ຈໍານວນຜູ້ເຂົ້າຊົມເວັບໄຊ

125729
ມື້ນີ້ມື້ນີ້127
ມື້ວານນີ້ມື້ວານນີ້314
ອາທິດນີ້ອາທິດນີ້1253
ເດືອນນີ້ເດືອນນີ້5864
ລວມທັງໝົດລວມທັງໝົດ125729

ມີ 23  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ຮາກຖານສະຫະພັນແມ່ຍິງຫ້ອງການກະສິກໍາ ແລະ ປ່າໄມ້ ເມືອງໄຊຍະບູລີ ໄດ້ຈັດກອງປະຊຸມໃຫ່ຍຄັ້ງທີ I ຂື້ນໃນຕອນບ່າຍວັນທີ 14 ກັນຍາ 2018 ທີ່ຫ້ອງການດັ່ງກ່າວ. ເປັນກຽດເຂົ້າຮ່ວມຂອງສະຫາຍ ນາງ ພວງມາໄລ ໄຊຍະພອນ ກໍາມະການພັກເມືອງ ປະທານສະຫະພັນແມ່ຍິງ ເມືອງໄຊຍະບູລີ, ມີສະຫາຍ ຄໍາພອນ ສິງງາມ ຫົວໜ້າຫ້ອງການກະສິກໍາ ແລະ ປ່າໄມ້ເມືອງ, ມີແຂກຖືກເຊີນ, ພະນັກງານທີ່ກ່ຽວຂ້ອງ ແລະ ສະມາຊິກສະຫະພັນແມ່ຍິງ ພາຍໃນຫ້ອງການເຂົ້າຮ່ວມ.

ສະຫາຍ ນາງ ບຸນເລັ່ງ ຜາແກ້ວ ປະທານສະຫະພັນແມ່ຍິງຫ້ອງການກະສິກໍາ ແລະ ປ່າໄມ້ເມືອງ ໄດ້ກ່າວວ່າ: ພາຍໃນຫ້ອງການມີສະມາຊິກສະຫະພັນແມ່ຍິງທັງໝົດ 17 ສະຫາຍ, ເຂົ້າເປັນສະມາຊິກພັກ 5 ສະຫາຍ, ມີຄະນະສະຫະພັນແມ່ຍິງ 2 ສະຫາຍ, ຕະຫຼອດໄລຍະ 5 ປີ ຜ່ານມາ ຄະນະຮາກຖານສະຫະພັນແມ່ຍິງຫ້ອງການ ແມ່ນໄດ້ເຄື່ອນໄຫວເຮັດໜ້າທີ່ຕາມພາລະບົດບາດ, ສິດ, ໜ້າທີ່ ແລະ ໄດ້ນໍາເອົາບັນດາແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ມະຕິຄໍາສັ່ງຕ່າງໆ ມາເຜີຍແຜ່ເຊື່ອມຊຶມ ໃຫ້ເອື້ອຍນ້ອງແມ່ຍິງໄດ້ຮັບຮູ້ ແລະ ເຂົ້າໃຈ ຢ່າງເປັນປົກກະຕິ ແລະ ໄດ້ເຂົ້າຮ່ວມເຊື່ອມຊຶມຄໍາສັ່ງຂອງພັກຂອງຊາດຕ່າງໆ ໄດ້ 15 ຄັ້ງ ມີຜູ້ເຂົ້າຮ່ວມ 265 ຄົນ, ຍິງ 80 ຄົນ.

ໃນໄລຍະຜ່ານມາເອື້ອຍນ້ອງແມ່ຍິງພາຍໃນຫ້ອງການສາມາດຍາດໄດ້ຜົນງານຫຼາຍດ້ານເຊັ່ນ: ໄດ້ຮັບຫຼຽນກາແຮງງານ 1 ສະຫາຍ, ໄດ້ຮັບໃບຍ້ອງຍໍຈາກລັດຖະບານ 11 ສະຫາຍ, ໄດ້ຮັບໃບຍ້ອງຍໍຂັ້ນແຂວງ 14 ສະຫາຍ, ໄດ້ຮັບໃບຊົມເຊີຍ 17 ສະຫາຍ ແລະ ກວດກາການຈັດຕັ້ງປະຕິບັດຂໍ້ແຂ່ງຂັນ 3 ດີ ຂອງແມ່ຍິງລາວ ສາມາດຄັດເລືອກໄດ້ ພົນລະເມືອງດີ 17 ສະຫາຍ, ພັດທະນາດີ 17 ສະຫາຍ, ສ້າງຄອບຄົວດີ 16 ສະຫາຍ, ບຸກຄົນ 3 ດີ ປະເພດ 1 ໄດ້ 15 ສະຫາຍ, ບຸກຄົນ 3 ດີ ປະເພດ 2 ໄດ້ 2 ສະຫາຍ. ຈາກນັ້ນໃນກອງປະຊຸມ ກໍ່ໄດ້ປ່ອນບັດເລືອກຕັ້ງໄດ້ ສະຫາຍ ນາງ ບຸນເລັ່ງ ຜາແກ້ວ ເປັນປະທານຮາກຖານ, ສະຫາຍ ນາງ ບຸນທັນ ພານຸເດດ ແລະ ສະຫາຍ ທອງແດງ ແພງດີ ເປັນຮອງປະທານຮາກຖານ. ໃນຕອນທ້າຍກອງປະຊຸມສະຫາຍ ນາງ ພວງມາໄລ ໄຊຍະພອນ ກໍາມະການພັກເມືອງ ປະທານສະຫະພັນແມ່ຍິງເມືອງ ກໍ່ໄດ້ໃຫ້ກຽດມີຄໍາເຫັນໂອ້ລົມ ເຊິ່ງສະຫາຍໄດ້ເນັ້ນໜັກໃຫ້ປະທານ, ຮອງປະທານ ແລະ ສະມາຊິກສະຫະພັນແມ່ຍິງ ພາຍໃນຫ້ອງການ ຈົ່ງເອົາໃຈໃສ່ຍົກສູງຄວາມຮັບຜິດຊອບທາງດ້ານຄຸນທາດການເມືອງ, ຄຸນສົມບັດສິນທໍາປະຕິວັດ ແລະ ເພີ່ມທະວີໃນການສຶກສາອົບຮົມການເມືອງ-ແນວຄິດ ໃຫ້ມີຄວາມໜັກແໜ້ນເຂັ້ມແຂງຂື້ນກ່ວາເກົ່າ ແລະ ປະຕິບັດໜ້າທີ່ວຽກງານທີ່ໄດ້ຮັບການມອບໝາຍໃຫ້ໄດ້ຮັບຜົນສໍາເລັດ ແລະ ບັນລຸຕາມລະດັບຄາດໝາຍ.

ຂ່າວ: ບຸນຈັນ ທ່າວ 0305752303  

ແຜນທີ ແຂວງໄຊຍະບູລີ