ຈໍານວນຜູ້ເຂົ້າຊົມເວັບໄຊ

125722
ມື້ນີ້ມື້ນີ້120
ມື້ວານນີ້ມື້ວານນີ້314
ອາທິດນີ້ອາທິດນີ້1246
ເດືອນນີ້ເດືອນນີ້5857
ລວມທັງໝົດລວມທັງໝົດ125722

ມີ 23  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນຕອນບ່າຍຂອງວັນທີ 26 ກັນຍາ 2018 ທີ່ສະໂມສອນຫ້ອງວ່າການແຂວງ ໄຊຍະບູລີ, ໂດຍການເປັນປະທານຂອງ ທ່ານ ສົມລິດ ເປືອກແກ້ວ ຮອງເລຂາພັກແຂວງ, ປະທານສະພາປະຊາຊົນແຂວງ, ເຂົ້າຮ່ວມມີບັນດາ ຄະນະປະຈໍາພັກແຂວງ, ກໍາມະການພັກແຂວງ, ມີຫົວໜ້າປກຊ-ປກສ, ມີຫົວໜ້າພະແນກການ ແລະ ພະນັກງານຫຼັກແຫຼ່ງອ້ອມຂ້າງແຂວງເຂົ້າຮ່ວມ.

ໃນວາລະດໍາເນີນກອງປະຊຸມຜູ້ເຂົ້າຮ່ວມແມ່ນໄດ້ຮັບຟັງການເຜີຍແຜ່ການຈັດຕັ້ງຜັນຂະຫຍາຍມະຕິຕົກລົງຂອງຄະນະປະຈໍາພັກແຂວງ ແລະ ແນະນໍາວິທີການເຮັດທົດລອງ ກອງປະຊຸມໃຫຍ່ 3 ຂັ້ນຂອງພັກ ໂດຍໄດ້ກໍານົດເອົາ ບ້ານ ນໍ້າປຸຍ ເມືອງ ພຽງ, ແຂວງ ໄຊຍະບູລີ ເປັນບ້ານເຮັດທົດລອງ, ຮັບຟັງຄໍາສັ່ງຂອງຄະນະເລຂາທິການສູນກາງພັກ ເລກທີ 04/ຄລສພ, ລົງວັນທີ 7 ພຶດສະພາ 2018 ວ່າດ້ວຍການກະກຽມດໍາເນີນກອງປະຊຸມໃຫຍ່ ອົງຄະນະພັກກະຊວງ-ອົງການ, ແຂວງ-ນະຄອນຫຼວງ, ອົງຄະນະພັກເມືອງ-ນະຄອນ ແລະ ຮາກຖານພັກໃນຂອບເຂດທົ່ວປະເທດ, ຜ່ານຮ່າງດໍາລັດ ສະບັບເລກທີ 348/ລບ, ລົງວັນທີ 16 ພະຈິກ 2017

ວ່າດ້ວຍມາດຖານພົ້ນທຸກ ແລະ ມາດຕະຖານພັດທະນາ, ຈາກນັ້ນກໍ່ໄດ້ ແນະນໍາກ່ຽວກັບ ຮ່າງຕາຕະລາງສະຖິຕິແບບຟອມເກັບກໍາຂໍ້ມູນຕາມມາດຕະຖານພົ້ນທຸກ ແລະ ມາດຕະຖານພັດທະນາຂັ້ນຄອບຄົວ ( F1 ), ແນະນໍາກ່ຽວກັບ ຮ່າງຕາຕະລາງສະຖິຕິແບບຟອມເກັບກໍາຂໍ້ມູນ ຕາມມາດຕະຖານພົ້ນທຸກ ແລະ ມາດຕະຖານພັດທະນາຂັ້ນບ້ານ ( F2 ), ແນະນໍາກ່ຽວກັບ ຮ່າງຕາຕະລາງສະຖິຕິແບບຟອມເກັບກໍາຂໍ້ມູນ ບັນຊີຄົວເຮືອນ ( F3 ), ແນະນໍາກ່ຽວກັບ ຮ່າງຕາຕະລາງສະຖິຕິແບບຟອມເກັບກໍາຂໍ້ມູນ ຂັ້ນຮາກຖານບ້ານ( F4 ), ແນະນໍາກ່ຽວກັບ ຮ່າງຕາຕະລາງສະຖິຕິແບບຟອມເກັບກໍາຂໍ້ມູນ ພື້ນຖານສໍາລັບຄົວເຮືອນ ( F5 ), ຈາກນັ້ນຜູ້ເຂົ້າຮ່ວມກອງປະຊຸມກໍ່ໄດ້ພັດປ່ຽນກັນປະກອບຄໍາຄິດຄໍາເຫັນໃສ່ຮ່າງຕາຕະລາສະຖິຕິແບບຟອມຕ່າງໆ ເພື່ອໃຫ້ມີເນື້ອໃນຄົບຖ້ວນ ແລະ ໄດ້ປະກາດລາຍຊື່ພະນັກງານຂັ້ນແຂວງທີ່ຈະລົງເຮັດທົດລອງຢູ່ ບ້ານ ນໍ້າປຸຍ ເມືອງ ພຽງ ແຂວງ ໄຊຍະບູລີ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ