ຈໍານວນຜູ້ເຂົ້າຊົມເວັບໄຊ

125722
ມື້ນີ້ມື້ນີ້120
ມື້ວານນີ້ມື້ວານນີ້314
ອາທິດນີ້ອາທິດນີ້1246
ເດືອນນີ້ເດືອນນີ້5857
ລວມທັງໝົດລວມທັງໝົດ125722

ມີ 10  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ຕອນເຊົົ້າວັນທີ 13 ສິງຫາ 2018 ນີ້, ພະແນກການເງິນ ແຂວງໄຊຍະບູລີ ໄດ້ຈັດພິທີປາຖະກະຖາວັນສ້າງຕັ້ງລະບົບການເງິນ ຄົບຮອບ 68 ປີ ( 13 ສິງຫາ 1950 – 13 ສິງຫາ 2018 ) ຢູ່ທີ່ຫ້ອງກະຊຸມພະແນກດັ່ງກ່າວ ເຊິ່ງໃຫ້ກຽດປາຖະກະຖາໂດຍ ທ່ານ ບຸນແທນ ທີແກ້ວ ຫົວໜ້າພະແນກການເງິນແຂວງ, ມີບັນດາຫົວໜ້າ, ຮອງຫົວໜ້າຂະແໜງ ຕະຫຼອດຮອດ ພະນັກງານພາຍໃນພະແນກດັ່ງກ່າວເຂົ້າຮ່ວມຮັບຟັງຢ່າງພ້ອມພຽງ.

ໃນພິທີອັນມີຄວາມໝາຍສໍາຄັນນີ້, ທ່ານ ບຸນແທນ ທີແກ້ວ ຫົວໜ້າພະແນກການເງິນແຂວງ ໄດ້ຍົກໃຫ້ເຫັນປະຫວັດຄວາມເປັນມາ ແລະ ຄວາມສໍາຄັນ ຂອງວັນສ້າງຕັ້ງລະບົບການເງິນ ຄົບຮອບ 68 ປີ ( 13 ສິງຫາ 1950 – 13 ສິງຫາ 2018 ) ກ່າວວ່າ: ວັນທີ 13 ສິງຫາ 1950 ໜໍ່ແໜງຂະບົບການເງິນຂອງປະເທດເຮົາ ໄດ້ຮັບການສ້າງຕັ້ງຂື້ນ ໃນກອງປະຊຸມໃຫຍ່ຜູ້ແທນແນວລາວຕໍ່ຕ້ານທົ່ວປະເທດ ໄດ້ໄຂຂື້ນຢູ່ເຂດທີ່ໝັ້ນແຂວງຫົວພັນ ນັບແຕ່ມື້ນັ້ນມາເຖິງປັດຈຸບັນ ບົນເສັ້ນທາງແຫ່ງການເຕີບໃຫຍ່ຂະຫຍາຍຕົວ ມາເປັນເວລາ 68 ປີ

ລະບົບການເງິນ ກໍ່ໄດ້ຜ່ານຜ່າຄວາມຫຍຸ້ງຍາກນາໆປະການ ຊຶ່ງໃນແຕ່ລະໄລຍະແຫ່ງການກ້າວຂື້ນນັ້ນ ມັນແມ່ນຂະບວນວິວັດແຫ່ງການປັບປຸງ ແລະ ເສີມຂະຫຍາຍນະໂຍບາຍການເງິນ ໃຫ້ສອດຄ່ອງກັບເງື່ອນໄຂຈຸດພິເສດຂອງໜ້າທີ່ການເມືອງຂອງພັກຕະຫຼອດມາ. ຕະຫຼອດໄລຍະແຫ່ງການນໍາພາ

ພັກໄດ້ເອົາໃຈໃສ່ເປັນພິເສດ ຕໍ່ການນໍາພາວຽກງານການເງິນ ອັນໄດ້ເຮັດໃຫ້ລະບົບການເງິນສາມາດປະກອບສ່ວນຢ່າງໃຫຍ່ຫຼວງ ເຂົ້າໃນພາລະກິດ ການປະຕິວັດຊາດ ປະຊາທິປະໄຕ ແລະ ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດຂອງພວກເຮົາໃຫ້ຂະຫຍາຍຕົວຢ່າງບໍ່ຢຸດຢັ້ງ. ທ່ານ ບຸນແທນ ທີແກ້ວ ຍັງໄດ້ເນັ້ນໜັກພະນັກງານຫຼັກແຫຼ່ງພາຍໃນພະແນກການເງິນ ສູ້ຊົນຮອດປີ 2020 ຕາມແຜນພັດທະນາເສດຖະກິດ - ສັງຄົມ 5 ປີ ຄັ້ງທີ VIII ປີ 2016 – 2020 ສູ້ຊົນເຮັດໃຫ້ເສດຖະກິດຂອງແຂວງ ຂະຫຍາຍຕົວຕໍ່ເນື່ອງ ດ້ວຍຈັ່ງຫວະທີ່ໝັ້ນທ່ຽງ ໃນອັດຕາບໍ່ໃຫ້ຫຼຸດ 9% ຕໍ່ປີ. ກະສິກໍາເພີ່ມຂື້ນ 3,5% ກວມເອົາ 26%, ອຸດສາຫະກໍາເພີ່ມຂື້ນ 13% , ການບໍລິການເພີ່ມຂື້ນ 12,6 % ກວມເອົາ 35%. ລວມຍອດຜະລິດຕະພັນພາຍໃນບັນລຸ 12.287 ຕື້ກີບ, ສະເລ່ຍໃສ່ຫົວຄົນໜຶ່້ງໄດ້ 3.710 ໂດລາສະຫະລັດ, ສູ້ຊົນສ້າງ ແລະ ເກັບລາຍຮັບເຂົ້າງົບປະໃຫ້ໄດ້ 2.149 ຕື້ກີບ. ເພີ່ມຂື້ນສະເລ່ຍ 15-20% ຕໍ່ປີ ຄາດຄະເນລາຍຈ່າຍປະມານ 3.452 ຕື້ກີບ.

ແຫຼ່ງຂ່າວ:ຫ້ອງວ່າການປົກຄອງແຂວງ

ໂດຍ: ສາຄອນ ໄຊສົມຮັກສາ

ໂທ: 56662037  

ແຜນທີ ແຂວງໄຊຍະບູລີ