ຈໍານວນຜູ້ເຂົ້າຊົມເວັບໄຊ

117745
ມື້ນີ້ມື້ນີ້285
ມື້ວານນີ້ມື້ວານນີ້352
ອາທິດນີ້ອາທິດນີ້1897
ເດືອນນີ້ເດືອນນີ້6882
ລວມທັງໝົດລວມທັງໝົດ117745

ມີ 17  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ວັນທີ 28 ສິງຫາ 2018 ນີ້, ຢູ່ທີ່ຫ້ອງວ່າການແຂວງໄຊຍະບູລີ ໄດ້ຈັດກອງປະຊຸມ ການສໍາມະນາແລກປ່ຽນບົດຮຽນ ວຽກງານສະຖິຕິ ການເງິນ - ເງິນຕາ ໂດຍການເປັນກຽດເຂົ້າຮ່ວມຂອງທ່ານ ເພັງນິລັນ ຄໍາພັນເພັງ ຮອງເຈົ້າແຂວງໄຊຍະບູລີ, ທ່ານ ບຸນລ້ອມ ພົງຈະເລີນ ຮອງຫົວໜ້າທະນາຄານແຫ່ງ ສປປ ລາວ ສາຂາພາກເໜືອ ແຂວງຫຼວງພະບາງ, ມີຜູ້ແທນຈາກພະແນກການອ້ອມຂ້າງ ແລະ ບັນດາທະນາຄານທຸລະກິດພາກໃນແຂວງເຂົ້າຮ່ວມ.

ໃນພິທີ ທ່ານ ເພັງນິລັນ ຄໍາພັນເພັງ ຮອງເຈົ້າແຂວງໄຊຍະບູລີ ໄດ້ກ່າວຈຸດປະສົງ ແລະ ເປີດການດໍາເນີນກອງປະຊຸມການສໍາມະນາແລກປ່ຽນບົດຮຽນ ແລະ ປະສົບການ ໃນການຈັດຕັ້ງປະຕິບັດ ການເກັບກໍາສະຖິຕິເສດຖະກິດມະຫາພາກ, ການສະຫຼຸບສັງລວມແຜນພັດທະນາເສດຖະກິດ 5 ປີ ແຂວງແຂວງ. ຈາກນັ້ນ, ທ່ານ ບຸນລ້ອມ ພົງຈະເລີນ ຮອງຫົວໜ້າທະນາຄານແຫ່ງ ສປປ ລາວ ສາຂາພາກເໜືອ ແຂວງຫຼວງພະບາງ ກໍ່ໄດ້ລາຍງານທີ່ຕັ້ງ, ພາລະບົດບາດ, ຂອບເຂດສິດ ແລະ ໜ້າທີ່ ທະນາຄານແຫ່ງ ສປປລາວ ພາກເໜືອທີ່ແຂວງຫຼວງພະບາງ ແມ່ນໜຶ່ງໃນກົງຈັກການຈັດຕັ້ງ ຂອງທະນາຄານ ແຫ່ງ ສປປ ລາວ

ທີ່ຢູ່ພາຍໃຕ້ການຄຸ້ມຄອງຂອງ ທະນາຄານແຫ່ງ ສປປລາວ ທາງດ້ານວິຊາການ ແລະ ການຈັດຕັ້ງ; ດ້ານການເມືອງ - ແນວຄິດ ແລະ ການເຄື່ອນໄຫວວຽກງານຂອງອົງການຈັດຕັ້ງມະຫາຊົນ ໃຫ້ຂື້ນກັບອໍານາດການປົກຄອງທ້ອງຖີ່ນ; ທະນາຄານແຫ່ງ ສປປລາວ ສາຂາພາກເໜືອແຂວງຫຼວງພະບາງ ໄດ້ຈັດຕັ້ງປະຕິບັດ ແລະ ສາມາດເກັບກໍາຂໍ້ມູນກ່ຽວກັບເສດຖະກິດຈໍານວນໜຶ່ງ ແຂວງໄຊຍະບູລີ ເປັນແຂວງໜຶ່ງທີ່ມີພື້ນຖານເສດຖະກິດດີ ອັດຕາຂະຫຍາຍຕົວຂອງເສດຖະກິດ 8,5%, ລວມຍອດຜະລິດຕະພັນພາຍໃນ ( GDP ) ບັນລຸໄດ້ 8.234 ຕື້ກີບ, ສະເລ່ຍລາຍຮັບຕໍ່ຫົວຄົນໄດ້ 2.596 ໂດລາສະຫະລັດ ຄາດຄະເນພົນລະເມືອງທົ່ວແຂວງ 396.529 ຄົນ ອັດຕາເງິນເຟີ້ສະເລ່ຍ 0,97% ໃນນັ້ນ, ຂົງເຂດກະສິກໍາ ກວມອັດຕາສ່ວນ 36,50%, ອຸດສາຫະກໍາ ກວມ 35,50% ແລະ ການບໍລິການ ກວມ 28% ຂອງ GDP. ສົ່ງອອກສິນຄ້າ ທັງໝົດ 242,80 ຕື້ກີບ ແລະ ນໍາເຂົ້າສິນຄ້າ 431,84 ຕື້ກີບ. ສາມາດເກັບລາຍຮັບເຂົ້າງົບປະມານ 223,99 ຕື້ກີບ ແລະ ປະຕິບັດລາຍຈ່າຍງົບປະມານ 537,13 ຕື້ກີບ. ມີການລົງທຶນທັງໝົດ 325,95 ຕື້ກີບ, ໃນນັ້ນ ການລົງທຶນຂອງລັດ 82,23 ຕື້ກີບ, ການລົງທຶນເອກະຊົນພາຍໃນ ແລະ ຕ່າງປະເທດ 79,26 ຕື້ກີບ ແລະ ການຊ່ວຍເຫຼືອລ້າ ແລະ ກູ້ຢືມ 164,46 ຕື້ກີບ. ທະນາຄານແຫ່ງ ສປປລາວ ພາກເໜືອແຂວງຫຼວງພະບາງ ຍັງໄດ້ເອົາໃຈໃສ່ຕິດຕາມກວດກາການເຄື່ອນໄຫວຂອງບົບການເງິນ - ເງິນຕາ ພາຍໃນ ແລະ ຕ່າງປະເທດ ໃຫ້ຄ່ອງຕົວ ແລະ ຮັກສາສະຖຽນລະພາບຂອງຄ່າເງິນກີບໃຫ້ໜັ້ນທ່ຽງ. ຈາກນັ້ນ ຜູ້ເຂົ້າຮ່ວມກໍ່ໄດ້ຮັບຟັງພາລະບົດບາດ ແລະ ຄວາມສໍາຄັນຂອງວຽກງານສະຖິຕິ, ກົດໝາຍສະຖິຕິ ( ສະບັບປັບປຸງ ), ຂັ້ນຕອນການສັງລວມສະຖິຕິຂອງສູນສະຖິຕິປະຈໍາແຂວງ ແລະ ໄດ້ພ້ອມກັນປະກອບຄໍາຄິດເຫັນ, ແລກປ່ຽນບົດຮຽນ, ຍົກຫົວຂໍ້ ເພື່ອມາປັບປຸງແກ້ໄຂວິທີການເກັບກໍາສັງລວມ ແລະ ການຂຽນລາຍງານເສດຖະກິດ, ການນໍາໃຊ້ຂໍ້ມູນທີ່ໄດ້ເກັບກໍາຈາກພະແນກການອ້ອມຂ້າງແຂວງ ເພື່ອວິເຄາະ ແລະ ໝູນໃຊ້ເຂົ້າໃນວຽກງານການຄຸ້ມຄອງມະຫາພາກທາງດ້ານເງິນຕາ, ບົດລາຍງານສະພາບການລົງທຶນຂອງນັກລົງທຶນພາຍໃນ, ຫຼັກການໃນການອະນຸຍາດການລົງທຶນຈາກຕ່າງປະເທດ, ຂັ້ນຕອນ ແລະ ວິທີການຢັ້ງຢືນການນໍາເຂົ້າທຶນ ຂອງນັກລົງທຶນຕ່າງປະເທດ ໃຫ້ໄດ້ຮັບຜົນສໍາເລັດ.

ແຫຼ່ງຂ່າວ:ຫ້ອງວ່າການປົກຄອງແຂວງ

ໂດຍ: ສາຄອນ ໄຊສົມຮັກສາ

ໂທ: 56662037  

ແຜນທີ ແຂວງໄຊຍະບູລີ