ຈໍານວນຜູ້ເຂົ້າຊົມເວັບໄຊ

135624
ມື້ນີ້ມື້ນີ້360
ມື້ວານນີ້ມື້ວານນີ້439
ອາທິດນີ້ອາທິດນີ້2645
ເດືອນນີ້ເດືອນນີ້6026
ລວມທັງໝົດລວມທັງໝົດ135624

ມີ 15  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ກອງປະຊຸມຄົບຄະນະບໍລິຫານງານພັກ ແຂວງ ໄຊຍະບູລີ ເປີດກວ້າງ ຄັ້ງທີ 11 ສະໄໝທີ VI ໄດ້ໄຂຂຶ້ນໃນວັນທີ 15 ຕຸລາ 2018 ທີ່ສະໂມສອນຫ້ອງວ່າການແຂວງ ໄຊຍະບູລີ, ໂດຍການເປັນປະທານຂອງ ສະຫາຍ ພົງສະຫວັນ ສິດທະວົງ, ກໍາມະການສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ, ເປັນກຽດເຂົ້າຮ່ວມ ມີສະຫາຍ ວັນໄຊ ຊົງຊາຢູ, ຮອງປະທານຄະນະກວດກາສູນກາງພັກ ແລະ ອົງການກວດສອບລັດຖະບານ, ມີບັນດາຄະນະປະຈໍາພັກແຂວງ, ກໍາມະການພັກແຂວງ, ເລຂາພັກເມືອງ, ເຈົ້າເມືອງ 11 ເມືອງ, ເລຂາຄະນະພັກຮາກຖານ, ເລຂາໜ່ວຍພັກບັນດາພະແນກການ, ກົມກອງ, ອົງການ, ລັດວິສາຫະກິດ, ກອງກວດກາພາສີເຂດ II ແລະ ຫົວໜ້າດ່ານສາກົນ ເຂົ້າຮ່ວມ 100 ກວ່າສະຫາຍ.

 

ສະຫາຍ ພົງສະຫວັນ ສິດທະວົງ ກ່າວໃນໂອກາດເປີດກອງປະຊຸມຄັ້ງນີ້ວ່າ: ກອງປະຊຸມຄັ້ງນີ້ຈະໄດ້ດໍາເນີນໄປເປັນເວລາ 4 ວັນ, ເຊິ່ງຈະໄດ້ ຮັບຝັງການລາຍງານ ແລະ ປະກອບຄໍາຄິດ-ຄໍາເຫັນເປັນຕົ້ນແມ່ນ:  ບົດຕີລາຄາການຈັດຕັ້ງ ປະຕິບັດ ມະຕິ ຄົບຄະນະບໍລິຫານງານພັກແຂວງ ຄັ້ງທີ 10 ສະໄໝທີ VI.  ບົດຕີລາຄາ ການຊີ້ນໍາ-ນຳພາ ການຈັດຕັ້ງປະຕິບັດ ວຽກງານປົກປ້ອງກົດໝາຍ ແລະ ການດຳເນີນຄະດີ ຕາມຂະບວນການຍຸຕິທຳ;  ບົດຕີລາຄາວຽກງານການກໍ່ສ້າງພັກ-ພະນັກງານໄລ ຍະ 3 ປີຜ່ານມາ ແລະ ທິດທາງແຜນການຮອດປີ 2020;  ຜ່ານບົດສຳຫຼວດຕົນເອງ ຂອງສະຫາຍ ເລຂາພັກແຂວງ ໃນການປະຕິບັດໜ້າທີ່ການເມືອງ ໃນໄລຍະ 1 ປີຜ່ານມາ, ສະຫາຍເລຂາພັກແຂວງຍັງໄດ້ກ່າວຕື່ມອີກວ່າ: ໃນ 3 ເດືອນຜ່ານມາ ເປັນໄລຍະເວລາທີ່ ພັກ-ລັດຖະບານ ສຸມໃສ່ຊີ້ນໍາຜັນ ຂະຫຍາຍ ມະຕິຄົບຄະນະບໍລິຫານງານສູນກາງພັກ ຄັ້ງທີ 6 ສະໄໝທີ X ແລະ ສຸມໃສ່ ແກ້ໄຂບັນຫາຫຍຸ້ງຍາກ ດ້ານເສດຖະກິດ ຕາມຄໍາສັ່ງເລກທີ 12/ນຍ ແລະ ເປັນຊ່ວງເວລາ ທີ່ທົ່ວປະເທດ ໄດ້ຮັບຜົນກະທົບ ຈາກໄພພິບັດທໍາມະຊາດ ຢ່າງຮ້າຍແຮງ, ໜັກໜ່ວງ ອັນໄດ້ສົ່ງຜົນເສຍຫາຍຕໍ່ຊີວິດຊັບສິນ ຂອງປະຊາຊົນຈໍານວນຫຼວງຫຼາຍ, ເຊິ່ງບໍ່ເຄີຍມີ ມາກ່ອນ, ໄຮ່, ນາຕາກ້າ, ຮົ້ວສວນ ດິນທໍາການ ຜະລິດ ຫຼາຍພັນເຮັກຕາຖືກທໍາລາຍ, ສໍາລັບແຂວງ ໄຊຍະບູລີ ຜົນກະທົບທີ່ໄດ້ ຮັບຫຼາຍແມ່ນ ສະພາບເສັ້ນທາງຄົມມະນາຄົມ ເປ່ເພ ເສຍຫາຍ 800 ກວ່າ ກິໂລແມັດ ຍ້ອນ ດິນເຈື່ອນຖົມ, ທາງຂາດຢູ່ຫຼາຍຈຸດ, ອີກກໍລະນີໜຶ່ງ ທີ່ສົ່ງຜົນສະທ້ອນຮ້າຍແຮງແມ່ນການ ລະບາດຂອງໜູຂີ ແລະ ເພ້ຍຈັກຈັ່ນທໍາລາຍເຂົ້າໄຮ່, ເຂົ້ານາ ແລະ ຜົນລະປູກອື່ນໆ, ພ້ອມດຽວກັນ ສະຫາຍເລຂາພັກແຂວງຍັງໄດ້ຮຽກຮ້ອງໃຫ້ບັນດາສະຫາຍທີ່ເຂົ້າຮ່ວມກອງປະຊຸມຄັ້ງນີ້ຈົ່ງພ້ອມກັນເສີມຂະຫຍາຍ ຄວາມຮັບຜິດຊອບ, ສຸມສະຕິປັນຍາ ເຂົ້າໃນການຄົ້ນຄວ້າປະກອບ ຄໍາຄິດ-ຄໍາເຫັນ ໃສ່ເນື້ອໃນຕ່າງໆ, ປຶກສາຫາລື ແລະ ແລກປ່ຽນຄວາມເຫັນ ຢ່າງກົງໄປ-ກົງມາ ຖືກກັບຄວາມເປັນຈີງ, ຊອກໃຫ້ເຫັນດ້ານດີ, ຈຸດອ່ອນ ແລະ ສາເຫດຕົ້ນຕໍ, ເພື່ອຄວາມ ເປັນເອກະພາບ ໃນດ້ານທັດສະນະແນວຄິດ ແລະ ສ້າງຄວາມຕັດສິນໃຈ, ເພີ່ມຄວາມຮັບ ຜິດຊອບ ໃນການເຮັດວຽກ ຕົວຈິງ, ເຮັດໃຫ້ຂະບວນການດ້ານຕ່າງໆ ມີການຫັນ ປ່ຽນທີ່ຕັ້ງໜ້າ ແລະ ບັນລຸຄາດໝາຍມະຕິກອງ ປະຊຸມໃຫຍ່ຄັ້ງທີ VI ຂອງອົງຄະນະພັກ ແຂວງວາງອອກໃຫ້ປະກົດຜົນເປັນຈິງ.

ແຫຼ່ງຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ