ຈໍານວນຜູ້ເຂົ້າຊົມເວັບໄຊ

125730
ມື້ນີ້ມື້ນີ້128
ມື້ວານນີ້ມື້ວານນີ້314
ອາທິດນີ້ອາທິດນີ້1254
ເດືອນນີ້ເດືອນນີ້5865
ລວມທັງໝົດລວມທັງໝົດ125730

ມີ 20  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນຕອນເຊົ້າຂອງວັນທີ 19 ກັນຍາ 2018 ທີ່ສະໂມສອນຫ້ອງວ່າການແຂວງ ໄຊຍະບູລີ ໄດ້ຈັດກອງປະຊຸມ ທາບທາມຄໍາເຫັນໃສ່ຮ່າງມະຕິ ວ່າດ້ວຍການປັບປຸງລະບົບການເມືອງຢູ່ຂັ້ນຮາກຖານ ທົ່ວປະເທດ, ເຂົ້າຮ່ວມເປັນກຽດມີ ສະຫາຍ ປອ ສອນທະນູ ທໍາມະວົງ ກຳມະການສູນກາງພັກ, ຫົວໜ້າສະຖາບັນຄົ້ນຄ້ວາວິທະຍາສາດສັງຄົມແຫ່ງຊາດ, ມີ ສະຫາຍ ປອ ສົມລິດ ເປືອກແກ້ວ ຮອງເລຂາພັກແຂວງ, ປະທານສະພາປະຊາຊົນແຂວງ ໄຊຍະບູລີ, ມີບັນດາສະຫາຍໃນຄະນະບໍລິຫານງານພັກແຂວງ, ຄະນະບໍລຫານງານພັກເມືອງ ໄຊຍະບູລີ, ມີເລຂາຄະນະພັກຮາກຖານ ອ້ອມຂ້າງແຂວງເຂົ້າຮ່ວມ.

ສະຫາຍ ປອ ສົມລິດ ເປືອກແກ້ວ ຮອງເລຂາພັກແຂວງ, ປະທານສະພາປະຊາຊົນແຂວງ ໄຊຍະບູລີ ໄດ້ລາຍງານວຽກງານຮອບດ້ານໂດຍສັງເຂບ ສະຫາຍໄດ້ກ່າວ່າ: ແຂວງໄຊຍະບູລີ ເປັນແຂວງທີ່ຕັ້ງຢູ່ຝັ່ງຂວາຂອງແມ່ນໍ້າຂອງ, ປະກອບມີ 11 ເມືອງ, ມີ 432 ບ້ານ, ມີພົນລະເມືອງທັງໝົດ 396.496 ຄົນ, ຍິງ 193.905 ຄົນ; ມີ 10 ເມືອງ ທີ່ມີຊາຍແດນຕິດກັບຣາຊະນາຈັກໄທ ຍາວທັງໝົດ 647 km2, ມີ 3 ດ່ານສາກົນ, ມີ ດ່ານປະເພນີ ແລະ ດ່ານທ້ອງຖິ່ນ 10 ດ່ານ;

ມີຂົວຂ້າມນໍ້າຂອງ 3 ແຫ່ງ, ການພັດທະນາເສດຖະກິດຂອງແຂວງ ໂດຍລວມແລ້ວ ຍັງມີຄວາມໝັ້ນທ່ຽງ ແລະ ຂະຫຍາຍຕົວຢ່າງຕໍ່ເນື່ອງ ຢູ່ໃນລະດັບ 8,5%, ລາຍໄດ້ສະເລ່ຍຕໍ່ຫົວຄົນ ບັນລຸ 2.596 $ ຕໍ່ຄົນຕໍ່ປີ. ໃນນີ້, ໂຄງປະກອບເສດຖະກິດ ໄດ້ຫັນປ່ຽນໄປຕາມທິດທີ່ຕັ້ງໜ້າ, ຂະແໜງກະສິກຳ ແລະ ປ່າໄມ້ ກວມເອົາ 36,5%, ຂະແໜງອຸດສາຫະກຳ ກວມເອົາ 35,5%, ການບໍລິການກວມເອົາ 22,2%, ປັດໃຈພື້ນຖານ ແມ່ນມີ 2 ໂຄງການໃຫຍ່ ຂອງລັດຖະບານມາຈັດຕັ້ງປະຕິບັດຢູ່ແຂວງ ເຊັ່ນ: ໂຄງການກໍ່ສ້າງເຂື່ອນໄຟຟ້ານໍ້າຂອງ ສໍາເລັດ 97%, ໂຄງການໄຟຟ້າຖ່ານຫີນເຫຼັກໄນຫົງສາ ສໍາເລັດ 100% ອັນໄດ້ເຮັດໃຫ້ພື້ນຖານໂຄງລ່າງຂອງແຂວງ ໄດ້ຮັບການພັດທະນາ; ທົ່ວແຂວງມີເສັ້ນທາງເຂົົ້າເຖິງໝົດທຸກບ້ານ, ມີລະບົບເຄືອຂ່າຍໄຟຟ້າເຂົ້າເຖິງແລ້ວ 430 ບ້ານ, ກວມເອົາ 99.7%. ປັດໄຈທີ່ພົ້ນເດັ່ນ ແມ່ນປະຊາຊົນ ເຄີຍມີມູນເຊື້ອໃນການຜະລິດເປັນສິນຄ້າ ເປັນຕົ້ນແມ່ນສາລີ, ມັນຕົ້ນ, ໝາກເດືອຍ ແລະ ຂະບວນການປູກຫຍ້າລ້ຽງສັດ, ສະຫາຍ ປອ ສົມລິດ ເປືອກແກ້ວ ຍັງໄດ້ກ່າວຕື່ມອີກວ່າ: ສໍາລັບວຽກງານ ການກໍ່ສ້າງຮາກຖານການເມືອງພັດທະນາຊົນນະບົດ ແລະ ແກ້ໄຂຄວາມທຸກຍາກ ຕາມທິດນໍາ 3 ສ້າງ ໃນໄລຍະຜ່ານມາ ແມ່ນໄດ້ຜັນຂະຫຍາຍ ມະຕິ ເລກທີ 25 ຂອງກົມການເມືອງສູນກາງພັກ ແລະ ຄໍາສັ່ງເລກທີ 034/ນຍ ມາເປັນຄໍາສັ່ງແນະນໍາ ຂອງເຈົ້າແຂວງ ສະບັບເລກທີ 198/ຈຂ.ຊຍ ວ່າດ້ວຍການສືບຕໍ່ສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນເມືອງເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ, ແຂວງໄດ້ຜັນຂະຫຍາຍຜົນສໍາເລັດການເຮັດທົດລອງ 3 ສ້າງ ຈາກ 6 ບ້ານ ໃນ 3 ເມືອງ ຂະຫຍາຍໄປທຸກໆ ເມືອງ ແລະ ທຸກໆ ບ້ານໃນທົ່ວແຂວງ; ການສ້າງບ້ານພັດທະນາ ເນື້ອແທ້ກໍແມ່ນ ສຸມໃສ່ປັບປຸງລະບົບການເມືອງຢູ່ຮາກຖານບ້ານ ໃຫ້ມີຄວາມເຂັ້ມແຂງໜັກແໜ້ນ. ຍ້ອນວ່າຮາກຖານແມ່ນບ່ອນດໍາລົງຊີວິດ, ບ່ອນທໍາມາຫາກິນ, ບ່ອນປະຕິບັດສິດ ແລະ ພັນທະຂອງພົນລະເມືອງ, ສ່ວນຮາກຖານພັກ ແມ່ນການຈັດຕັ້ງຂັ້ນລຸ່ມ ຂອງພັກ, ຊຶ່ງເປັນບ່ອນໃກ້ຊິດຕິດແທດຕົວຈິງກັບປະຊາຊົນຊັ້ນຄົນຕ່າງໆ, ເປັນຂົວຕໍ່ລະຫວ່າງພັກກັບປະຊາຊົນ, ທັງແມ່ນພື້ນຖານຂອງພັກ ຊຶ່ງເປັນບ່ອນເຜີຍແຜ່, ຜັນຂະຫຍາຍ, ປຸກລະດົມຂົນຂວາຍກໍາລັງແຮງ ຂອງສັງຄົມ ແລະ ນໍາພາຈັດຕັ້ງປະຕິບັດບັນດາແນວທາງ, ນະໂຍບາຍ, ມະຕິ, ຄໍາສັ່ງ ຂອງພັກ; ເປັນບ່ອນຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ລະບຽບກົດໝາຍຂອງລັດ ໃຫ້ປະກົດຜົນເປັນຈິງ; ທັງເປັນໃຈກາງນໍາພາເຕົ້າໂຮມ ຄວາມສາມັກຄີເປັນເອກະພາບພາຍໃນພັກ ແລະ ໃນໝູ່ປະຊາຊົນຢູ່ຮາກຖານບ້ານ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ