ຈໍານວນຜູ້ເຂົ້າຊົມເວັບໄຊ

125722
ມື້ນີ້ມື້ນີ້120
ມື້ວານນີ້ມື້ວານນີ້314
ອາທິດນີ້ອາທິດນີ້1246
ເດືອນນີ້ເດືອນນີ້5857
ລວມທັງໝົດລວມທັງໝົດ125722

ມີ 16  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ກອງປະຊຸມສະຫຼບຕີລາຄາ ກ່ຽວກັບການທົດລອງກວດກາຄືນຖານລາຍຮັບ ສ່ວຍສາອາກອນ, ຊັບສິນຂອງລັດ ຕາມຄໍາສັ່ງຂອງ ທ່ານນາຍົກລັດຖະມົນຕີ ເລກທີ 40/ນຍ ແລະ ປະເມີນການສ້າງເມືອງເຂັ້ມແຂງທາງດ້ານການເງິນ-ງົບປະມານ ທົ່ວແຂວງ ໄຊຍະບູລີ ໄດ້ໄຂຂຶ້ນໃນຕອນເຊົ້າຂອງວັນທີ 1 ຕຸລາ 2018ນີ້, ທີ່ຫ້ອງປະຊຸມ ພະແນກ ກະສິກໍາ ແລະ ປ່າໄມ້ແຂວງ, ໂດຍພາຍໃຕ້ການເປັນປະທານຂອງ ທ່ານ ບຸນແທນ ທີແກ້ວ ຫົວໜ້າພະແນກ ການເງິນແຂວງ, ເປັນກຽດເຂົ້າຮ່ວມມີ ທ່ານ ເພັງນິລັນ ຄໍາພັນເພັງ ຮອງເຈົ້າແຂວງ ໄຊຍະບູລີ, ຜູ້ຊີ້ນໍາວຽກງານເສດຖະກິດມະຫາພາກ, ມີບັນດາທ່ານ ຫົວໜ້າພະແນກການອ້ອມຂ້າງແຂວງ, ທ່ານເຈົ້າເມືອງ, ຮອງເຈົ້າເມືອງ ພ້ອມດ້ວຍຫົວໜ້າ, ຮອງຫົວໜ້າຫ້ອງການໃນຂົງເຂດເສດຖະກິດ 11 ເມືອງເຂົ້າຮ່ວມ 100 ກວ່າຄົນ.

 

ໃນກອງປະຊຸມ ພາຍຫຼັງ ທ່ານ ບຸນແທນ ທີແກ້ວ ຫົວໜ້າພະແນກ ການເງິນແຂວງ ໄດ້ຂຶ້ນກ່າວຕ້ອນຮັບ ແລະ ກ່າວເປີດກອງປະຊຸມຢ່າງເປັນທາງການແລ້ວ ຜູ້ເຂົ້າຮ່ວມແມ່ນໄດ້ຮັບຟັງບົດສະຫຼຸບ ກ່ຽວກັບການກວດກາຄືນຖານລາຍຮັບສ່ວຍສາອາກອນ, ຊັບສິນຂອງລັດ ແລະ ຍົກຖານລາຍຮັບຫົວໜ່ວຍທຸລະກິດ ທີ່ມີລາຍຮັບແຕ່ 400 ລ້ານຂຶ້ນໄປ ແລະ ຖານຂໍ້ມູນການເຊົ່າສໍາປະທານທີ່ດິນຂອງລັດ ແລະ ການຂຸດຄົ້ນຊັບພະຍາກອນທໍາມະຊາດຢູ່ເມືອງ ໄຊຍະບູລີ ຈາກ ທ່ານ ກອງຄໍາ ສຸວັນນະໂຊດ ຫົວໜ້າສ່ວຍສາອາກອນປະຈໍາແຂວງ, ການກວດກາຄືນຄັ້ງນີ້ແມ່ນເພື່ອຮັບປະກັນໃຫ້ມີຖານລາຍຮັບທີ່ໝັ້ນຄົງ, ຖືກຕ້ອງ, ຊັດເຈນ, ພ້ອມທັງເປັນບ່ອນອີງໃຫ້ແກ່ການສ້າງແຜນພັດທະນາເສດຖະກິດ-ສັງຄົມໃນໄລຍະໃໝ່ ແລະ ສ້າງແຜນງົບປະມານແຫ່ງລັດໃຫ້ຖືກຕ້ອງສອດຄ່ອງກັບສະພາບຄວາມເປັນຈິງ, ໂດຍໄດ້ເລືອກເອົາ 3 ບ້ານເປົ້າໝາຍຢູ່ເມືອງ ໄຊຍະບູລີ ເພື່ອກວດກາຄືນຖານລາຍຮັບ ຄື: ບ້ານ ໜອງແຊງ, ບ້ານ ນາໄຮ ແລະ ບ້ານ ນາລາ, ຜົນໄດ້ຮັບຈາກການລົງກວດກາຄືນຂໍ້ມູນຖານລາຍຮັບຄັ້ງນີ້ເຫັນວ່າ: ສະຖິຕິຫົວໜ່ວຍທຸລະກິດ ຂະແໜງການຄ້າມີທັງໝົດ 1,202 ທະບຽນ, ໃນນັ້ນທຶນຈົດທະບຽນແຕ່ 1 ລ້ານ ຫາ 10 ລ້ານ ມີ454 ທະບຽນ, 11-20 ລ້ານ ມີ 73 ທະບຽນ, 21-50 ລ້ານ ມີ 325 ທະບຽນ, 51-100 ລ້ານ ມີ 159 ທະບຽນ, 101-400 ລ້ານ ມີ 126 ທະບຽນ ແລະ ແຕ່ 401-1 ຕື້ ມີ 65 ທະບຽນ, ສະຖິຕິຂອງຂະແໜງການເງິນ ມີທັງໝົດ 1,368 ຫົວໜ່ວຍໃນນີ້ ແຂວງຄຸ້ມຄອງ ມີ 14 ຫົວໜ່ວຍ, ເມືອງຄຸ້ມຄອງ ມີ 601 ຫົວໜ່ວຍ, ບ້ານຄຸ້ມຄອງ ມີ 753 ຫົວໜ່ວຍ, ລາຍຮັບທຸລະກິດ 12 ລ້ານ ຫາ 50 ລ້ານ ມີ 753 ຫົວໜ່ວຍ, 50-400 ລ້ານ ມີ 549 ຫົວໜ່ວຍ, 400-1 ຕື້ ມີ 50 ຫົວໜ່ວຍ ແລະ 1-5 ຕື້ ມີ 16 ຫົວໜ່ວຍ, ສົມທຽບຂໍ້ມູນທີດິນ ລະຫວ່າງຂະແໜງຊັບພະຍາກອນທໍາມະຊາດ ແລະ ສິ່ງແວດລ້ອມ ກັບ ຂະແໜງ ການເງິນ ໃນການກວດກາຕົວຈິງຢູ່ 3 ບ້ານ ມີ ດິນປຸກສ້າງ 557 ຕອນ, ເນື້ອທີ່ 335,71 ເຮັກຕາ, ເປັນເງິນ 23,971,990 ກີບ, ດິນກະສິກໍາ ມີ 713 ຕອນ, ເນື້ອທີ່ 577,14 ເຮັກຕາ, ເປັນເງິນ 23,712,425 ກີບ, ສັງລວມຂໍ້ມູນພື້ນຖານລາບຮັບທັງໝົດຂອງຂະແໜງສ່ວຍສາອາກອນ ທຽບກັບຂໍ້ມູນສະຖິຕິຫົວໜ່ວຍທຸລະກິດ 1,368 ຫົວໜ່ວຍ, ເປັນເງິນທັງໝົດ 2,071 ຕື້ກີບ, ຄ່າຊັບພະຍາກອນແຮ່ທາດ, ຫີນ, ດິນ, ຊາຍ, ດິນດໍາ-ດິນແດງ ມີທັງໝົດ 7 ຕອນ, ບໍລິມາດ 59,300 ແມັດກ້ອນ, ເປັນເງິນ 318,900,000 ກີບ, ໃນວາລະດໍາເນີນກອງປະຊຸມຜູ້ເຂົ້າຮ່ວມຍັງຈະໄດ້ພັດປ່ຽນກັນຂຶ້ນປະກອບຄໍາຄິດ-ຄໍາເຫັນ, ຊອກໃຫ້ເຫັນຈຸດດີ-ຈຸດອ່ອນ ແລະ ບົດຮຽນທີ່ຖອນຖອນໄດ້ ຈາກການທົດລອງຢູ່ 3 ບ້ານ ຂອງເມືອງ ໄຊຍະບູລີຄັ້ງນີ້ ແລະ ຈະໄດ້ດໍາເນີນໄປເປັນເວລາ 1 ວັນຈຶ່ງຈະສໍາເຮັດ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ