ຈໍານວນຜູ້ເຂົ້າຊົມເວັບໄຊ

125724
ມື້ນີ້ມື້ນີ້122
ມື້ວານນີ້ມື້ວານນີ້314
ອາທິດນີ້ອາທິດນີ້1248
ເດືອນນີ້ເດືອນນີ້5859
ລວມທັງໝົດລວມທັງໝົດ125724

ມີ 35  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ເນື່ອງໃນໂອກາດ ທ່ານ ປະລິນຍາເອກ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ ໄດ້ມາເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງໄຊຍະບູລີ. ໃນຕອນບ່າຍຂອງວັນທີ 16 ສິງຫາ 2018 ນີ້, ທ່ານ ປະລິນຍາເອກ ໄຊສົມພອນ ພົມວິຫານ ພ້ອມດ້ວຍຄະນະ ໄດ້ຢ້ຽມຢາມ ແລະ ເຮັດວຽກຢູ່ກອງພົນທະຫານຣາບ ທີ່ II ນໍາພາໂດຍ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ຢູ່ທີ່ສະໂມສອນຂອງກອງພົນດັ່ງກ່າວ.

ພັທ ວົງເພັດ ເພັງພານິດ ຄະນະປະຈໍາພັກກອງພົນ ຫົວໜ້າຫ້ອງການເມືອງກອງພົນທະຫານຣາບ ທີ່ II ໄດ້ສະແດງຄວາມຍິນດີຕ້ອນຮັບ ແລະ ຊົມເຊີຍຕໍ່ ທ່ານ ປະລິນຍາເອກ ໄຊສົມພອນ ພົມວິຫານ ກໍາມະການກົມການເມືອງ ສູນກາງພັກ, ປະທານສູນກາງແນວລາວສ້າງຊາດ ພ້ວມດ້ວຍຄະນະ ທີ່ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ກອງພົນທີ່ ll ພ້ອມທັງລາຍງານໂດຍຫຍໍ້ກ່ຽວກັບສະພາບຈຸດພິເສດ,

ທີ່ຕັ້ງຂອງກອງພົນ ແລະ ບາງສະພາບການອັນພົ້ນເດັ່ນ ໂດຍສະເພາະແມ່ນໄດ້ເຮັດໜ້າທີ່ສູ້ຮົບໄດ້ມີຜົນສຳເລັດ. ໄດ້ຮັບເປັນກົມກອງວິລະຊົນ ແລະ ກົມກອງພິລະອາດຫານ. ນອກຈາກຜົນງານດັ່ງກ່າວ, ເລຂາຄະນະກອງພົນຍັງໄດ້ເອົາໃຈໃສ່ສຶກສາອົບຮົມການເມືອງ, ນຳພາແນວຄິດໃຫ້ພະນັກງານນັກຮົບຢ່າງທົ່ວເຖິງ.

ໂດຍໄດ້ນຳເອົາມະຕິຄຳສັ່ງຂອງພັກ-ລັດ, ຂໍ້ກຳນົດກົດລະບຽບຂອງກອງທັບ, ມູນເຊື້ອຂອງຊາດ,ຂອງຜູ້ນຳມາເຜີຍແຜ່ ອັນເຮັດໃຫ້ພະນັກງານນັກຮົບມີຄຸນທາດການເມືອງໜັກແໜ້ນ, ມີຄວາມຈົງຮັກພັກດີຕໍ່ປະເທດຊາດ, ພ້ອມກັນເຮັດສຳເລັດໜ້າທີ່ໆໄດ້ຮັບມອບໝາຍ ແລະ ໄດ້ສຸມໃສ່ຕັ້ງໜ້າປະຕິບັດ 4 ໜ້າທີ່ໃຫຍ່ 26 ແຜນການທີ່ຄະນະພັກກະຊວງປ້ອງກັນປະເທດວາງອອກ. ໃນໂອກາດດຽວກັນ, ທ່ານ ປະລິນຍາເອກ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ ໄດ້ໃຫ້ກຽດໂອ້ລົມຕໍ່ນາຍ ແລະ ພົນທະຫານ. ໃນນັ້ນ ທ່ານໄດ້ຍົກໃຫ້ເຫັນສະພາບການຂອງໂລກໃນໄລຍະຜ່ານມາ. ພ້ອມດຽວກັນທ່ານຍັງໄດ້ເນັ້ນໜັກບາງບັນຫາເປັນຕົ້ນແມ່ນສືບຕໍ່ເປັນກຳລັງແຮງໃນການພັດທະນາປະເທດຊາດໃຫ້ຈະເລີນກ້າວໜ້າ, ຮັກສາມູນເຊື້ອວິລະຊົນ, ຕິດຕາມຢ່າງໃກ້ຊິດກັບອ້າຍນ້ອງແຕ່ລະກົມກອງເພື່ອຕ້ານ ແລະ ສະກັດກັ້ນບັນຫາຢາເສບຕິດ, ການຄ້າອາວຸດ, ຜັນຂະຫຍາຍມະຕິຂອງພັກໃຫ້ໄດ້ຮັບຜົນດີ, ເຂົ້າຮ່ວມຂະບວນການຕ່າງໆ ແລະ ຊ່ວຍເຫຼືອປະຊາຊົນ, ເປັນແບບເປັນຢ່າງໃຫ້ປະຊາຊົນ. ພ້ອມດຽວກັນນີ້ ທ່ານ ປະລິນຍາເອກ ໄຊສົມພອນ ພົມວິຫານ ຍັງໄດ້ມອບ ຄອມພິວເຕີຕັ້ງໂຕະ ຈຳນວນ 2 ຊຸດ, ປີ່ນເຕີ 2 ເຄື່ອງ ແລະ ເຄື່ອງອຸປະກອນກິລາ ແລະ ເງິນສົດລວມມູນຄ່າທັງໝົດ 17 ລ້ານກວ່າກີບ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ສາຄອນ ໄຊສົມຮັກສາ

ໂທ: 56662037  

ແຜນທີ ແຂວງໄຊຍະບູລີ