ຈໍານວນຜູ້ເຂົ້າຊົມເວັບໄຊ

147292
ມື້ນີ້ມື້ນີ້184
ມື້ວານນີ້ມື້ວານນີ້199
ອາທິດນີ້ອາທິດນີ້1496
ເດືອນນີ້ເດືອນນີ້6033
ລວມທັງໝົດລວມທັງໝົດ147292

ມີ 25  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ເພື່ອເປັນການກະກຽມໃຫ້ແກ່ການດໍາເນີນກອງປະຊຸມໃຫຍ່ ຄັ້ງທີ VII ຂອງອົງຄະນະພັກແຂວງ ໄຊຍະບູລີ, ໃຫ້ມີຄວາມພ້ອມ ແລະ ຮັບປະກັນດ້ານເນື້ອໃນ ແລະ ບັນດາກິດຈະກໍາຕ່າງໆນັ້ນ, ໃນວັນທີ 1 ມີນາ 2019 ນີ້, ທີ່ສະໂມສອນ ຫ້ອງວ່າການແຂວງ ໄຊຍະບູລີ ໄດ້ຈັດກອງປະຊຸມປຶກສາຫາລືກ່ຽວກັບການກະກຽມໃຫ້ແກ່ການດໍາເນີນກອງປະຊຸມໃຫຍ່ ຄັ້ງທີ VII ຂອງອົງຄະນະພັກແຂວງ ໄຊຍະບູລີ, ໂດຍພາຍໃຕ້ການເປັນປະທານຂອງ ທ່ານ ພົງສະຫວັນ ສິດທະວົງ ກໍາມະການສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ, ເຂົ້າຮ່ວມມີບັນດາ ກໍາມະການປະຈໍາພັກແຂວງ, ກໍາມະການພັກແຂວງ, ຫົວໜ້າ-ຮອງຫົວໜ້າພະແນກການອ້ອມຂ້າງແຂວງເຂົ້າຮ່ວມ 50 ກວ່າຄົນ.

ໃນກອງປະຊຸມ ທ່ານ ເພັດພິໄຊ ສູນວິໄລ ກໍາມະການພັກແຂວງ, ຫົວໜ້າຫ້ອງວ່າການແຂວງ ໄດ້ຂຶ້ນຜ່ານມະຕິຕົກລົງຂອງຄະນະປະຈໍາພັກແຂວງ, ສະບັບເລກທີ 107/ຄພຂ.ຊຍ, ລົງວັນທີ 6 ກຸມພາ 2019 ວ່າດ້ວຍ ການແຕ່ງຕັ້ງຄະນະຊີ້ນໍາ ແລະ ອານຸກໍາມະການເພື່ອກະກຽມກອງປະຊຸມໃຫຍ່ຄັ້ງທີ VII ຂອງອົງຄະນະພັກແຂວງ ໄຊຍະບູລີ, ເຊິ່ງປະກອບມີ 5 ອານຸກໍາມະການເຊັ່ນ: ອານຸກໍາມະການ ເນື້ອໃນ

ເຊິ່ງມີໜ້າທີ່ໃນການນໍາພາຂຽນຮ່າງບົດລາຍງານການເມືອງທັງ 3 ພາກ ແລະ ແຜນພັດທະນາເສດຖຖະກິດ-ສັງຄົມ, ອານຸກໍາມະການກົດລະບຽບ ແລະ ບຸກຄະລາກອນ ມີໜ້າທີ່ ຄົ້ນຄົ້ວເປົ້າໝາຍຜູ້ຈະສະມັກເລືອກຕັ້ງເປັນຄະນະບໍລິຫານງານພັກແຂວງ ຊຸດທີ 7, ຜູ້ແທນໄປຮ່ວມກອງປະຊຸມຂອງສູນກາງພັກ ນັບທັງຄະນະພັກຊຸດເກົ່າ ແລະ ໃໝ່, ອານຸກໍາມະການ ໂຄສະນາ, ຂະບວນການ ແລະ ຍ້ອງຍໍ ມີໜ້າທີ່ ປຸກລະດົມຊຸກຍູ້ຂະບວນການຕ່າງໆ, ອານຸກໍາມະການປ້ອງກັນຊາດ-ປ້ອງກັນຄວາມສະຫງົບ ມີໜ້າທີ່ວາງແຜນຊີ້ນໍາ-ນໍາພາປ້ອງກັນແຕ່ລະຈຸດໃນສະຖານທີ່ສໍາຄັນຕ່າງໆ ເປັນຕົ້ນແມ່ນສະຖານທີ່ປະຊຸມ, ບ່ອນພັກເຊົາ ແລະ ຈຸດອື່ນໆ, ອານຸກໍາມະການ ງົບປະມານ ແລະ ບໍລິຫານ ມີໜ້າທີ່ ຂຶ້ນແຜນງົບປະມານໃນການໃຊ້ຈ່າຍທຸກວຽກງານຂອງກອງປະຊຸມ, ປຸກລະດົມທຶນຮອນ ຈາກພາກສ່ວນຕ່າງໆໃນທົ່ວແຂວງເພື່ອປະກອບສ່ວນເຂົ້າໃນກອງປະຊຸມ, ຈາກນັ້ນໃນກອງປະຊຸມກໍ່ໄດ້ປືກສາຫາລື ແລະ ປະກອບຄໍາຄິດ-ຄໍາເຫັນຢ່າງກົງໄປ-ກົງ ເພື່ອເຮັດໃຫ້ການກະກຽມດໍາເນີນກອງປະຊຸມໃຫຍ່ ຄັ້ງທີ VII ຂອງອົງຄະນະພັກແຂວງ ໄຊຍະບູລີ ໃຫ້ໄດ້ຮັບການຈັດຕັ້ງປະຕິບັດ ແລະ ຮັບຜົນສໍາເລັດອັນຈົບງາມ.

ນັກຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 2212 6933  

ແຜນທີ ແຂວງໄຊຍະບູລີ