ຈໍານວນຜູ້ເຂົ້າຊົມເວັບໄຊ

125728
ມື້ນີ້ມື້ນີ້126
ມື້ວານນີ້ມື້ວານນີ້314
ອາທິດນີ້ອາທິດນີ້1252
ເດືອນນີ້ເດືອນນີ້5863
ລວມທັງໝົດລວມທັງໝົດ125728

ມີ 26  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນຕອນເຊົ້າວັນທີ 14 ກັນຍາ 2018 ນີ້ ເມືອງໄຊຍະບູລີ ໄດ້ຈັດກອງປະຊຸມເຜີຍແຜ່ ຂໍ້ຕົກລົງຂອງທ່ານເຈົ້າແຂວງໄຊຍະບູລີ ວ່າດ້ວຍການຄຸ້ມຄອງ, ນໍາໃຊ້ ແລະ ອານຸລັກຊັບພະຍາກອນທໍາມະຊາດທີ່ເປັນຢາ ທີ່ຫ້ອງປະຊຸມປົກຄອງເມືອງ. ໂດຍພາຍໃຕ້ການເປັນປະທານຂອງທ່ານ ບຸນຄົງ ພົງສະຫວັນ ຮອງເລຂາພັກເມືອງ ຮອງເຈົ້າເມືອງໄຊຍະບູລີ, ມີກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ອົງການ, ກົມກອງ, ພະນັກງານທີ່ກ່ຽວຂ້ອງ, ອໍານາດການປົກຄອງບ້ານ ແລະ ເຕົາໂຮມຢາເຂົ້າຮ່ວມ.

ໃນກອງປະຊຸມ ໄດ້ຮັບຟັງການຜ່ານຂໍ້ຕົກລົງຂອງທ່ານເຈົ້າແຂວງໄຊຍະບູລີ ວ່າດ້ວຍການແຕ່ງຕັ້ງຄະນະກໍາມະການກວດກາ ແລະ ຄຸ້ມຄອງຊັບພະຍາກອນທໍາມະຊາດທີ່ເປັນຢາພື້ນເມືອງຂັ້ນແຂວງ ແລະ ຂໍ້ຕົກລົງຂອງທ່ານເຈົ້າເມືອງໄຊຍະບູລີ ວ່າດ້ວຍການແຕ່ງຕັ້ງຄະນະກໍາມະການກວດກາ ແລະ ຄຸ້ມຄອງຊັບພະຍາກອນທໍາມະຊາດທີ່ເປັນຢາພື້ນເມືອງຂັ້ນເມືອງ. ຈາກນັ້ນທ່ານ ບຸນຄົງ ພົງສະຫວັນ ຮອງເລຂາພັກເມືອງ ຮອງເຈົ້າເມືອງໄຊຍະບູລີ ກໍ່ໄດ້ໃຫ້ກຽດເຜີຍແຜ່ ຂໍ້ຕົກລົງຂອງທ່ານເຈົ້າແຂວງ ເລກທີ 308/ຈຂ.ຊຍ ວ່າດ້ວຍການຄຸ້ມຄອງ, ນໍາໃຊ້ ແລະ ອານຸລັກຊັບພະຍາກອນທໍາມະຊາດທີ່ເປັນຢາ.

ໂດຍອີງ ຕາມກົດໝາຍວ່າດ້ວຍການປົກຄອງທ້ອງຖິ່ນແຫ່ງ ສປປ ລາວ ສະບັບປັບປຸງ ເລກທີ 68/ສພຊ, ລົງວັນທີ 14 ທັນວາ 2015 ພາກທີ III ໝວດທີ 4 ມາດຕາ 20 ວ່າດ້ວຍສິດ, ໜ້າທີ່ຂອງເຈົ້າແຂວງ, ເຈົ້າຄອງນະຄອນ, ອີງຕາມ ກົດໝາຍວ່າດ້ວຍການສ້າງນິຕິກໍາ ເລກທີ 19/ສພຊ, ລົງວັນທີ 12 ກໍລະກົດ 2012

ພາກທີ IV ໝວດທີ 5, ມາດຕາ 77 ວ່າດ້ວຍການສ້າງຄໍາສັ່ງ, ຂໍ້ຕົກລົງ ແລະ ຄໍາແນະນໍາຂອງເຈົ້າແຂວງ, ເຈົ້າຄອງນະຄອນ, ເຈົ້າເມືອງ ແລະ ຫົວໜ້າເທດສະບານ ແລະ ອີງຕາມ ກົດໝາຍວ່າດ້ວຍຢາ ແລະ ຜະລິດຕະພັນການແພດສະບັບປັບປຸງ. ເຊິ່ງຂໍ້ຕົກລົງ ທີ່ນໍາມາເຜີຍເຜ່ໃນຄັ້ງນີ້ ປະກອບມີ 8 ໝວດຄື: ບົດບັນຍັດທົ່ວໄປ, ການຄຸ້ມຄອງ, ກວດກາ ແລະ ການປົກປັກຮັກສາ, ການອານຸລັກ ແລະ ນໍາໃຊ້ຊັບພະຍາກອນທໍາມະຊາດທີ່ເປັນຢາ, ສິດ ແລະ ໜ້າທີ່ການຄຸ້ມຄອງ, ໜ້າທີ່ ແລະ ຄວາມຮັບຜິດຊອບຂອງຜູ້ໄດ້ຮັບອະນຸຍາດ, ຂໍ້ຫ້າມ, ນະໂຍບາຍຕໍ່ຜູ້ມີຜົນງານ ແລະ ມາດຕະການຕໍ່ຜູ້ລະເມີດ ແລະ ບົດບັນຍັດສຸດທ້າຍ ແລະ ມີ 37 ມາດຕາ. ຈາກນັ້ນ ຜູ້ເຂົ້າຮ່ວມໃນກອງປະຊຸມ ກໍ່ໄດ້ພ້ອມປະກອບຄໍາເຫັນແລກປ່ຽນບົດຮຽນ ໂດຍໄດ້ຍົກໃຫ້ເຫັນເຖິງຜົນດີຂອງຢາ ທີ່ຈະຕ້ອງສຶບຕໍ່ເສີມຂະຫຍາຍ ແລະ ມີລະບຽບມາດຕະການ, ຈຸດອ່ອນ, ຂໍ້ຄົງຄ້າງ ທີ່ຈະຕ້ອງຄວນຊອກຫາວິທີແກ້ໄຂ ເພື່ອບໍ່ໃຫ້ຢາສູນພັນໃຊ້ໄດ້ຍືນຍົງຕະຫຼອດໄປ. ທັງນີ້ ກໍ່ເພື່ອເຮັດໃຫ້ຫົວໜ້າ, ຮອງຫົວໜ້າຫ້ອງການ, ພະນັກງານ, ອົງການ, ກົມກອງ, ພາກສ່ວນທີ່ກ່ຽວຂ້ອງ ແລະ ອໍານາດການປົກຄອງບ້ານ ພາຍໃນເມືອງ ກໍ່ຄືແຂວງ ໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງ ຈົ່ງພ້ອມກັນອານຸລັກປົກປັກຮັກສາຊັບພະຍາກອນທໍາມະຊາດທີ່ເປັນຢາ ແລະ ນໍາເອົາເນື້ອໃນຈິດໃຈໄປຜັນຂະຫຍາຍ, ຈັດຕັ້ງປະຕິບັດ, ເຜີຍແຜ່ ຢູ່ພາຍໃນບ້ານເມືອງ ກໍ່ຄືແຂວງໄຊຍະບູລີ ໄດ້ຮັບຜົນດີໆຂື້ນເປັນກ້າວໆ.

ຂ່າວ: ບຸນຈັນ ທ່າວ 0305752303  

ແຜນທີ ແຂວງໄຊຍະບູລີ