ຈໍານວນຜູ້ເຂົ້າຊົມເວັບໄຊ

125722
ມື້ນີ້ມື້ນີ້120
ມື້ວານນີ້ມື້ວານນີ້314
ອາທິດນີ້ອາທິດນີ້1246
ເດືອນນີ້ເດືອນນີ້5857
ລວມທັງໝົດລວມທັງໝົດ125722

ມີ 28  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ຕອນບ່າຍຂອງວັນທີ 16 ສິງຫາ 2018ນີ້, ທີ່ສະໂມສອນໃຫຍ່ ໂຮງຮຽນການເມືອ-ການປົກຄອງ ແຂວງ ໄຊຍະບູລີ ໄດ້ຈັດພິທີປາຖະກະຖາ ວັນສ້າງຕັ້ງແນວລາວສ້າງຊາດ ຄົບຮອບ 68 ປີ ( 13 ສິງຫາ 1950 – 13 ສິງຫາ 2018 ) , ໂດຍໃຫ້ກຽດເຂົ້າຮ່ວມ ແລະ ເລົ່າຄືນມູນເຊື້ອຂອງວັນດັ່ງກ່າວ ໂດຍ ທ່ານ ປອ ໄຊສົມພອນ ພົມວິຫານ ກໍາມະການກົມການເມືອງ ສູນກາງພັກ, ປະທານສູນກາງແນວລາວສ້າງຊາດ, ເຂົ້າຮ່ວມຮັບຟັງໂດຍມີ ທ່ານ ພົງສະຫວັນ ສິດທະວົງ ກໍາມະການສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ, ມີທ່ານປະທານສູນກາງສະຫະພັນແມ່ຍິງ, ຮອງປະທານສູນກາງຊາວໜຸ່ມ, ມີພະນັກງານຫຼັກແຫຼ່ງຂອງແຂວງ ແລະ ບັນດາເຈົ້າເມືອງ-ຮອງເຈົ້າເມືອງ 11 ເມືອງເຂົ້າຮ່ວມຢ່າງຫຼວງຫຼາຍ.

 

ຈຸດປະສົງຂອງພິທີດັ່ງກ່າວແມ່ນເພື່ອສຶກສາອົບຮົມບັນດາພະນັກງານສະມາຊິກພັກ, ພະນັກງານຫຼັກແຫຼ່ງຂອງແຂວງໃຫ້ມີຄວາມຮັບຮູ້ ແລະ ເຂົ້າໃຈຢ່າງເລິກເຊິ່ງ ກ່ຽວກັບມູນເຊື້ອອັນດີງາມ ແລະ ຜົນງານອັນໃຫ່ຍຫຼວງຂອງອົງການຈັດຕັ້ງແນວລາວສ້າງຊາດ ຕະຫຼອດໄລຍະແຫ່ງການຕໍ່ສູ້ປົດປ່ອຍຊາດ, ກໍ່ຄືປົກປັກຮັກສາ ແລະ ສ້າງສາ

ພັດທະນາປະເທດຊາດ. ເຊິ່ງນັບແຕ່ມື້ໄດ້ຮັບການສ້າງຕັ້ງ; ອົງການແນວລາວສ້າງຊາດ ໄດ້ເຕີບໃຫ່ຍ ແລະ ຂະຫຍາຍຕົວ ໄດ້ສ້າງຜົນງານອັນພົ້ນເດັ່ນໃນການຕໍ່ສູ້ຕ້ານກັບຈັກກະພັດ ແລະ ລູກມືຂາຍຊາດ, ທາງດ້ານການເມືອງ, ການທະຫານ, ການຕ່າງປະະເທດ; ປຸກລະດົມຄວາມສາມັກຄີ, ຂົນຂວາຍມະຫາຊົນ, ກໍ່ຄືປະຊາຊົນບັນດາເຜົ່າໃຫ້ເຂົ້າຮ່ວມສ້າງພື້ນຖານ ແລະ ສ້າງກໍາລັງປະຕິວັດ; ເຊິ່ງໄດ້ສ້າງຖ່ວງທ່າ ແລະ ບາດກ້າວໃໝ່ ໃຫ້ແກ່ຂະບວນການປະຕິວັດ ອັນເປັນປັດໄຈທີ່ໜັກແໜ້ນ ໃຫ້ແກ່ການຕໍ່ສູ້ຍືດເຍື້ອຍາວນານຂອງ ປະຊາຊົນ ລາວ ສາມາດຕີເອົາຊະນະຈັກກະພັດທີ່ໃຫ່ຍໂຕ ແລະ ປົດປ່ອຍປະເທດຊາດ ອອກຈາກແອກຄອບຄອງຂອງຈັກກະພັດລ່າເມືອງຂື້ນ ໂດຍບົວບໍ່ຊໍ້ານໍ້າບໍ່ຂຸ່ນ. ພາຍຫຼັງທີ່ປະເທດຊາດໄດ້ຮັບການປົດປ່ອຍຢ່າງສົມບູນ, ອົງການແນວລາວສ້າງຊາດໄດ້ເຕີບໃຫ່ຍຂະຫຍາຍຕົວທາງດ້ານການຈັດຕັ້ງ ແລະ ຮ່ວມກັບບັນດາອົງການຈັດຕັ້ງສັງຄົມ, ໄດ້ຍົກສູງບົດບາດ ໃນການເຕົ້າໂຮມກ້ອນກໍາລັງມະຫາສາມັກຄີປອງດອງທົ່ວປວງຊົນ, ໂຄສະນາ - ສຶກສາອົບຮົມປະຊາຊົນຢ່າງກວ້າງຂວາງ, ເສີມຂະຫຍາຍສິດເປັນເຈົ້າຂອງ ປະຊາຊົນປະຕິບັດສອງໜ້າທີ່ຍຸດທະສາດ, ນໍາພາປະເທດຊາດກ້າວຂື້ນສູ່ຄວາມພັດທະນາຢ່າງບໍ່ຢຸດຢັ້ງ.

ໂອກາດດັ່ງກ່າວ, ທ່ານປະທານສູນກາງແນວລາວສ້າງຊາດ ໄດ້ຮຽກຮ້ອງມາຍັງບັນດາການນໍາຂອງແຂວງທຸກພາກສ່ວນ ຈົ່ງພ້ອມກັນເສີມຂະຫຍາຍມູນເຊື້ອວັນສໍາຄັນນີ້ ເຂົ້າໃນໜ້າທີ່ການເມືອງຂອງຕົນ, ເພີ່ມທະວີຄວາມສາມັກຄີພາຍໃນ-ພາຍນອກໃຫ້ເປັນປຶກແຜ່ນແໜ້ນໜາ, ສືບຕໍ່ສ້າງເສດຖະກິດໃຫ້ຂະຫຍາຍຕົວຕໍ່ເນື່ອງ, ຊຸກຍູ້ປະຊາຊົນໃຫ້ມີການຜະລິດເປັນສິນຄ້າໃຫ້ຫຼາຍ, ດ້ວຍການປູກ-ການລ້ຽງ ໃຫ້ເປັນກຸ່ມ, ເປັນຟາມ, ເພື່ອແກ້ໄຂຄວາມທຸກຍາກຂອງປະຊາຊົນໃຫ້ໝົດໄປ ແລະ ເອົາໃຈໃສ່ຕໍ່ວຽກງານພຸດທະສາດສະໜາ, ພ້ອມດຽວກັນ ທ່ານປະທານສູນກາງແນວລາວສ້າງຊາດ ກໍ່ໄດ້ນໍາເອົາເຄື່ອງນຸ່ງຮົ່ມຈໍານວນໜຶ່ງ ແລະ ເຂົ້າສານ ຈໍານວນ 6 ໂຕນ ໃນນັ້ນ ເຂົ້າສານໜຽວ 3 ໂຕນ ແລະ ເຂົ້າສານຈ້າວ 3 ໂຕນ ລວມມູນຄ່າທັງໝົດ 40 ກວ່າກີບ ມອບໃຫ້ກັບປະຊາຊົນທີ່ຖືກຜົນກະທົບຈາກໄພພິບັດຢູ່ບັນດາເມືອງ, ໃຫ້ກຽດຮັບໂດຍ ທ່ານ ພົງສະຫວັນ ສິດທະວົງ ກໍາມະການສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ