ຈໍານວນຜູ້ເຂົ້າຊົມເວັບໄຊ

135593
ມື້ນີ້ມື້ນີ້329
ມື້ວານນີ້ມື້ວານນີ້439
ອາທິດນີ້ອາທິດນີ້2614
ເດືອນນີ້ເດືອນນີ້5995
ລວມທັງໝົດລວມທັງໝົດ135593

ມີ 10  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນຕອນບ່າຍວັນທີ 6 ກັນຍາ 2018 ນີ້, ຢູ່ທີ່ສະໂມສອນຫ້ອງວ່າການແຂວງໄຊຍະບູລີ ໄດ້ຈັດກອງປະຊຸມປຶກສາຫາລືກ່ຽວກັບການກະກຽມ ກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 11 ສະໄໝທີ VI ໂດຍການເປັນປະທານຂອງສະຫາຍ ປອ ສົມລິດ ເປືອກແກ້ວ ຮອງເລຂາພັກແຂວງ, ປະທານສະພາປະຊາຊົນແຂວງ, ມີຄະນະປະຈໍາພັກແຂວງ, ກໍາມະການພັກແຂວງ, ຫົວໜ້າ, ຮອງຫົວໜ້າພະແນກການ, ກົມກອງ ແລະ ບັນດາຄະນະຮັບຊອບກະກຽມກອງປະຊຸມເຂົ້າຮ່ວມ.

ໃນພິທີ ທ່ານ ເພັດພິໄຊ ສູນວິໄລ ຫົວໜ້າຫ້ອງວ່າການແຂວງ ໄດ້ຂື້ນຜ່ານມະຕິຕົກລົງ ເລກທີ 468/ຄພຂ.ຊຍ ລົງວັນທີ 05 ກັນຍາ 2018 ວ່າດ້ວຍການແຕ່ງຕັ້ງຄະນະຮັບຜິດຊອບກະກຽມ ກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 11 ສະໄໝທີ VI ໃນນີ້ໄດ້ແຕ່ງຕັ້ງຄະນະຮັບຜິດຊອບຊີ້ນໍາລວມມີ 9 ສະຫາຍ ມີໜ້າທີ່ວາງຄວາມຮັບຜິດຊອບໃຫ້ບັນດາສະຫາຍ ແຕ່ລະອະນຸກໍາມະການ; ອະນຸກໍາມະການເນື້ອໃນ 18 ສະຫາຍ, ອະນຸກໍາມະການບຸກຄະລາກອນ ແລະ ກໍານົດເປົ້າໝາຍ 5 ສະຫາຍ, ອະນຸກໍາມະການເສດຖະກິດ 8 ສະຫາຍ,

ອະນຸກໍາມະການປ້ອງກັນ 4 ສະຫາຍ ແລະ ອະນຸກໍາມະການຮັກສຸຂະພາບ ມີ 3 ສະຫາຍ. ກອງປະຊຸມຈະໄດ້ດໍາເນີນ 4 ວາລະ 4 ເນື້ອໃນ ຄື: ການສະຫຼຸບຕິລາຄາການຈັດຕັ້ງປະຕິບັດ ມະຕິກອງປະຊຸມຄັ້ງທີ 10 ສະໄໝທີ 6, ການສະຫຼຸບການຈັດຕັ້ງປະຕິບັດ ວຽກງານປົກປ້ອງກົດໝາຍ ການແກ້ໄຂຄະດີ ຕາມຂະບວນການຍຸດຕິທໍາ, ວຽກງານກໍ່ສ້າງພັກພະນັກງານ ຕັ້ງແຕ່ກອງປະຊຸມ ອົງຄະນະພັກແຂວງ ເປັນຕົ້ນມາ ແລະ ການດໍາເນີນຊິວີດການເມືອງສໍາຫຼວດກວດກາ ສະຫາຍເລຂາບໍລິຫານງານພັກແຂວງ ແລະ ປະກອບຄໍາຄິດຄໍາເຫັນ ເພືອສັງລວມຄໍາສະເໜີ, ຄໍາຕໍານິສົງຂ່າວຕ່າງໆ ເພື່ອກະກຽມກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 7 ສະໄໝທີ X. ຈາກນັ້ນຜູ້ເຂົ້າຮ່ວມກໍ່ໄດ້ພ້ອມກັນປະກອບຄໍາຄິດຄໍາເຫັນກ່ຽວກັບມະຕິຕົກລົງ ວ່າດ້ວຍການແຕ່ງຕັ້ງຄະນະຮັບຜິດຊອບກະກຽມ ກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 11 ສະໄໝທີ VI ເພື່ອເຮັດໃຫ້ການກະກຽມກອງປະຊຸມດັ່ງກ່າວ ໄດ້ຮັບຜົນສໍາເລັດຢ່າງຈົບງາມ ກອງປະຊຸມຈະໄດ້ດໍາເນີນໃນທ້າຍເດືອນ ກັນຍາ 2018 ນີ້.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ສາຄອນ ໄຊສົມຮັກສາ

ໂທ: 56662037  

ແຜນທີ ແຂວງໄຊຍະບູລີ