ຈໍານວນຜູ້ເຂົ້າຊົມເວັບໄຊ

125726
ມື້ນີ້ມື້ນີ້124
ມື້ວານນີ້ມື້ວານນີ້314
ອາທິດນີ້ອາທິດນີ້1250
ເດືອນນີ້ເດືອນນີ້5861
ລວມທັງໝົດລວມທັງໝົດ125726

ມີ 37  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນຕອນເຊົ້າວັນທີ 18 ກັນຍາ 2018 ນີ້, ແຂວງໄຊຍະບູລີ ໄດ້ຈັດກອງປະຊຸມເຜີຍແຜ່ເຊື່ອມຊືມເນື້ອໃນກົດໝາຍວ່າດ້ວຍການກວດກາລັດ ສະບັບປັບປຸງ ຢູ່ທີ່ສະໂມສອນຫ້ອງວ່າການແຂວງ ໂດຍການເປັນກຽດເຂົ້າຮ່ວມ ຂອງທ່ານ ດວງຕາ ໄຊວຸດ ກໍາມະການປະຈໍາພັກແຂວງ, ປະທານຄະນະກວດກາພັກແຂວງ, ປະທານອົງການກວດກາລັດຂັ້ນແຂວງ, ມີກໍາມະການປະຈໍາພັກແຂວງ, ກໍາມະການພັກແຂວງ, ສະມາຊິກສະພາປະຊາຊົນແຂວງ, ຫົວໜ້າພະແນກການ, ກົມກອງ, ອົງການ, ຫ້ອງການລັດວິສາຫະກິດ ແລະ ພະນັກງານທີກ່ຽວຂ້ອງຂອງແຂວງເຂົ້າຮ່ວມ.

ໃນພິທີ, ທ່ານ ດວງຕາ ໄຊວຸດ ກໍາມະການປະຈໍາພັກແຂວງ, ປະທານຄະນະກວດກາພັກແຂວງ, ປະທານອົງການກວດກາລັດຂັ້ນແຂວງ ໄດ້ໃຫ້ກຽດເຜີຍແຜ່ເຊື່ອມຊືມເນື້ອໃນກົດໝາຍ ວ່າດ້ວຍການກວດກາລັດ ສະບັບປັບປຸງ ເລກທີ 41/ສພຊ ຂອງສະພາແຫ່ງຊາດ ລົງວັນທີ 16 ພະຈິກ 2017 ເພີ່ນກວ່າວ່າ ໃນເມືອກ່ອນກົດໝາຍວ່າດ້ວຍການກວດກາລັດ ປະກອບມີ 10 ພາກ, 6 ໝວດ ແລະ 79 ມາດຕາ; ເພີ່ມອີກ 1 ມາດຕາ ລວມເປັນ 80 ມາດຕາ ກົດໝາຍໄດ້ຮັບຮອງເອົາວັນທີ 16 ກຸມພາ 1982 ເປັນວັນສ້າງຕັ້ງ ອົງການກວດກາລັດ.

ນອກຈາກນີ້ ຍັງມີ 3 ມາດຕາ ໄດ້ປັບປຸງໃຫມ່ ເພື່ອໃຫ້ຊອດຄ່ອງກັບວຽກງານຄື: ການແກ້ໄຂ ຜົນຂອງການກວດກາ, ການເປີດເຜີຍຜົນການກວດກາ ແລະ ເນື້ອໃນການຕິດຕາມ, ກວດກາ ການເຄື່ອນໄຫວວຽກງານກວດກາລັດ; ຍັງຮັກສາໄວ້ 25 ມາດຕາ ແລະ ປັບປຸງ 51 ມາດຕາ. ຈຸດປະສົງເພື່ອກໍານົດຫຼັກການ, ລະບຽບການ ແລະ ມາດຕະການ ກ່ຽວກັບການກວດກາລັດ ເພືອເຮັດໃຫ້ວຽກງານດັ່ງກ່າວ ມີຄວາມເຂັ້ມແຂງ, ສາມາດດໍາເນີນໄດ້ຢ່າງມີປະສິດທິພາບ, ຊອກໃຫ້ເຫັນດ້ານດີ, ດ້ານຕັ້ງໜ້າ, ດ້ານອ່ອນ, ດ້ານຫຍໍ້ທໍ້, ການລະເມີດກົດໝາຍຂອງບຸກຄົນ, ນິຕີບຸກຄົນ ຫຼື ການຈັດຕັ້ງ ແລະ ມີມາດຕະການສະກັດກັ້ນ, ຕ້ານ ແລະ ແກ້ໄຂ ແນໃສ່ເຮັດໃຫ້ອໍານາດລັດເຂັ້ມແຂງ, ເພີ່ມທະວີຄວາມສັກສິດຂອງການຄຸ້ມຄອງລັດ, ຄຸ້ມຄອງເສດຖະກິດ - ສັງຄົມ ດ້ວຍກົດໝາຍ,ປົກປ້ອງຜົນປະໂຫຍດຂອງລັດ, ລວມໝູ່ ລວມທັງສິດ ແລະ ຜົນປະໂຫຍດອັນຊອບທໍາຂອງຜົນລະເມືອງ ປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ.

ແຫ່ງຂ່າວ : ຫ້ອງວ່າການແຂວງໄຊຍະບູລີ

ໂດຍ : ສາຄອນ ໄຊສົມຮັກສາ

ໂທ : 56662037  

ແຜນທີ ແຂວງໄຊຍະບູລີ