ຈໍານວນຜູ້ເຂົ້າຊົມເວັບໄຊ

117759
ມື້ນີ້ມື້ນີ້299
ມື້ວານນີ້ມື້ວານນີ້352
ອາທິດນີ້ອາທິດນີ້1911
ເດືອນນີ້ເດືອນນີ້6896
ລວມທັງໝົດລວມທັງໝົດ117759

ມີ 14  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນວັນທີ 17 ສິງຫາ 2018 ນີ້ ທ່ານ ປອ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານແນວລາວສ້າງຊາດ ພ້ອມດ້ວຍຄະນະ ໄດ້ລົງຢ້ຽມຢາມກຸ່ມບໍລິສັດສົ່ງເສີມກະສິກໍາ ທີ່ເມືອງພຽງ ແຂວງ ໄຊຍະບູລີ, ໃຫ້ການຕ້ອນຮັບໂດຍ ທ່ານ ພົງສະຫວັນ ສິດທະວົງ ກໍາມະການສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ, ມີທ່ານ ສົມຫວັງ ແສງຈັນ ເຈົ້າເມືອງ-ເມືອງ ພຽງ, ມີພະນັກງານຫຼັກແຫຼ່ງຂອງເມືອງ ແລະ ພະນັກງານວິຊາການ ກຸ່ມບໍລິສັດສົ່ງເສີມກະສິກໍາໃຫ້ການຕ້ອນຮັບ ແລະ ນໍາພາເບິ່ງຕົວຈິງບັນດາກິດຈະກໍາຕ່າງໆຂອງກຸ່ມບໍລິສັດ.

ກ່ອນອື່ນທີມງານຂອງ ທ່ານ ປະທານແນວລາວສ້າງຊາດ ພ້ອມດ້ວຍຄະນະແມ່ນໄດ້ຮັບຟັງການລາຍງານຫຍໍ້ຈາກກຸ່ມບໍລິສັດສົ່ງເສີມກະສິກໍາ, ລາຍງານໂດຍ ທ່ານ ນ້ອຍນວນ ດວງເດດ ຕາງໜ້າໃຫ້ກຸ່ມບໍລິສັດ ເຊິ່ງທ່ານໄດ້ກ່າວວ່າ: ກຸ່ມບໍລິສັດດັ່ງກ່າວປະກອບມີ 3 ບໍລິສັດຄື: ບໍລິສັດ ດວງເດດ ສົ່ງເສີມກະສິກໍາ ຂາອອກ-ຂາເຂົ້າຈໍາກັດ, ບໍລິສັດ ນາອູມການຄ້າຂາອອກ-ຂາເຂົ້າຮຸ່ນສ່ວນຈໍາກັດ ແລະ ໂຮງງານປຸງແຕ່ງໄມ້ຄົບວົງຈອນໂພນສະຫວ່າງ, ແຕ່ລະບໍລິສັດແມ່ນມີລະບົບການຈັດຕັ້ງຂອງໃຜລາວ ແລະ ໄດ້ເຄື່ອນໄຫວເຊັ່ນ: ບໍລິສັດ ດວງເດດ ສົ່ງເສີມກະສິກໍາ ຂາອອກ-ຂາເຂົ້າຈໍາກັດ ເປັນບໍລິສັດສົ່ງເສີມການປາມນໍ້າມັນ ຢູ່ 3 ເມືອງ ຄື:

ເມືອງພຽງ, ເມືອງ ໄຊຍະບູລີ ແລະ ເມືອງ ປາກລາຍ, ມີ 49 ຄອບຄົວ, ມີເນື້ອທີ່ 338,61 ເຮັກຕາ, ມີ 50.792 ຕົ້ນ, ມາຮອດປະຈຸບັນສາມາດໃຫ້ຜົນຜະລິດແລ້ວ 99,68 ເຮັກຕາ, ຜົນຜະລິດທີ່ເກັບກູ້ແລ້ວມີ 1.943,76 ໂຕນ, ສ້າງລາຍຮັບໄດ້ 1,457 ລ້ານກວ່າກີບ, ບໍລິສັດ ນາອູມການຄ້າຂາອອກ-ຂາເຂົ້າຮຸ່ນສ່ວນຈໍາກັດ ໄດ້ສ້າງຕັ້ງໂຮງານບີບນໍ້າມັນປາມ ແລະ ໄດ້ເລີ່ມຜະລິດມາແຕ່ ເດືອນເມສາ 2018 ເປັນຕົ້ນມາ, ສາມາດຜະລິດໄດ້ 20.000 kg/ວັນ ແລະ ເກັບຊື້ໝາກປາມເຂົ້າໂຮງງານ 250 ໂຕນ, ໂຮງງານ ປຸງແຕ່ງໄມ້ຄົບວົງຈອນໂພນສະຫວ່າງ ໄດ້ປຸງແຕ່ງໄມ້ສັກປູກ ສໍາເລັດຮູບ ໂດຍສະເພາະແມ່ນເຄື່ອງເຟີນີເຈີ ສົ່ງອອກຕ່າງປະເທດ, ນອກນີ້ທາງ ກຸ່ມບໍລິສັດຍັງໄດ້ສົ່ງເສີມການປູກຢາງພະລາ, ເຊິ່ງມີທັງໝົດ 65 ພັນ ກວ່າຕົ້ນ, ມີ 130 ເຮັກຕາ, ມາຮອດປະຈຸບັນສາມາດຜະລິດຢາງໄດ້ແລ້ວ 35 ພັນຕົ້ນ, ຜົນຜະລິດໄດ້ 488 ໂຕນ, ລາຄາຂາຍ 500 ກີບ/kg, ປູກຫຍ້າລ້ຽງສັດໃຫຍ່ ປະເພດ ງົວ ແລະ ຄວາຍ ແບບເປັນຟາມ, ມີ ງົວ 22 ໂຕ, ຄວາຍ 44 ໂຕ, ໂອກາດດັ່ງກ່າວ ທີມງານຂອງ ທ່ານ ປະທານແນວລາວສ້າງຊາດ ພ້ອມດ້ວຍຄະນະ ກໍ່ໄດ້ເບິ່ງຕົວຈິງ ຟາມລ້ຽງງົວ-ຄວາຍ, ໂຮງງານປຸງແຕ່ງໄມ້ສໍາເລັດຮູບ, ໂຮງງານປີບນໍ້າມັນປາມ ແລະ ກຸ່ມ ຜະລິດອຸດສາຫະກໍາແຜ່ນແພ ຂອງປະຊາຊົນ ບ້ານ ແສງຈະເລີນ ຕື່ມອີກ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ