ຈໍານວນຜູ້ເຂົ້າຊົມເວັບໄຊ

135606
ມື້ນີ້ມື້ນີ້342
ມື້ວານນີ້ມື້ວານນີ້439
ອາທິດນີ້ອາທິດນີ້2627
ເດືອນນີ້ເດືອນນີ້6008
ລວມທັງໝົດລວມທັງໝົດ135606

ມີ 23  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ທ່ານ ອານຸພາບ ວົງລະຄອນ ຮອງຜູ້ຈັດການບໍລິສັດໄຊຍະບູລີພາວເວີ ໄດ້ໃຫ້ຮູ້ວ່າ: ການພັດທະນາລຸ່ມນໍ້າເປັນພື້ນຖານ ແລະ ເປັນສິ່ງທີ່ມີຄວາມສໍາຄັນຢ່າງຍິ່ງຕໍ່ລະບົບການບໍລິຫານຈັດການນໍ້າສະໄໝໃໝ່ ເລີ່ມຕັ້ງແຕ່ການປົກປັກຮັກສາປ່າໄມ້ທີ່ມີຢູ່ເດີມ ແລະ ການປູກໄມ້ຂະຫຍາຍປ່າໃນບໍລິເວນເຂດຕົ້ນນໍ້າ ບວກກັບການກໍ່ສ້າງເຂື່ອນເກັບກັກນໍ້າໃນເຂດລຸ່ມນໍ້າຕອນເທິງ ແລະ ການສ້າອ່າງນໍ້າໄຫຼເທີງແມ່ນໍ້າສາຍຫຼັກໃນເຂດແມ່ນໍ້າຕອນລຸ່ມ ເພື່ອໃຊ້ຊັບພະຍາກອນນໍ້າໃຫ້ເກີດປະໂຫຍດສູງສຸດ ລວມທັງການຄຸ້ມຄອງໃຫ້ມີລະບົບລະບາຍນໍ້າລົງທະເລໄດ້ຢ່າງສະດວກສະບາຍ, ແມ່ນໍ້າຂອງເປັນແມ່ນໍ້ານາໆຊາດສາຍຫຼັກຂອງອາຊີຕາເວັນອອກສ່ຽງໃຕ້, ເຂດແມ່ນໍ້າຂອງຕອນເທິງນັ້ນມີການພັດທະນາໄປແລ້ວບາງສ່ວນ, ຂະນະທີ່ເຂດແມ່ນໍ້າຂອງຕອນລຸ່ມແມ່ນມີການພັດທະນາໃນລະດັບນ້ອຍ, ການໃຊ້ປະໂຫຍດຍັງບໍ່ໄດ້ເຕັມທີ່ ເນື່ອງຈາກຂາດການບໍລິຫານຄຸ້ມຄອງຊັບພະຍາກອນນໍ້າທີ່ດີ, ປະຈຸບັນປະຊາກອນໃນ ສປປ ລາວ ແລະ ບໍລິເວນເຂດແມ່ນໍ້າຂອງຕອນລຸ່ມໂດຍສະເລ່ຍມີລາຍໄດ້ຕໍ່ຫົວຄົນຕໍ່າກວ່າມາດຕະຖານຂອງປະຊາກອນໂລກ, ແຕ່ຖ້າມີການພັດທະນາເຂດແມ່ນໍ້າຂອງຕອນລຸ່ມໄດ້ຢ່າງຄົບຖ້ວນແລ້ວຈະຊ່ວຍເສີມສ້າງຄວາມອາດສາມາດໃນການເພີ່ມລາຍໄດ້ໃຫ້ກັບປະຊາຊົນນໍາໄປສູ່ສະພາບຄວາມເປັນຢູ່ທີ່ດີ ແລະ ສ້າງຄວາມຈະເລີນໃຫ້ທ້ອງຖິ່ນໄດ້, ໃນນັ້ນແມ່ນໂຄງການໄຟຟ້າພະລັງງານນໍ້າ ໄຊຍະບູລີ ຈະຊ່ວຍສ້າງອານາຄົດທີ່ສົດໃສ, ງົດງາມ ແລະ ຍືນຍົງໃຫ້ແກ່ປະຊາຊົນໃນບໍລິເວນເຂດແມ່ນໍ້າຂອງຕອນລຸ່ມຕະຫຼອດຮອດຊົ່ວລູກຊົ່ວຫຼານ.

 

ທ່ານ ອານຸພາບ ວົງລະຄອນ ຍັງໃຫ້ຮູ້ຕື່ມອີກວ່າ: ໂຄງການ ໄຊຍະບູລີ ມີລັກສະນະເປັນຝາຍລະບາຍນໍ້າບໍ່ແມ່ນເຂື່ອນຕັນນໍ້າ, ຜົນກະທົບຕໍ່ສະພາບແວດລ້ອມຈຶ່ງຢູ່ໃນລະດັບຕໍ່າ ຖືໄດ້ວ່າເປັນແຫຼ່ງພະລັງງານສີຂຽວ, ລະດັບນໍ້າທາງເທິງໜ້າຝາຍຈະມີລະດັບຂອນຂ້າງຄົງທີ່, ການອອກແບບຂອງໂຄງການໄດ້ໃຊ້ເທັກໂນໂລຍີທີ່ທັນສະໄໝທາງດ້ານໄຟຟ້ານໍ້າຕົກ, ການອອກແບບດັ່ງກ່າວໄດ້ລວມເຖິງການປົກປັກຮັກສາຊັບພະຍາກອນປາ, ການລະບາຍຕະກອນ, ການແລ່ນເຮືອ, ຕະຫຼອດເຖິງການປ້ອງກັນການເຈື່ອນຂອງຕາຝັ່ງ ແລະ ການຮັກສາຄຸນນະພາບນໍ້າ, ນອກນີ້ຍັງມີແຜນການປ້ອງກັນການເຊາະເຈື່ອນຂອງຕາຝັ່ງ ແລະ ການຮັກສາຄຸນນະພາບນໍ້າຢ່າງເໝາະສົມຕະຫຼອດໄລຍະເວລາກໍ່ສ້າງ ແລະ ດໍາເນີນໂຄງການ ໂດຍການຮັກສາລະດັບນໍ້າທາງເໜືອເຂື່ອນໃຫ້ມີຄ່າຄົງທີ່, ໂດຍຈະບໍ່ໃຫ້ເກີດມີການເຊາະເຈື່ອນຂອງແຄມຕາຝັ່ງໃນບໍລິເວນເໜືອນໍ້າ ແລະ ບໍ່ມີຜົນຕໍ່ການປ່ຽນແປງຂອງກະແສນໍ້າບໍລິເວນທ້າຍນໍ້າ, ສາມາດເວົ້າໄດ້ວ່າ: ໂຄງການ ໄຟຟ້າພະລັງງານນໍ້າ ໄຊຍະບູລີ ແມ່ນສາມາດສ້າງຄວາມສົມດູນລະຫວ່າງຜົນປະໂຫດທີ່ຈະໄດ້ຮັບຈາກໂຄງການ, ການປົກປັກຮັກສາສິ່ງແວດລ້ອມ ແລະ ສັງຄົມ ໄດ້ຢ່າງມີປະສິດທິພາບສູງ ແລະ ຊ່ວຍຫຼຸດຜ່ອນພາວະໂລກຮ້ອນໄດ້ເປັນຢ່າງດີ.

ໂດຍ: ອຸ່ນເຮືອນ ໂພທິລັກ ໂທ: 22126933  

ແຜນທີ ແຂວງໄຊຍະບູລີ