ຈໍານວນຜູ້ເຂົ້າຊົມເວັບໄຊ

125722
ມື້ນີ້ມື້ນີ້120
ມື້ວານນີ້ມື້ວານນີ້314
ອາທິດນີ້ອາທິດນີ້1246
ເດືອນນີ້ເດືອນນີ້5857
ລວມທັງໝົດລວມທັງໝົດ125722

ມີ 15  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ຕອນບ່າຍວັນທີ 19 ກັນຍາ 2018 ນີ້, ສະຫາຍ ປອ ສອນທະນູ ທໍາມະວົງ ຫົວໜ້າສະຖາບັນຄົ້ນຄວ້າວິທະຍາສາດ - ສັງຄົມແຫ່ງຊາດ ແລະ ສະຫາຍ ປອ ສົມລິດ ເປືອກແກ້ວ ຮອງເລຂາພັກແຂວງ, ປະທານສະພາປະຊາຊົນແຂວງໄຊຍະບູລີ ພ້ອມດ້ວຍຄະນະ ໄດ້ລົງເຄື່ອນໄຫວຕິດຕາມ ແລະ ຊຸກຍູ້ວຽກງານ 3 ສ້າງ ຢູ່ບ້ານໃຫຍ່ພັດທະນາ - ນາຫຼາ ເມືອງໄຊຍະບູລີ ເພື່ອຊີ້ນໍາຄະນະພັກ - ອໍານາດການປົກຄອງບ້ານ ທາບທາມຄໍາເຫັນໃສ່ຮ່າງມະຕິ ວ່າດ້ວຍການປັບປຸງລະບົບການເມືອງ ຢູ່ຂັ້ນຮາກຖານໃຫ້ມີຄວາມເຂັ້ມແຂງ.

ໂອກາດດັ່ງກ່າວ, ສະຫາຍ ຫີນເພັດ ຄູນຄໍາແກ້ວ ເລຂາຄະນະພັກຮາກຖານ, ນາຍບ້ານໆນາຫຼາ ໄດ້ຂື້ນລາຍງານສະພາບການເຄື່ອນໄຫວ ການຈັດຕັ້ງປະຕິບັດວຽກງານ 3 ສ້າງ ໃຫ້ຮູ້ວ່າ: ໃນວັນທີ 11 ພະຈິກ 2012 ອໍານາດການປົກຄອງ ໄດ້ໂຮມເອົາ 4 ບ້ານ ເຂົ້າກັນເປັນບ້ານໃຫຍ່ພັດທະນານາຫຼາ ຄື: ບ້ານນາຫຼາ, ນາຄູນ, ນາທ່ອນ ແລະ ນາແລ້ງນ້ອຍ ມີ 802 ຄອບຄົວ, ມີ 70 ໜ່ວຍຄຸ້ມຄອງ, ມີພົນລະເມືອງ 4.000 ກວ່າຄົນ, ຍິງ 2.000 ກວ່າຄົນ.

ຜ່ານການເຄື່ອນໄຫວຊີ້ນໍາ - ນໍາພາ ຂອງຄະນະພັກຮາກຖານໃນໄລຍະຜ່ານມາ ສາມາດຍາດໄດ້ໜ່ວຍພັກເຂັ້ມແຂງ - ຮູ້ນໍາພາຮອບດ້ານທັງ 9 ໜ່ວຍພັກ; ໂດຍປະຕິບັດຕາມມະຕິເລກທີ 03/ກມສພ, ຄໍາສັ່ງເລກທີ 16 ຂອງນາຍົກລັດຖະມົນຕີ ແລະ ບັນດາເອກະສານນິຕິກໍາຕ່າງ ທີ່ຕິດພັນກັບວຽກງານ 3 ສາມ, ບ້ານນາຫຼາ ກໍ່ເປັນບ້ານໜຶ່ງທີລັດຖະບານໄດ້ກໍານົດເປັນບ້ານເຮັດທົດລອງວຽກງານ 3 ສ້າງ ແລະ ໄດ້ປັບປຸງລະບົບກົງຈັກການຈັດຕັ້ງເປັນ 5 ໜ່ວຍງານຄື: ໜ່ວຍງານພັກ ແລະ ອົງກດານຈັດຕັ້ງມະຫາຊົນ, ໜ່ວຍງານວັດທະນະທໍາ - ສັງຄົມ, ໜ່ວຍງານບໍລິຫານ ແລະ ການປົກຄອງ, ໜ່ວຍງານເສດຖະກິດ - ການເງິນ, ໜ່ວຍງານວັດທະນະທໍາສັງຄົມ ແລະ ໜ່ວຍງານ ປກຊ - ປກສ. ຜ່ານມາອໍານາດການປົກຄອງບ້ານມີລະບົບປະຈໍາການເປັນປົກກະຕິ ເພຶ່ອອໍານວຍຄວາມສະດວກໃຫ້ປະຊາຊົນໃນການບໍລິການດ້ານຕ່າງໆ. ພ້ອມທັງໄດ້ນໍາພາສ້າງຕັ້ງກອງທຶນພັດທະນາບ້ານ ເພື່ອແກ້ໄຂຄວາມທຸກຍາກຂອງປະຊາຊົນ ມີ 4 ກອງທຶນ, ມີສະມາຊິກ 1.265 ຄົນ, ມີເງິນຝາກທັງໝົດ 8 ຕື້ກວ່າກີບ ໃນນີ້ໄດ້ປ່ອຍເງິນກູ້ 7 ຕື້ກວ່າກີບ, ລວມຍອດຜະລິດຕະພັນໃນ 1 ປີ ໄດ້ 60 ກວ່າຕື້ກີບ ສະເລ່ຍໃສ່ຫົວຄົນໄດ້ 15 ລ້ານກວ່າກີບ ເທົ່າກັບ 1.800 ກວ່າໂດດາສະຫະລັດ.

ແຫຼ່ງຂ່າວ:ຫ້ອງວ່າການປົກຄອງແຂວງ

ໂດຍ:ສາຄອນ ໄຊສົມຮັກສາ

ໂທ:56662037  

ແຜນທີ ແຂວງໄຊຍະບູລີ