ຈໍານວນຜູ້ເຂົ້າຊົມເວັບໄຊ

125735
ມື້ນີ້ມື້ນີ້133
ມື້ວານນີ້ມື້ວານນີ້314
ອາທິດນີ້ອາທິດນີ້1259
ເດືອນນີ້ເດືອນນີ້5870
ລວມທັງໝົດລວມທັງໝົດ125735

ມີ 13  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ເພື່ອເປັນການສ້າງຂະບວນການຂໍ່ານັບຮັບຕ້ອນ ແລະ ສະເຫຼີມ-ສະຫຼອງວັນສ້າງຕັ້ງ ຂະແໜງການເງິນ ຄົບຮອບ 68 ປີ ( 13 ສິງຫາ 1950-13 ສິງຫາ 2018 ) ໃຫ້ມີບັນຍາກາດຄືກຄື້ນນັ້ນ; ພະແນກ ການເງິນ ແຂວງ ຮ່ວມກັບ ສະມາຄົມ ກິລາກ໊ອບ ແຂວງ ໄຊຍະບູລີ ໄດ້ຈັດພິທີແຂ່ງຂັນກິລາຕີກ໊ອບຂຶ້ນ ໃນວັນທີ 11 ສິງຫາ 2018 ທີ່ສະໜາມກິລາຕີກ໊ອບອ່າງນໍ້າຕຽນ, ເຂົ້າຮ່ວມພິທີໄຂການແຂ່ງຂັນ ມີ ທ່ານ ຄໍາສຸກ ທໍ່ ຮອງເລຂາພັກແຂວງ, ປະທານແນວລາວສ້າງຊາດແຂວງ, ມີບັນດາການນຳແຂວງ, ພະແນກການ-ກົມກອງ ແລະ ນັກທຸລະກິດຜູ້ປະກອບການ ອ້ອມຂ້າງແຂວງ ແຂວງເຂົ້າຮ່ວມ 60 ກວ່າຄົນ. ໃນພິທີ ທ່ານ ຫຸມພັນ ແສງພະຈັນ ຮອງຫົວໜ້າຄຸ້ມຄອງພາສີ III ໄດ້ຂຶ້ນກ່າວຈຸດປະສົງຂອງການຈັດພິທີແຂ່ງຂັນກິລາຄັ້ງນີ້, ທ່ານໄດ້ກ່າວວ່າ: ການແຂ່ງຂັນກິລາຕີກ໊ອບ ແມ່ນເພື່ອສະເຫຼີມສະຫຼອງວັນສ້າງຕັ້ງ ຂະແໜງການເງິນ ຄົບຮອບ 68 ປີ ທີ່ໝູນວຽນມາອີກວາລະໜຶ່ງ ແລະ ເພື່ອເປັນການສ້າງສາຍພົວພັນ ແລະ ຄວາມສາມັກຄີ ລະຫວ່າງການນໍາຂອງແຂວງ ກັບ ບັນດາພະແນກການກົມກອງ ແລະ ນັກທຸລະກິດຜູປະກອບການອ້ອມຂ້າງແຂວງ ໃຫ້ມີຄວາມຫັດແໜ້ນຍິ່ງຂຶ້ນກວ່າເກົ່າ,

ການແຂ່ງຂັນກິລາຕີກອບຄັ້ງນີ້ແມ່ນເຕັມໄປດ້ວຍບັນຍາກາດແຫ່ງຄວາມສາມັກຄີລະຫວ່າງພາກລັດ ກັບ ນັກທຸລະກິດຜູ້ປະກອບການ, ກໍ່ຄື ການນໍາຂອງແຂວງ, ການແຂ່ງຂັນກິລາຄັ້ງນີ້ ມີນັກກິລາເຂົ້າຮ່ວມແຂ່ງຂັັນທັງໝົດ 45 ຄົນ; ແບ່ງອອກເປັນ 7 ກຸ່ມ, ຜ່ານການແຂ່ງຂັນປະກົດວ່າ ໄດ້ອັນດັບທີ 1 VIP ແມ່ນ ທ່ານ ເພັງນິລັນ ຄໍາພັນເພັງ ຮອງເຈົ້າແຂວງ ໄຊຍະບູລີ ໄດ້ຮັບລາງວັນ ຂັນ 1 ໜ່ວຍ ແລະ ເງິນສົດ 500,000 ກີບ, ໃຫ້ກຽດມອບລາງວັນໂດຍ ທ່ານ ບຸນແທນ ທີແກ້ວ ຫົວໜ້າພະແນກການເງິນແຂວງ, ອັນດັບທີ່ 1 ສາຍ ກໍ ແມ່ນ ທ່ານ ພົງແກ້ວ ໄດ້ຮັບ ຂັນ 1 ໜ່ວຍ ແລະ ເງິນສົດ 500,000 ກີບ, ໃຫ້ກຽດມອບໂດຍ ທ່ານ ຄໍາສຸກ ທໍ່ ປະທານແນວລາວສ້າງຊາດແຂວງ, ອັນດັບ 1 ສາຍ ຂໍ ແມ່ນ ທ່ານ ຫຼ້ານ້ອຍ ໄດ້ຮັບຂັນ 1 ໜ່ວຍ ແລະ ເງິນສົດ 500,000 ກີບ, ໃຫ້ກຽດມອບໂດຍ ທ່ານ ເພັງນິລັນ ຄໍາພັນເພັງ ຮອງເຈົ້າແຂວງ, ອັນດັບ 1 ສານ ຄໍ ແມ່ນ ທ່ານ ສອນປະສິດ ໄດ້ຮັບຂັນ 1 ໜ່ວຍ ແລະ ເງິນສົດ 500,000 ກີບ, ໃຫ້ກຽດມອບໂດຍ ທ່ານ ພົງແກ້ວ ປະທານສະມາຄົມກິລາກ໊ອບແຂວງ ໄຊຍະບູລີ.

ແຫຼ່ງຂ່າວ:ຫ້ອງວ່າການແຂວງໄຊຍະບູລີ

ໂດຍ:ອຸ່ນເຮືອນ ໂພທິລັກ

ໂທ:22126933  

ແຜນທີ ແຂວງໄຊຍະບູລີ