ຈໍານວນຜູ້ເຂົ້າຊົມເວັບໄຊ

125737
ມື້ນີ້ມື້ນີ້135
ມື້ວານນີ້ມື້ວານນີ້314
ອາທິດນີ້ອາທິດນີ້1261
ເດືອນນີ້ເດືອນນີ້5872
ລວມທັງໝົດລວມທັງໝົດ125737

ມີ 15  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ຕອນບ່າຍວັນທີ 19 ກັນຍາ 2018 ນີ້, ທ່ານ ປອ ສອນທະນູ ທໍາມະວົງ ຫົວໜ້າສະຖາບັນຄົ້ນຄວ້າວິທະຍາສາດ - ສັງຄົມແຫ່ງຊາດ ພ້ອມຄະນະ ໄດ້ລົງຢ້ຽມຢາມໂຄງການກໍ່ສ້າງເຂື່ອນໄຟຟ້າພະລັງງານນໍ້າ-ນໍ້າຂອງໄຊຍະບູລີ, ໃຫ້ການຕ້ອນຮັບ ແລະ ຕິດຕາມການເຄື່ອນໄຫວໂດຍ ທ່ານ ປອສົມລິດ ເປືອກແກ້ວ ຮອງເລຂາພັກແຂວງ, ປະທານສະພາປະຊາຊົນແຂວງ ພ້ອມດ້ວຍການນໍາຂອງແຂວງ, ຢູ່ທີ່ຫ້ອງປະຊຸມ ບໍລິສັດ ໄຊຍະບູລີພາວເວີຈຳກັດ.

ກ່ອນອື່ນໄດ້ຮັບຟັງການລາຍງານໂດຍຫຍໍ້ ການກໍ່ສ້າງເຂື່ອນ ຈາກທ່ານ ອານຸພາບ ວົງລະຄອນ ຮອງຜູ້ຈັດການບໍລິສັດໄຊຍະບູລີພາວເວີ ທ່ານໄດ້ກ່າວວ່າ: ການກໍ່ສ້າງເຂື່ອນໄຟຟ້າພະລັງນໍ້າໄຊຍະບູລີມາຮອດປະຈຸບັນແມ່ນມີຄວາມຄືບໜ້າແລ້ວ 97 %, ເຊິ່ງໄດ້ເລີ່ມລົງມືແຕ່ປີ 2012 ແລະ ຄາດວ່າຈະໄດ້ເລີ່ມທົດລອງຜະລິດກະແສໄຟຟ້າ ໜ່ວຍທໍາອິດໃນທ້າຍເດືອນຕຸລາ ປີ 2018 ແລະ ຈະເປີດທໍາການຜະລິດໃນທ້າຍປີ 2019 ໂຄງການໄຟຟ້າ ພະລັງງານນໍ້າ ໄຊຍະບູລີ ມີລັກສະນະເປັນເຂື່ອນນໍ້າໄຫຼ ໂດຍສະເລ່ຍການໄຫຼຂອງນໍ້າແມ່ນ 400 ແມັດກ້ອນ ຕໍ່ວິນາທີ , ມີຄວາມສູງ 28,5 ແມັດ, ຄວາມກວ້າງຂອງສັນເຂື່ອນ 820 ແມັດ;

ມີບານປະຕູນໍ້າ 7 ປ່ອງ ແລະ ບານປະຕູລະບາຍຕະກອນ 4 ປ່ອງ, ມີຊ່ອງທາງເຮືອຂື້ນ - ລ່ອງ ກວ້າງ 12 ແມັດ, ຍາວ 700 ແມັດ ສາມາດຮັບຮອງເຮືອຂົນສົ່ງສິນຄ້າໄດ້ 500 ໂຕນ ແລະ ມີຊ່ອງທາງຂື້ນ - ລ່ອງຂອງປາ. ເຂື່ອນດັ່ງກ່າວມີກໍາລັງຕິດຕັ້ງ ໄຟຟ້າທັງໝົດ 1.750 ເມກາວັດ ມີ 7 ຊຸດ.

ສົ່ງໄຟຟ້າຜ່ານລະບົບສາຍສົ່ງ 500 ກິໂລໂວນ ຂາຍໃຫ້ການໄຟຟ້າຜະລິດແຫ່ງປະເທດໄທ ແລະ ເຄື່ອງກໍາເນີດໄຟຟ້າ 60 ເມກາວັດ ຈໍານວນ 01 ຊຸດ ແມ່ນຈະສົ່ງຜ່ານສາຍສົ່ງ 115 ກິໂລໂວນ ເພື່ອຮັບໃຊ້ໃນ ສປປ ລາວ; ໃນນັ້ນລວມມູນຄ່າການກໍ່ສ້າງທັງໝົດ 4 ຕືື້ໂດລາສະຫາລັດ. ຈາກນັ້ນ, ທີມງານຂອງທ່ານ ປອ ສອນທະນູ ທໍາມະວົງ ຫົວໜ້າສະຖາບັນຄົ້ນຄວ້າວິທະຍາສາດ - ສັງຄົມແຫ່ງຊາດ, ພ້ອມດ້ວຍທ່ານ ປອ ສົມລິດ ເປືອກແກ້ວ ຮອງເລຂາພັກແຂວງ,ປະທານສະພາປະຊາຊົນ ແຂວງໄຊຍະບູລີ ແລະ ຄະນະ ກໍ່ໄດ້ລົງຕິດຕາມເບິ່ງຜົນສໍາເລັດ ການກໍ່ສ້າງໂຄງການທີ່ສັນເຂື່ອນ.

ແຫຼ່ງຂ່າວ:ຫ້ອງວ່າການແຂວງ

ໂດຍ:ສາຄອນ ໄຊສົມຮັກສາ

ໂທ:56662037  

ແຜນທີ ແຂວງໄຊຍະບູລີ