ຈໍານວນຜູ້ເຂົ້າຊົມເວັບໄຊ

135593
ມື້ນີ້ມື້ນີ້329
ມື້ວານນີ້ມື້ວານນີ້439
ອາທິດນີ້ອາທິດນີ້2614
ເດືອນນີ້ເດືອນນີ້5995
ລວມທັງໝົດລວມທັງໝົດ135593

ມີ 8  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ວັນທີ 11 ກັນຍາ 2018 ນີ້, ຢູ່ທີ່ສະໂມສອນຫ້ອງວ່າການແຂວງໄຊຍະບູລີ ໄດ້ຈັດພິທີເຜີຍແຜ່ຄໍາສັ່ງຂອງທ່ານນາຍົກລັດຖະມົນຕີ ວ່າດ້ວຍການຈັດຕັ້ງປະຕິບັດ 8 ມາດຕະການການຊຸກຍູ້ເສດຖະກິດ ໂດຍການເປັນປະທານຂອງທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີ, ມີຕາງໜ້າຈາກພະແນກການ, ອົງການ, ກົມກອງ, 11 ເມືອງ ແລະ ພະນັກງານທີກ່ຽວຂ້ອງເຂົ້າຮ່ວມ.

ໃນພິທີ ທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີ ໄດ້ໃຫ້ກຽດເຜີຍແຜ່ຄໍາສັ່ງຂອງທ່ານນາຍົກລັດຖະມົນຕີ ເລກທີ 12/ນຍ ລົງວັນທີ 23 ສິງຫາ 2018 ວ່າດ້ວຍການຈັດຕັ້ງປະຕິບັດ 8 ມາດຕະການການຊຸກຍູ້ເສດຖະກິດ ໃນນີ້ປະກອບມີ: ການສະກັດກັ້ນໄພເງິນເຝີ້ ແລະ ປັບປຸງນະໂຍບາຍເງິນຕາ, ການປັບປຸງສະພາບແວດລ້ອມ ແລະ ອໍານວຍຄວາມສະດວກໃນການດໍາເນີນທຸລະກິດ, ການສືບຕໍ່ແກ້ໄຂໜີ້ສິນພາຍໃນ, ການເກັບລາຍຮັບ ແລະ ຄຸ້ມຄອງລາຍຈ່າຍ, ການພັດທະນາເສດຖະກິດຂະໜາດນ້ອຍ, ຂະໜາດກາງ ແລະ ການສົ່ງເສີມການຜະລິດ, ການປັບປຸງໂຄງສ້າງການລົງທຶນ, ການຄຸ້ມຄອງທີ່ດິນ ແລ ະການເກັບລາຍຮັບຈາກທີ່ດິນ ແລະ ການຕິດຕາມ - ກວດກາ ການຈັດຕັ້ງປະຕິບັດລະບຽບກົດໝາຍຢ່າງເຂັ້ມງວດ.

ເພື່ອເຮັດໃຫ້ 8 ມາດຕະການ ໃນການຊຸກຍູ້ເສດຖະກິດ ໄດ້ຮັບການຂະຫຍາຍ ເຂົ້າສູ່ວຽກງານຕົວຈິງຂອງບັນດາຂະແໜງການ ແລະ ທ້ອງຖິ່ນ ທັງເປັນການຊຸກຍູ້ການພັດທະນາເສດຖະກິດ - ສັງຄົມ ໃນ 6 ເດືອນທ້າຍປີ 2018 ແລະ ສືບຕໍ່ຈັດຕັ້ງປະຕິບັດໃນປີ 2019 ໃຫ້ມີປະສິດທິຜົນ, ສາມາດຂັບເຄື່ອນເສດຖະກິດ ໃຫ້ມີຄວາມຄ່ອງຕົວ. ຈາກນັ້ນ, ຜູ້ເຂົ້າຮ່ວມກໍ່ໄດ້ປະກອບຄໍາຄິດຄໍາເຫັນໃສ່ຮ່າງຄໍາສັ່ງ ຂອງທ່ານເຈົ້າແຂວງໄຊຍະບູລີ ວ່າດ້ວຍການຈັດຕັ້ງຜັນຂະຫຍາຍຄໍາສັ່ງເລກທີ 12/ນຍ ກ່ຽວກັບ 8 ມາດຕະການການຊຸກຍູ້ເສດຖະກິດ ໃຫ້ເຂົ້າສູ່ລວງເລິກ, ແນໃສ່ປະຕິບັດແຜນພັດທະນາເສດຖະກິດ - ສັງຄົມ ແລະ ງົບປະມານ 4 ເດືອນທ້າຍປີ 2018 ໃຫ້ບັນລຸຕາມຄາດໝາຍ ພ້ອມທັງສືບຕໍ່ຈັດຕັ້ງປະຕິບັດແຜນໃນປີ 2019 ໃຫ້ມີປະສິດທິຜົນ.

ແຫຼ່ງຂ່າວ:ຫ້ອງວ່າການແຂວງ ໄຊຍະບູລີ

ໂດຍ: ສາຄອນ ໄຊສົມຮັກສາ

ໂທ: 56662037  

ແຜນທີ ແຂວງໄຊຍະບູລີ