ຈໍານວນຜູ້ເຂົ້າຊົມເວັບໄຊ

147285
ມື້ນີ້ມື້ນີ້177
ມື້ວານນີ້ມື້ວານນີ້199
ອາທິດນີ້ອາທິດນີ້1489
ເດືອນນີ້ເດືອນນີ້6026
ລວມທັງໝົດລວມທັງໝົດ147285

ມີ 21  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ເພື່ອເປັນການສືບຕໍ່ເສີມຂະຫຍາຍວັດທະນະທໍາ ແລະ ຮີດຄອງປະເພນີທີ່ເປັນເອກະລັກໃນແບບວິຖີການດໍາລົງຊີວິດຂອງປະຊາຊົນບັນດາເຜົ່າ ທີ່ຕິດພັນກັບຊ້າງມາແຕ່ບູຮານນະການ ແລະ ເພື່ອໃຫ້ຄົນຫຼຸ້ນຕໍ່ໆໄປໄດ້ມີຄວາມຮັບຮູ້ກ່ຽວກັບຊ້າງຫຼາຍຂຶ້ນ, ເພາະຊ້າງເປັນປະເພດສັດໃຫຍ່, ເປັນສັດຄໍາຮູ້ທີ່ສາມາດຮັບຟັງຄໍາສັ່ງຂອງຜູ້ເປັນເຈົ້າຂອງເປັນຢ່າງດີ, ເພື່ອໃຫ້ທຸກຄົນຄວນໄດ້ຮູ້ ແລະ ອານຸລັກຮັກສາ ແລະ ຫວງແຫນຊ້າງໃຫ້ຍືນຍົງຄົງຢູ່ຄູ່ກັບປະຊາຊົນຕະຫຼອດໄປ ໃຫ້ສົມກັບທີ່ວ່າປະເທດລາວເປັນ ດິນແດນລ້ານຊ້າງ.

ດັ່ງນັ້ນ ອົງການປົກຄອງແຂວງ ໄຊຍະບູລີ ພ້ອມກັບປະຊາຊົນບັນດາເຜົ່າ ແລະ ຊັ້ນຄົນຕ່າງໆໃນທົ່ວແຂວງ ຈຶ່ງໄດ້ຈັດງານ ມະຫາກໍາບຸນຊ້າງຄັງທີ 13 ປະຈໍາປີ 2019 ຂຶ້ນ ບົນດິນແດນທີ່ສວຍງາມ ແລະ ອຸດົມສົມບູນດັ່ງຄໍາຂວັນທີ່ວ່າ: ( ໄຊຍະບູລີ ດິນແດນຍາວສຸດຫຼາ, ດ່ານໜ້າທີ່ແຂງແກ່ນ, ແດນພູເຂົາແຫ່ງຄໍາຂຽວ, ຊ້າງຄໍາຮູ້ພູໄຟດອກຝ້າຍຈັນ, ວັດທະນະທໍາເຜົ່າຫຼາຍສີສັນ ພະລັງດັນແຫ່ງຄວາມມັ່ງຄັ່ງ ), ງານດັ່ງກ່າວຈັດຂຶ້ນໂດຍມີຈຸດປະສົງ ເພື່ອເປັນການສືບຕໍ່ເສີມຂະຫຍາຍຮີດຄອງປະເພນີຂອງປະຊາຊົນບັນດາເຜົ່າຊາວແຂວງ ໄຊຍະບູລີ ທີ່ໄດ້ມີການດໍາລົງຊີວິດຕິດພັນກັບຊ້າງມາແຕ່ດຶກດໍາບັນ, ເພື່ອໃກ້ທຸກຄົນຮັບຮູ້ກ່ຽວກັບຊ້າງຫຼາຍຂຶ້ນ, ເພື່ອພ້ອມກັນອານຸລັກ ແລະ ປົກປັກຮັກສາຊ້າງໃຫ້ສືບຕໍ່ຍືນຍົງຢູ່ກັບແຂວງ ໄຊຍະບູລີ

ຕະຫຼອດໄປ, ເພື່ອເປັນການໂຄສະນາສົ່ງເສີມໃຫ້ນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າມາທ່ອງທ່ຽວແຂວງ ໄຊຍະບູລີ ຫຼາຍຂຶ້ນ, ໃນງານຈະມີບັນດາກິດຈະກໍາຕ່າງໆເຊັ່ນ: ຂະບວນແຫ່ຂອງຊ້າງຈໍານວນ 70 ເຊືອກ, ການໃສ່ບາດເພື່ອອຸທິດສ່ວນບຸນກູສົນໃຫ້ແກ່ຊ້າງ, ການປະກວດຊ້າງງາມ, ການສະແດງຄວາມສາມາດຂອງຊ້າງຄໍາຮູ້ຈໍານວນ 24 ເຊືອກ, ມີ 23 ລາຍການ, ພິທີບາສີສູ່ຂວັນຊ້າງ, ການປະກວດໃຫ້ອາຫານຊ້າງ ແລະ ບຸບເຟສໍາລັບຊ້າງ, ການບໍລິການຂີ່ຊ້າງ, ຂະບວນຟ້ອນ 8 ເຜົ່າທີ່ສ່ອງແສງເຖິງມູນເຊື້ອທີ່ເປັນເອກະລັກ ແລະ ຮີດຄອງປະເພນີອັນດີງາມ, ນອກນັ້ນແຕ່ລະຄືນແມ່ນມີການສະແດງສິລະປະ-ວັນນະຄະດີຈາກແຕ່ລະເມືອງ, ການສະແດງຄອນເສີດຈາກສິນລະປິນທີ່ມີສື່ສຽງພາຍໃນປະເທດ, ຊົມການຊົກມວຍສາກົນ ແລະ ມວຍລາຍລາວ, ມີການວາງສະແດງສິນຄ້າຂອງ 11 ເມືອງ, ບັນດາພະແນກການ, ບໍລິສັດ, ຫ້າງຮ້ານທັງພາຍໃນ ແລະ ຕ່າງປະເທດ.

ພິທີເປີດງານມະຫາກໍາບຸນຊ້າງຢ່າງເປັນທາງການແມ່ນໄດ້ຈັດຂຶ້ນ ໃນວັນທີ 23 ກຸມພາ 2019 ນີ້, ທີ່ເດີ່ນສະໜາມຫຼວງຂອງແຂວງ, ໂດຍການເປັນກຽດເຂົ້າຮ່ວມ, ລັ່ນຄ້ອງ ແລະ ຕັດແຖບຜາເປີດງານຂອງ ທ່ານ ນາງ ປານີ ຢາທໍ່ຕູ້, ກໍາມະການກົມການເມືອງສູນກາງພັກ, ປະທານສະພາແຫ່ງຊາດ, ມີທ່ານ ພົງສະຫວັນ ສິດທະວົງ, ກໍາມະການສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ, ມີບັນດາທ່ານລັດຖະມົນຕີ, ຮອງລັດຖະມົນຕີ, ເຈົ້າແຂວງ, ຮອງເຈົາແຂວງທົ່ວປະເທດ, ແຂກຖືກເຊີນທັງພາຍໃນ ແລະ ຕ່າງປະເທດ, ຕະຫຼອດເຖິງອໍານາດການປົກຄອງແຕ່ລະຂັ້ນ ແລະ ປະຊາຊົນບັນດາເຜົ່າທົ່ວແຂວງ ໄຊຍະບູລີ ເຂົ້າຮ່ວມຢ່າງຄັບຄາໜາແໜ້ນ.

ນັກຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 2212 6933  

ແຜນທີ ແຂວງໄຊຍະບູລີ