ຈໍານວນຜູ້ເຂົ້າຊົມເວັບໄຊ

117739
ມື້ນີ້ມື້ນີ້279
ມື້ວານນີ້ມື້ວານນີ້352
ອາທິດນີ້ອາທິດນີ້1891
ເດືອນນີ້ເດືອນນີ້6876
ລວມທັງໝົດລວມທັງໝົດ117739

ມີ 25  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ເນື່ອງໃນໂອກາດວັນຊາດ ສສ ຫວຽດນາມ ຄົບຮອບ 73 ປີ ( 2 ກັນຍາ 1945-2 ກັນຍາ 2018 ) ທີ່ໝູນວຽກມາອີກວາລະໜຶ່ງນັ້ນ, ການນໍາແຂວງ ໄຊຍະບູລີ, ນໍາໂດຍ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ພ້ອມດ້ວຍຄະນະໄດ້ເຂົ້າອວຍພອນພະນັກງານຫຼັກແຫຼ່ງຫ້ອງການກົງສູນໃຫຍ່ ສສຫວຽດນາມ ປະຈໍາພາກເໜືອຂອງ ສປປ ລາວ ທີ່ ແຂວງ ຫຼວງພະບາງ,ໃນວັນທີ 29 ສິງຫາ ປີນີ້. ທີ່ຫ້ອງຮັບແຂກຫ້ອງການກົງສູນດັ່ງກ່າວ, ໃຫ້ການຕ້ອນຮັບໂດຍທ່ານ ຫວູ໋ ດັງແມັງ ຫົວໜ້າກົງສູນໃຫຍ່ ສສຫວຽດນາມ ພ້ອມດ້ວຍພະນັກງານຫຼັກແຫຼ່ງພາຍໃນກົງສູນໃຫ້ການຕ້ອນຮັບຢ່າງອົບອຸ່ນ.

ທ່ານ ພົງສະຫວັນ ສິດທະວົງ ໄດ້ກ່າວ່າ: ຕະຫຼອດໄລຍະ 73 ປີຜ່ານມາ, ພາຍໃຕ້ຄັນທຸງຂອງພັກຄອມມູນິດຫວຽດນາມ, ປະຊາຊົນອ້າຍນ້ອງໄດ້ຜ່ານຜ່າຄວາມຫຍຸ້ງຍາກນາໆປະການ ແລະ ສາມາດຍາດໄດໄຊຊະນະ ດ້ວຍຜົນສໍາເລັດອັນສະຫງ່າງາມ, ເຮັດໃຫ້ປະຊາຊົນມີສະຖຽນລະພາບທາງດ້ານການເມືອງ, ເສດຖະກິດເຕີບໃຫຍ່ຂະຫຍາຍຕົວ, ຊີວິດການເປັນຢູ່ຂອງປະຊາຊົນໄດ້ຮັບການປົວແປງ ແລະ ຍົກສູງ, ມີຄວາມໝັ້ນຄົງ ແລະ ເຂັ້ມແຂງດ້ານວຽກງານປ້ອງກັນຊາດ-ປ້ອງກັນຄວາມສະຫງົບ, ພ້ອມດຽວກັນ ທ່ານ ພົງສະຫວັນ ສິດທະວົງ ເຊິ່ງຕາງໜ້າໃຫ້ການນໍາ ແລະ ປະຊາຊົນຊາວ ແຂວງ ໄຊຍະບູລີ ໄດ້ອວຍພອນໄຊອັນປະເສີດມາຍັງຫົວໜ້າກົງສູນໃຫຍ່ ສສຫວຽດນາມ ປະຈໍາພາກເໜືອຂອງ ສປປລາວ ທີ່ແຂວງ ຫຼວງພະບາງ ພ້ອມດ້ວຍພະນັກງານຫຼັກແຫຼ່ງ ຈົ່ງມີແຕ່ຄວາມຜາສຸກໃນຊີວິດສ່ວນຕົວ ແລະ ຄອບຄົວ, ພ້ອມທັງຝາກຄໍາອວຍພອນດັ່ງກ່າວໄປຍັງການນໍາທຸກຂັ້ນຂອງ ສສຫວຽດນາມ, ທັງນີ້ກໍ່ເພື່ອເປັນການສືບຕໍ່ຫັດແໜ້ນຄວາມສາມັກຄີແບບພິເສດ ລາວ-ຫວຽດນາມ ແລະ ຫວຽດນາມ-ລາວ ທີ່ມີມາແຕ່ດຶກດໍາບັນໃຫ້ຍືນນານຕະຫຼອດຊົ່ວກາລະນານ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ:ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ