຂະໜາດນ້ອຍ, ມີກໍາລັງຕິດຕັ້ງ 15 ເມກາວັດ, ໃນມູນຄ່າການກໍ່ສ້າງທັງໝົດ 34,744,800 ໂດລາສະຫະລັດ ( ສາມສີບສີ່ລ້ານ ເຈັດແສນສີ່ສີບສີ່ພັນ ແປດຮ້ອຍ ), ມີກໍາລັງຜະລິດໄຟຟ້າ 71,767,500 ກິໂລວັດໂມງ/ປີ, ຄາດວ່າການກໍ່ສ້າງຈະໃຫ້ສໍາເລັດ ແລະ ຊື້-ຂາຍໄຟຟ້າຢ່າງເປັນທາງການແມ່ນທ້າຍປີ 2019 ແລະ ເຊື່ອມຕໍ່ເຂົ້າໃນລະບົບຕາຂ່າຍ 22 ກິໂລໂວນ ຈາກເຂື່ອນນໍ້າຮຸ່ງ 1 ຫາສະຖານີໄຟຟ້າ ໄຊຍະບູລີ ບ້ານທ່ານາ ມີຄວາມຍາວ 32 ກິໂລແມັດ.

ທ່ານ ທອງໄຫຼ ວົງໄຊ ຜູ້ຈັດການພາກສະໜາມ ບໍລິສັດ ສີເມືອງກຼຸບ ຈໍາກັດ ໄດ້ໃຫ້ຮູ້ກ່ຽວກັບຄວາມຄືບໜ້າຂອງການກໍ່ສ້າງເຂື່ອນໄຟຟ້າພະລັງນໍ້າ-ນໍ້າຮຸ່ງ ໄຊຍະບູລີ ທ່ານໄດ້ກ່າວວ່າ: ໂຄງການກໍ່ສ້າງເຂື່ອນໄຟຟ້າພະລັງງານນໍ້າ-ນໍ້າຮຸ່ງ 1 ແຂວງ ໄຊຍະບູລີ ໄດ້ເລີ່ມລົງມືກໍ່ສ້າງມາແຕ່ວັນທີ 2 ສິງຫາ 2015

ປະຈຸບັນສໍາເລັດແລ້ວ 26,04 %, ຄາດວ່າຮອດທ້າຍປີ 2019 ຈະໃຫ້ສໍາເລັດ ແລະ ເປີດເຄື່ອງຜະລິດໄຟຟ້າຈຳໜ່າຍຂາຍ, ຮັບເໝົາກໍ່ສ້າງໂຄງການໄຟຟ້າພະລັງນໍ້າ-ນໍ້າຮຸ່ງ 1 ໄຊຍະບູລີ ໂດຍແມ່ນບໍລິສັດ ສີເມືອງກຼຸບ ຈໍາກັດ, ລັກສະນະຂອງເຂື່ອນເປັນເຂື່ອນນໍ້າໄຫຼໂດຍສະເລ່ຍການໄຫຼຂອງນໍ້າແມ່ນ 4.431 ແມັດກ້ອນ ຕໍ່ວິນາທີ, ມີຄວາມສູງຂອງສັນເຂື່ອນ 34,17 ແມັດ, ຄວາມຍາວຂອງສັນເຂື່ອນ 235 ແມັດ, ມີບານປະຕູລະບາຍນໍ້າ 5 ປ່ອງ, ປະຕູ ເປີດ-ປິດດ້ວຍລະບົບໄຮໂດລິກ, ຄວາມສູງນໍ້າຕົກສູງສຸດ 22 ແມັດ, ປະລິມານນໍ້າໄຫຼຜ່ານກົງຫັນທັງໝົດ 30 ແມັດກ້ອນ/ວິນາທີ, ມີເນື້ອທີ່ອ່າງໂຕ່ງນໍ້າຝົນ 2.915 ກິໂລຕາແມັດ, ເຂື່ອນດັ່ງກ່າວມີກຳລັງຕິດຕັ້ງໄຟຟ້າທັງໝົດ 3 ໜ່ວຍ, ສາມາດຜະລິດໄຟຟ້າໄດ້ທັງໝົດ 15 ເມກາວັດ, ພະລັງງານໄຟຟ້າຜະລິດສະເລ່ຍ 71,767,500 KWh/ປີ, ລວມມູນຄ່າການກໍ່ສ້າງທັງໝົດ 34,744,800 ໂດລາສະຫະລັດ, ໂດຍແມ່ນການລົງທຶນຂອງເອກະຊົນ 100 %, ເມື່ອຮອດທ້າຍປີ 2019 ຈະໄດ້ເປີດນຳໃຊ້ຢ່າງເປັນທາງການ, ໄລຍະສໍາປະທານໂຄງການແມ່ນ 30 ປີ, ດ້ານການຄຸ້ມຄອງຄຸນນະພາບ ທາງບໍລິສັດໄດ້ເອົາໃຈໃສ່ປະຕິບັດຕາມເຕັກນິກການກໍ່ສ້າງ ທຸກຢ່າງແມ່ນມີການກວດສອບທຸກຂັ້ນຕອນຂອງການປະຕິບັດໜ້າວຽກ, ນອກນັ້ນຍັງມີຫ້ອງທົດລອງປະຈໍາສະໜາມ ແລະ ວິຊາການທີ່ປຶກສາຄອຍເອົາໃຈໃສ່ຕິດຕາມວຽກໜ້າສະ ໜາມ, ວັດສະດຸນໍາໃຊ້ປູນ ແລະ ເຫຼັກ ແມ່ນນໍາເຂົ້າຈາກປະເທດໄທ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ