ຈໍານວນຜູ້ເຂົ້າຊົມເວັບໄຊ

135612
ມື້ນີ້ມື້ນີ້348
ມື້ວານນີ້ມື້ວານນີ້439
ອາທິດນີ້ອາທິດນີ້2633
ເດືອນນີ້ເດືອນນີ້6014
ລວມທັງໝົດລວມທັງໝົດ135612

ມີ 34  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ແຂວງໄຊຍະບູລີ ໄດ້ຈັດກອງປະຊຸມສຶບຕໍ່ຜັນຂະຫຍາຍຈັດຕັ້ງປະຕິບັດຄໍາສັ່ງເລກທີ 40/ນຍ ວ່າດ້ວຍການເກັບກໍາ ແລະ ສໍາຫຼວດຖານລາຍຮັບງົບປະມານຄືນໃໝ່ ໃນຕອນເຊົ້າວັນທີ 28 ສິງຫາ 2018 ທີ່ຫ້ອງປະຊຸມຫ້ອງວ່າການປົກຄອງເມືອງ. ພາຍໃຕ້ການເປັນປະທານຂອງທ່ານ ເພັງນິລັນ ຄໍາພັນເພັງ ກໍາມະການປະຈໍາພັກແຂວງ ຮອງເຈົ້າແຂວງໄຊຍະບູລີ ຜູ້ຊີ້ນໍາວຽກງານເສດຖະກິດ-ສັງຄົມ, ມີກໍາມະການພັກແຂວງ, ຄະນະປະຈໍາພັກເມືອງ, ຫົວໜ້າ, ຮອງຫົວໜ້າພະແນກການ, ຫ້ອງການ, ອົງການ, ກົມກອງ, ພະນັກງານທີ່ກ່ຽວຂ້ອງຂອງແຂວງ, ເມືອງ ແລະ ບ້ານເຂົ້າຮ່ວມ.

ໃນກອງປະຊຸມ ໄດ້ຮັບຟັງການຜ່ານຂໍ້ຕົກລົງຂອງເຈົ້າແຂວງໄຊຍະບູລີ ວ່າດ້ວຍການແຕ່ງຕັ້ງຄະນະຮັບຜິດຊອບຊີ້ນໍາລວມ ແລະ ຄະນະວິຊາການກວດກາຄືນຂໍ້ມູນຖານລາຍຮັບສ່ວຍສາອາກອນ, ຊັບສິນ ແລະ ຍົກຖານລາຍຮັບຫົວໜ່ວຍທຸລະກິດ ທີ່ມີລາຍຮັບແຕ່ 400 ລ້ານກີບຕໍ່ປີ ຂື້ນໄປ ແລະ ຖານຂໍ້ມູນການເຊົ່າ-ສໍາປະທານທີ່ດິນລັດ ແລະ ການຂຸດຄົ້ນຊັບພະຍາກອນທໍາມະຊາດ, ຟັງການຜ່ານຄໍາສັ່ງເລກທີ 40/ນຍ ວ່າດ້ວຍການເກັບກໍາ ແລະ ສໍາຫຼວດຖານລາຍຮັບງົບປະມານຄືນໃໝ່ໃນຂອບເຂດທົ່ວປະເທດ, ໂດຍອີງຕາມກົດໝາຍ ວ່າດ້ວຍລັດຖະບານແຫ່ງ ສປປ ລາວ (ສະບັບປັບປຸງ),

ອີງຕາມກົດໝາຍ ວ່າດ້ວຍງົບປະມານແຫ່ງລັດ ແລະ ອີງຕາມການຄົ້ນຄ້ວາເປັນເອກະພາບໃນກອງປະຊຸມຂອງທິມງານເສດຖະກິດລັດຖະບານ, ຟັງການຜ່ານຄໍາແນະນໍາເລກທີ 0410/ກງ.ຊລ ກ່ຽວກັບການເກັບກໍາຂໍ້ມູນຖານລາຍຮັບຈາກຊັບສິນຂອງລັດ, ຟັງການລາຍງານໂດຍຫຍໍ້ ໃນການຈັດຕັ້ງຜັນຂະຫຍາຍຄໍາສັ່ງເລກທີ 40/ນຍ. ຈາກນັ້ນຜູ້ເຂົ້າຮ່ວມໃນກອງປະຊຸມ ກໍ່ໄດ້ປະກອບຄໍາຄິດ-ຄໍາເຫັນແລກປ່ຽນຢ່າງກົງໄປກົງມາ ໂດຍໄດ້ຍົກໃຫ້ເຫັນເຖິງຈຸດດີ, ຈຸດອ່ອນ, ຂໍ້ຄົງຄ້າງ, ຂໍ້ສະດວກ, ຂໍ້ຫຍຸ້ງຍາກ, ບົດຮຽນທີ່ຖອດຖອນໄດ້ ແລະ ວິທີແກ້ໄຂໃນຕໍ່ໜ້າ ເພື່ອຮັບປະກັນໃຫ້ມີຖານຂໍ້ມູນທີ່ຖືກຕ້ອງ, ຊັດເຈນ, ແທດເໝາະກັບຄວາມເປັນຈິງ ສະໜອງໃຫ້ແກ່ການຄົ້ນຄ້ວາ, ພິຈາລະນາ ແລະ ສ້າງແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດໃນແຕ່ລະໄລຍະ ໃຫ້ດີຂື້ນເທື່ອລະກ້າວ ແລະ ບັນລຸຕາມລະດັບຄາດໝາຍ. ໃນຕອນທ້າຍກອງປະຊຸມຜູ້ເຂົ້າຮ່ວມ ກໍ່ໄດ້ຮັບຟັງການເຈາະຈີ້ມ, ໃຫ້ທິດຊີ້ນໍາ, ແລະ ໂອ້ລົມ ຂອງທ່ານ ເພັງນິລັນ ຄໍາພັນເພັງ ກໍາມະການປະຈໍາພັກແຂວງ ຮອງເຈົ້າແຂວງໄຊຍະບູລີ ຕື່ມອີກ.

ຂ່າວ: ບຸນຈັນ ທ່າວ 0305752303  

ແຜນທີ ແຂວງໄຊຍະບູລີ