ຈໍານວນຜູ້ເຂົ້າຊົມເວັບໄຊ

142224
ມື້ນີ້ມື້ນີ້68
ມື້ວານນີ້ມື້ວານນີ້233
ອາທິດນີ້ອາທິດນີ້1000
ເດືອນນີ້ເດືອນນີ້6139
ລວມທັງໝົດລວມທັງໝົດ142224

ມີ 15  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ບ້ານ ຫ້ວຍຊໍາອໍ້ ເປັນບ້ານໜຶ່ງທີ່ຂຶ້ນກັບ ເມືອງ ໄຊຍະບູລີ ແຂວງ ໄຊຍະບູລີ ມີທີ່ຕັ້ງຫ່າງຈາກເທດສະບານເມືອງ 30 ກິໂລແມັດ, ມີ 27 ໜ່ວຍຄຸ້ມຄອງ, ມີ 272 ຄອບຄົວ, ມີປະຊາກອນ 1.837 ຄົນ, ຍິງ 894 ຄົນ, ບ້ານ ດັ່ງກ່າວ ຜ່ານມາແມ່ນມີຄວາມຫຍຸ້ງຍາກລໍາບາກ ຍ້ອນຂາດນໍ້າກິນ-ນໍາໃຊ້, ແມ່ຍິງ ແລະ ເດັກນ້ອຍ ໄດ້ໃຊ້ແຮງງານໄປຕັກນໍ້າໄກ, ຍາມແລງນໍ້າບົກແຫ້ງ, ແຕ່ກົງກັນຂ້າມລະດູຝົນ ນໍ້າພັດຂຸ່ນ, ດ້ວຍເຫດນີ້ ລັດຖະບານ ແລະ ປະຊາຊົນ ຍີ່ປຸ່ນ ໂດຍສະເພາະແມ່ນເອກອັກຄະລະຊະທູດຍີ່ປຸ່ນ ປະຈໍາລາວ ຈຶ່ງໄດ້ໃຫ້ທືນອັນມະຫາສານເພື່ອຊ່ວຍສ້າງລະບົບນໍ້າລິນໃຫ້ກັບປະຊາຊົນ ບ້ານ ຫ້ວຍຊໍາອໍ້.

ພິທີມອບ-ຮັບ ໂຄງການກໍ່ສ້າງລະບົບນໍ້າລິນ ບ້ານ ຫ້ວຍຊໍາອໍ້ ເມືອງ ໄຊຍະບູລີ ໄດ້ຈັດຂຶ້ນໃນຕອນບ່າຍຂອງວັນທີ 23 ກຸມພາ 2019 ນີ້ ທີ່ ບ້ານດັ່ງກ່າວ, ເປັນກຽດເຂົ້າຮ່ວມ ມີ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ, ທ່ານ ຕາເກສິ ຮີກິຮາລະ ເອກອັກຄະລະຊະທູດ ຍີ່ປຸ່ນ ປະຈໍາລາວ, ພ້ອມພັນລະຍາ, ມີ ລັດຖະມົນຕີ ກະຊວງສາທາລະນະສຸກ, ພະນັກງານການນໍາຂອງແຂວງ, ພະນັກງານຫຼັກແຫຼ່ງຂອງເມືອງ ໄຊຍະບູລີ ແລະ ປະຊາຊົນ ບ້ານ ຫ້ວຍຊໍາອໍ້ ເຂົ້າຮ່ວມຢ່າງຫຼວງຫຼາຍ,

ໂຄງການກໍ່ສ້າງລະບົບນໍ້າລິນ ບ້ານ ຫ້ວຍຊໍາອໍ້ ໄດ້ເລີ່ມລົງມືກໍ່ສ້າງແຕ່ເດືອນ ພຶດສະພາ ຫາ ເດືອນ ສິງຫາ ແມ່ນສໍາເລັດ 100%, ໂດຍມີໜ້າວຽກເຊັ່ນ: ກໍ່ສ້າງຫົວງານ 1 ແຫ່ງ, ຂຸດຮ່ອງ ແລະ ວາງທໍ່ນໍ້າແຕ່ຫົວງານຫາບ່ອນຕິດຕັ້ງອ່າງມີຄວາມຍາວ 5.200 ແມັດ, ກໍ່ສ້າງອ່າງລົດຄວາມດັນນໍ້າ 1 ແຫ່ງ, ກໍ່ສ້າງອ່າງເກັບນໍ້າຄະນາດ 42 ແມັດກ້ອນ 1 ອ່າງ, ຕັ້ງເສົາເບຕົງຂ້າມນໍ້າ 1 ຈຸດ, ວາງທໍ່ ແລະ ຕິດຕັ້ງກ້ອກນໍ້າ 18 ກ້ອກ, ກໍ່ສ້າງຝາຍຕັນນໍ້າຍາວ 7 ແມັດ, ສູງ 1 ແມັດ, ຄວາມໜາຂອງດິນຄູຝາຍ 0,8 ແມັດ ແລະ ຄວາມໜາຂອງຫຼັງຄູຝາຍ 0,2 ແມັດ, ກໍ່ສ້າງອ່າງຂະໜາດນ້ອຍ ມີ 3 ຫ້ອງ ພ້ອມດ້ວຍລະບົບເປີດ-ປິດ, ກໍ່ສ້າງອ້າງເກັບນໍ້າເປັນລະບົບເບຕົງເສີມເຫຼັກ ສູງ 2,4 ແມັດ, ກວ້າງ 5 ແມັດ, ໜາ 0,2 ແມັດ, ມີຝາປິດ, ບັນຈຸນໍ້າ 42 ແມັດກ້ອນ, ໂຄງການກໍ່ສ້າງລະບົບນໍ້າລິນດັ່ງກ່າວໂດຍແມ່ນພະນັກງານຈາກພະແນກສາທາລະນະສຸກແຂວງ, ເມືອງ ໄຊຍະບູລີ ແລະ ປະຊາຊົນຮ່ວມກັນກໍ່ສ້າງ, ມີມູນຄ່າທັງໝົດ ເກືອບ 80 ພັດກວ່າໂດລາສະຫະລັດ, ໃນນັ້ນ ທືນຊ່ວຍເຫຼືອລ້າຈາກ ລັດຖະບານ ແລະ ປະຊາຊົນ ຍີ່ປຸ່ນ ມູນຄ່າ 72 ພັນກວ່າໂດລາສະຫະລັດ, ທຶນສົມຈາກປະຊາຊົນ ບ້ານ ຫ້ວຍຊໍາອໍ້ 83 ລ້ານກວ່າກີບ, ຈາກນັ້ນຜູ້ເຂົ້າຮ່ວມແມ່ນໄດ້ຮ່ວມກັນເປີດປ້າຍ ແລະ ກ້ອກນໍ້າຢ່າງເປັນທາງການ.

ນັກຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 2212 6933  

ແຜນທີ ແຂວງໄຊຍະບູລີ