ຈໍານວນຜູ້ເຂົ້າຊົມເວັບໄຊ

117748
ມື້ນີ້ມື້ນີ້288
ມື້ວານນີ້ມື້ວານນີ້352
ອາທິດນີ້ອາທິດນີ້1900
ເດືອນນີ້ເດືອນນີ້6885
ລວມທັງໝົດລວມທັງໝົດ117748

ມີ 21  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນຕ້ອນເຊົ້າວັນທີ 21 ສິງຫາ 2018 ນີ້, ທ່ານ ຄໍາບຸນນັດ ໄຊຍະນົນ ຮອງລັດຖະມົນຕີ ກະຊວງກະສິກໍາ ແລະ ປ່າໄມ້ ພ້ອມດ້ວຍຄະນະ ໄດ້ລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງໄຊຍະບູລີ ໃຫ້ການຕ້ອນຮັບໂດຍທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີ ຢູ່ທີ່ຫ້ອງປະຊຸມຫ້ອງວ່າການແຂວງ. ທ່ານ ຄໍາບຸນນັດ ໄຊຍະນົນ ຮອງລັດຖະມົນຕີ ກະຊວງກະສິກໍາ ແລະ ປ່າໄມ້ ໄດ້ກ່າວສະແດງຄວາມຂອບໃຈຕໍ່ທ່ານຮອງເຈົ້າແຂວງ ທີ່ໃຫ້ການຕ້ອນຮັບຢ່າງອົບອຸ່ນ ພ້ອມທັງກ່າວຈຸດປະສົງ ເພື່ອປຶກສາຫາລື ກ່ຽວກັບ ການຜັນຂະຫຍາຍຈັດຕັ້ງປະຕິບັດດໍາລັດ 348/ລບ ແລະ ບົດແນະນໍາ ເລກທີ 830/ກປ ກ່ຽວກັບການຈັດຕັ້ງປະຕິບັດ ມາດຖານພົ້ນທຸກ ແລະ ການພັດທະນາ. ຈຸດປະສົງເພື່ອເປັນພື້ນຖານ ໃຫ້ແກ່ການກໍານົດເປົ້າໝາຍແກ້ໄຂຄວາມທຸກຍາກ ໂດຍເລີ່ມຈາກການສ້າງຄອບຄົວໃຫ້ພົ້ນທຸກ, ສ້າງຄອບຄົວພັດທະນາ, ບ້ານພັດທະນາ, ບ້ານໃຫຍ່ເປັນຕົວເມືອງນ້ອຍທີ່ບໍ່ແມ່ນການຈັດຕັ້ງລັດຂັ້ນໜຶ່ງ ລະຫວ່າງເມືອງກັບບ້ານຊົນນະບົດ ແລະ ສ້າງເມືອງເຂັ້ມແຂງຮອບດ້ານ ໃຫ້ສອດຄ່ອງກັບມະຕິກອງປະຊຸມໃຫຍ່ ຜູ້ແທນທົ່ວປະເທດຂອງພັກ ແລະ ແຜນພັດທະນາເສດຖະກິດ - ສັງຄົມ

ແຫ່ງຊາດ ແຕ່ລະໄລຍະໃຫ້ປະກົດຜົນເປັນຈິງ.ຈາກນັ້ນ, ທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີ ໄດ້ສະແດງຄວາມຊົມເຊີຍຕໍ່ ທ່ານຮອງລັດຖະມົນຕີ ກະຊວງກະສິກໍາ ແລະ ປ່າໄມ້ ພ້ອມດ້ວຍຄະນະທີ່ໄດ້ມາຢ້ຽມຢາມ ແລະ ເຮັດວຽກຢູ່ແຂວງ ໄຊຍະບູລີ ພ້ອມທັງປຶກສາຫາລືກ່ຽວກັບສະຖານທີ່ທີ່ຈະເຮັດທົດລອງ ແລະ ຖອດຖອນບົດຮຽນ ເພື່ອໃຫ້ການຜັນຂະຫາຍຈັດຕັ້ງປະຕິບັດດໍາລັດ 348/ລບ ແລະ ບົດແນະນໍາ ເລກທີ 830/ກປ ໃຫ້ໄດ້ຮັບຜົນສໍາເລັດ.

ແຫຼ່ງຂ່າວ:ຫ້ອງວ່າການແຂວງ ໄຊຍະບູລີ 

ໂທ:56662037  

ແຜນທີ ແຂວງໄຊຍະບູລີ