ຈໍານວນຜູ້ເຂົ້າຊົມເວັບໄຊ

125722
ມື້ນີ້ມື້ນີ້120
ມື້ວານນີ້ມື້ວານນີ້314
ອາທິດນີ້ອາທິດນີ້1246
ເດືອນນີ້ເດືອນນີ້5857
ລວມທັງໝົດລວມທັງໝົດ125722

ມີ 11  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນຕອນເຊົ້າຂອງວັນທີ 11 ຕຸລາ ປີນີ້ ທີ່ຫ້ອງວ່າການແຂວງ ໄຊຍະບູລີ ໄດ້ຈັດກອງປະຊຸມປຶກສາຫາລື ກ່ຽວກັບວຽກງານຄຸ້ມຄອງການນໍາໃຊ້ເສັ້ນທາງ ແລະ ການຂໍອານຸມັດປຸກສ້າງອາຄານ ໃນເຂດພື້ນທີ່ສໍາປະທານຂອງໂຄງການ ໄຟຟ້າຫົງສາ ຈໍາກັດ, ເຂົ້າຮ່ວມເປັນກຽດມີ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ, ມີຫົວໜ້າຫ້ອງວ່າການແຂວງ, ພະແນກ ໂຍທາແຂວງ, ປກສ ແຂວງ, ມີຕາງໜ້າ ບໍລິສັດໄຟຟ້າຫົງສາ ຈໍາກັດ, ມີຕາງໜ້າຈາກກເມືອງ ຫົງສາ ແລະ ເມືອງ ເງິນ ເຂົ້າຮ່ວມ ຢ່າງພ້ອມພຽງ.

ໃນກອງປະຊຸມແມ່ນໄດ້ປຶກສາຫາລືກັນເປັນຕົ້ນແມ່ນ: ການຄຸ້ມຄອງ ແລະ ນໍາໃຊ້ເສັ້ນທາງ ( ທາງເວັ້ນເມືອງ ເງິນ 800 ແມັດ ) ຈາກທາງຫຼວງແຫ່ງຊາດ 4A ຫາໂຮງໂມ້ຫີນປູນຂອງ ບໍລິສັດໄຟຟ້າຫົງສາຈໍາກັດ, ການຄວບຄຸມນໍ້າໜັກເຊັ່ນ: ລົດ 10 ລໍ້ ນໍ້າໜັກບັນທຸກບໍ່ເກີນ 25 ໂຕນ, ລົດ 12 ລໍ້ ນໍ້າໜັກບັນທຸກບໍ່ເກີນ 30 ໂຕນ, ລົດ 14 ລໍ້ ນໍ້າໜັກບັນທຸກບໍ່ເກີນ 35 ໂຕນ, ລົດ 18 ລໍ້ ນໍ້າໜັກບັນທຸກບໍ່ເກີນ 45 ໂຕນ ແລະ ລົດ 22 ລໍ້ ນໍ້າໜັກບັນທຸກບໍ່ເກີນ 50,5 ໂຕນ,

ການຈໍາກັດຄວາມໄວຂອງລົດບັນທຸກ, ການປະຕິບັດກົດລະບຽດ້ານຄວາມປອດໄພ, ງົບປະມານໃນການສ້ອມແປງທາງທີ່ເປ່ເພ, ປຶກສາຫາລືກ່ຽວກັບການຂໍອານຸຍາດປຸກສ້າງ ອາຄານ ຢູ່ໃນເຂດພື້ນທີ່ສໍາປະທານຂອງໂຄງການ ໄຟຟ້າຫົງສາຈໍາກັດ ເພື່ອຈະກໍານົດຂະໜາດ, ສະຖານທີ່ ແລະ ໄລຍະເວລາທີ່ຈະຈັດຕັ້ງປະຕິບັດໃນການກໍ່ສ້າງ, ທັງນີ້ກໍ່ເພື່ອເປັນການປະຕິບັດຕາມລະບຽບ ແລະ ກົດໝາຍທີ່ກໍານົດໄວ້, ເພື່ອຫຼຸດຜ່ອນຄວາມສ່ຽງຂອງການເກີດອຸບັດຕິເຫດທີ່ອາດຈະເກີດຂຶ້ນ ລວມທັງປົກປັກຮັກສາເສັ້ນທາງໃຫ້ສາມາດສັນຈອນໄປ-ມາໄດ້ສະດວກ, ໂອກາດດັ່ງກ່າວ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ກໍ່ໄດ້ຮຽກຮ້ອງໃຫ້ພາກສ່ວນທີ່ກ່ຽວຂ້ອງທັງພາກລັດ ແລະ ບັນດາບໍລິສັດທີ່ດໍາເນີນທຸລະກິດຢູ່ ສອງເມືອງ ເປັນຕົ້ນແມ່ນ: ບໍລິສັດໄຟຟ້າຫົງສາຈໍາກັດ ແລະ ບັນດາໂຮງງານຂີ້ເທົ່າລອຍຂອງນັກທຸລະກິດຈາກ ສປປຈີນ ຈົ່ງຮ່ວມກັນເປັນເຈົ້າການໃນການປົກປັກຮັກສາ ແລະ ບູລະນະສ້ອມແປງທາງທີ່ໃຊ້ຂົນຫີນປູນປ້ອນໂຮງງານໄຟຟ້າ ແລະ ຂົນສົ່ງຂີ້ເທົ່າລອຍອອກໄປຕ່າງແຂວງ ໂດຍຜ່ານເສັ້ນທາງດັ່ງກ່າວ, ເອົາໃຈໃສ່ເລື່ງຄວາມປອດໄພ, ໃສ່ປ້າຍເຕືອນຕ່າງໆຕາມເສັ້ນທາງທີ່ມີຄວາມສ່ຽງ, ຕ້ອງໄດ້ກໍານົດຄວາມໄວ ແລະ ຄຸ້ມຄອງນໍ້າໜັກຂອງລົດບັນທຸກໃຫ້ເຂັ້ມງວດ, ຮ່ວມກັນເຮັດບົດບັນທືກການຄຸ້ຄອງ, ນໍາໃຊ້ ແລະ ການແບ່ງໄລຍະຂອງເສັ້ນທາງເພື່ອສ້ອມແປງເວລາເປ່ເພ, ພ້ອມດຽວກັນ ທ່ານ ເຈົ້າແຂວງ ຍັງໄດ້ເນັ້ນໜັກໃຫ້ເຈົ້າໜ້າທີ່ຕໍາຫຼວດ ແລະ ພະນັກງານວິຊາການຈາກໂຍທາ ຈົ່ງເຂັ້ມງວດໃນການຊັ່ງນໍ້າໜັກຂອງລົດບັນທຸກທີ່ອອກຈາກໂຮງງານທີ່ຈະແລ່ນຜ່ານເສັ້ນທາງດັ່ງກ່າວໃຫ້ເຄັ່ງຄັດຢ່າງແທ້ຈິງ, ຂ່າວຍັງໃຫ້ຮູ້ຕື່ມອີກວ່າໃນຕອນເຊົ້າຂອງວັນດຽວກັນ ທ່ານ ເຈົ້າແຂວງ ໄຊຍະບູລີ ຍັງໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ເພັດສະໝອນ ພັນທະວົງ ຮອງລັດຖະມົນຕີ, ຮອງຫົວໜ້າຫ້ອງວ່າການ ປະທານປະເທດ ແຫ່ງ ສປປ ລາວ ພ້ອມດ້ວຍຄະນະ, ທັງສອງທ່ານແມ່ນໄດ້ປຶກສາຫາລືກ່ຽວກັບການກໍານົດ ພະນັກງານນໍາພາ ສືບທອດປ່ຽນແທນ ຜູ້ທີ່ມີຄວາມຮູ້, ຄວາມສາມາດ ແລະ ປະສົບການ ເພື່ອຈະບັນຈຸເຂົ້າໃນຕໍາແໜ່ງງານຕ່າງໆຂອງແຂວງ ເປັນຕົ້ນແມ່ນ ຫົວໜ້າ-ຮອງຫົວໜ້າພະແນກການທີ່ເຫັນວ່າມີຄວາມຈໍາເປັນ ແລະ ຂາດພະນັກງານນໍາພາ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 2212 6933  

ແຜນທີ ແຂວງໄຊຍະບູລີ