ຈໍານວນຜູ້ເຂົ້າຊົມເວັບໄຊ

126436
ມື້ນີ້ມື້ນີ້116
ມື້ວານນີ້ມື້ວານນີ້319
ອາທິດນີ້ອາທິດນີ້1181
ເດືອນນີ້ເດືອນນີ້4790
ລວມທັງໝົດລວມທັງໝົດ126436

ມີ 19  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ເນື່ອງໃນໂອກາດທີ່ທ່ານ ນາງ ປານີ ຢາທໍ່ຕູ້ ກໍາມະການກົມການເມືອງສູນກາງພັກ, ປະທານສະພາແຫ່ງຊາດ ພ້ອມດ້ວຍຄະນະ ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງ ໄຊຍະບູລີ, ໃນຕອນເຊົ້າຂອງວັນທີ 22 ກຸມພາ 2019 ນີ້ ທ່ານ ປະທານສະພາແຫ່ງຊາດ ໄດ້ໃຫ້ກຽກໂອ້ລົມຕໍ່ພະນັກງານການນໍາຂອງແຂວງ, ທີ່ສະໂມສອນ ຫ້ອງວ່າການແຂວງ ໄຊຍະບູລີ.

ກ່ອນອື່ນ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ແມ່ນໄດ້ລາຍງານຫຍໍ້ກ່ຽວກັບການຈັດຕັ້ງປະຕິບັດວຽກງານທີ່ພົ້ນເດັ່ນໃນປີຜ່ານມານີ້ວ່າ: ສຳລັບປີ 2018 ເສດຖະກິດຂອງແຂວງແມ່ນສືບຕໍ່ຂະຫຍາຍຕົວໃນລະດັບ 8,7%, ລວມຍອດຜະລິດຕະພັນພາຍໃນບັນລຸ 9.555 ຕື້ກີບ, ສະເລ່ຍຕໍ່ຫົວຄົນເທົ່າກັບ 24.096 ລ້ານກີບ, ເທົ່າກັບ 3.012 ໂດລາສະຫະລັດ, ໂຄງປະກອບເສດຖະກິດ ໄດ້ຫັນປ່ຽນໄປຕາມທິດທີ່ຕັ້ງໜ້າ, ຂະແໜງກະສິກຳ ແລະປ່າໄມ້ ເພີ່ມຂຶ້ນ 3,3% ກວມ 30,4% ຂອງ GDP; ຂະແໜງ ອຸດສາຫະກຳເພີ່ມຂຶ້ນ 11,6% ກວມເອົາ 30%; ການບໍລິການ ເພີ່ມຂຶ້ນ 6,7% ກວມ 39,6% ຂອງGDP, ດ້ານລາຍຮັບເຂົ້າງົບປະມານ ລວມທັງພູດສູນກາງ ແລະ ທ້ອງຖິ່ນປະຕິບັດໄດ້ 863,30 ຕື້ກີບ,

ເທົ່າກັບ 99,84%, ໃນນີ້ພູດທ້ອງຖິ່ນປະຕິບັດໄດ້ 236,74 ຕື້ກີບ ເທົ່າກັບ 88,92%; ສໍາຫຼັບລາຍຮັບປີ 2019 ຮອດປະຈຸບັນ ສາມາດປະຕິບັດໄດ້ 103.16 ຕື້ກີບ, ເທົ່າກັບ 10.73%, ທ່ານ ເຈົ້າແຂວງ ຍັງໄດ້ກ່າວຕື່ມອີກວ່າ: ສໍາລັບປີ 2019 ແຂວງຈະຕ້ອງໄດ້ສຸມໃສ່ປະຕິບັດ ບາງວຽກຕົ້ນຕໍເປັນຕົ້ນແມ່ນ: ສືບຕໍ່ຮັບປະກັນເຮັດໃຫ້ແຂວງ ມີສະຖຽນລະພາບທາງດ້ານການເມືອງຢ່າງໜັກແໜ້ນ, ສັງຄົມມີຄວາມສະຫງົບ ມີຄວາມເປັນລະບຽບຮຽບຮ້ອຍໂດຍພື້ນຖານ ເພື່ອກາຍເປັນເສົາຄໍ້າໃຫ້ແກ່ການພັດທະນາເສດຖະກິດ-ສັງຄົມຂອງແຂວງ, ຕັ້ງໜ້າແກ້ໄຂ ບັນດາປະກົດການຫຍໍ້ທໍ້ໃນສັງຄົມໃຫ້ລຸດນ້ອຍຖອຍລົງ, ສູ້ຊົນເຮັດໃຫ້ເສດຖະກິດພາຍໃນແຂວງ ຂະຫຍາຍຕົວບໍ່ໃຫ້ຫຼຸດ 8,7% ແລະ ສ້າງມູນຄ່າເພີ່ມລາຄາພາຍໃນປີໃຫ້ໄດ້ປະມານ 10.678 ຕື້ກີບ, ສະເລ່ຍຕໍ່ຫົວຄົນໃຫ້ໄດ້ 3.381 ໂດລາສະຫະລັດ, ສູ້ຊົນປະຕິບັດລາຍຮັບງົບປະມານໃຫ້ໄດ້ຕາມແຜນ, ເອົາໃຈໃສ່ຕໍ່ການເບີກຈ່າຍເງິນເດືອນ, ເງິນນະໂຍບາຍ, ເງິນບຳນານໃຫ້ເປັນປົກກະຕິ, ສຸມໃສ່ຈັດຕັ້ງປະຕິບັດບັນດາໂຄງການລົງທຶນຕ່າງໆ ທີ່ສະພາປະຊາຊົນແຂວງໄດ້ຮັບຮອງໃຫ້ມີປະສິດທິພາບສູງ, ຈາກນັ້ນທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດກໍ່ໄດ້ໃຫ້ກຽດໂອ້ລົມ, ກ່ອນອື່ນທ່ານໄດ້ຍ້ອງຍໍຊົມເຊີຍຕໍ່ຜົນງານທີ່ແຂວງ ໄຊຍະບູລີ ຍາດມາໄດ້, ພ້ອມທັງໄດ້ຮຽກຮ້ອງໃຫ້ການນໍາຂອງແຂວງສືບຕໍ່ເອົາໃຈໃສ່ເຮັດໃຫ້ເສດຖະກິດຂະຫຍາຍຕົວຕໍ່ເນື່ອງ, ເອົາໃຈໃສ່ຕໍ່ການຜະລິດຂອງປະຊາຊົນ ໂດຍຊອກເອົາແນວພັນໃໝ່, ເຕັກນິກການຜະລິດແບບໃໝ່, ໂດຍນໍາໃຊ້ກົນຈັກທີ່ທັນສະໄໝເຂົ້າຊ່ວຍໃນການຜະລິດ, ສົ່ງເສີມໃຫ້ປະຊາຊົນລ້ຽງສັດໃຫຍ່ຕິດພັນກັບການປູກຫຍ້າ, ປູກພືດເປັນສິນຄ້າເຊັ່ນ: ມັນຕົ້ນ, ສາລີ ແລະ ອື່ນໆ, ພ້ອມດຽວກັນຕ້ອງເອົາໃຈໃສ່ແກ້ໄຂບັນຫາປະກົດການຫຍໍ້ທໍ້ໃນສັງຄົມເປັນຕົ້ນແມ່ນບັນຫາຢາເສບຕິດໃຫ້ໝົດໄປ, ສືບຕໍ່ເຮັດວຽກງານສາມສ້າງໃຫ້ເຂົ້າສູ່ລວງເລິກ ແລະ ມີຄວາມໜັກແໜ້ນ, ສົ່ງເສີມ ແລະ ອໍານວຍຄວາມສະດວກຕໍ່ການເຮັດທຸລະກິດຂອງຜູ້ປະກອບການໃຫ້ມີການຂະຫຍາຍຕົວກວ້າງຂວາງ, ອໍານວຍຄວາມສະດວກໃຫ້ປະຊາຊົນ, ນັກທຸລະກິດ ແລະ ນັກທ່ອງທ່ຽວໃນການເຂົ້າ-ອອກເມືອງ ເພື່ອເຂົ້າມາລົງທຶນ, ຄ້າ-ຂາຍ ແລະ ທ່ອງທ່ຽວ, ພ້ອມທັງຄຸ້ມຄອງອັດຕາການເໜັງຕີງຂອງການແລກປ່ຽນເງິນຕາ, ການຂຶ້ນລາຄາຂອງສິນຄ້າຕາມທ້ອງຕະຫຼາດ ເພື່ອບໍ່ໃຫ້ມີຜົນກະທົບຕໍ່ການດໍາລົງຊີວິດຂອງປະຊາຊົນ.

ນັກຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 2212 6933  

ແຜນທີ ແຂວງໄຊຍະບູລີ