ຈໍານວນຜູ້ເຂົ້າຊົມເວັບໄຊ

147292
ມື້ນີ້ມື້ນີ້184
ມື້ວານນີ້ມື້ວານນີ້199
ອາທິດນີ້ອາທິດນີ້1496
ເດືອນນີ້ເດືອນນີ້6033
ລວມທັງໝົດລວມທັງໝົດ147292

ມີ 22  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ກອງປະຊຸມພົບປະລະຫວ່າງຜູ້ແທນ ແຂວງ ເຊີນລາ ແລະ ຄະນະຜູ້ແທນ ແຂວງ ໄຊຍະບູລີ ໄດ້ຈັດຂຶ້ນໃນຕອນເຊົ້າຂອງວັນທີ 12 ມີນາ ປີນີ້ ທີ່ຫ້ອງປະຊຸມ ຫ້ອງວ່າການ ແຂວງ ເຊິນລາ ສສ ຫວຽດນາມ, ຄະນະຜູ້ແທນແຂວງ ໄຊຍະບູລີ ນໍາໂດຍ ທ່ານ ພົງສະຫວັນ ສິດທະວົງ ກໍາມະການສູນກາງພັກ, ເລຂາພັກແຂວງ, ເຈົ້າແຂວງ, ຟ່າຍແຂວງ ເຊິນລາ ນໍາໂດຍ ທ່ານ, ຮວາງ ວັນ ເຈີດ ເລຂາພັກແຂວງ, ປະທານສະພາ ປະຊາຊົນແຂວງເຊີນລາ ພ້ອມດ້ວຍຄະນະຂອງທັງສອງແຂວງເຂົ້າຮ່ວມຢ່າງພ້ອມພຽງ.

ໃນວາລະດໍາເນີກອງປະຊຸມ ການນໍາຂອງທັງສອງແຂວງແມ່ນໄດ້ລາຍງານສະພາບການຂະຫຍາຍຕົວຂອງເສດຖະກິດ-ສັງຄົມ, ໂດຍແຂວງ ເຊີນລາ ລະດັບການເຕີບໂຕດ້ານລວມຍອດຜະລິດຕະພັນບັນລຸ 8,59%, ລາຍຮັບງົບປະມານພາຍໃນແຂວງບັນລຸ 5.030 ຕື້ດົງ, ລາຍຮັບສະເລ່ຍຕໍ່ຫົວຄົນ ບັນລຸ 38 ລ້ານດົງຕໍ່ຄົນຕໍ່ປີ, ສໍາລັບແຂວງ ໄຊຍະບູລີ ແມ່ນອີງໃສ່ 3 ທ່າແຮງຕົ້ນຕໍໃນການພັດທະນາເປັນຕົ້ນແມ່ນ: ດ້ານກະສິກໍາ ແລະ ປ່າໄມ້ຕິດພັນກັບການປຸງແຕ່ງ, ດ້ານອຸດສາຫະກໍາໄຟຟ້າ ແລະ ດ້ານການບໍລິການດ້ານການຄ້າ ແລະ ການທ່ອງທ່ຽວ, ເສດຖະກິດຂອງແຂວງສືບຕໍ່ຂະຫຍາຍຕົວ ລະດັບ 8,7% ລວມຍອດຜະລິດຕະພັນພາຍໃນບັນລຸໄດ້ 9,555 ຕື້ກີບ, ສະເລ່ຍໃສ່ຫົວຄົນໜຶ່ງເທົ່າກັບ 2,510 ໂດລາສະຫະລັດ,

ລາຍຮັບຂອງແຂວງ ລວມທັງພູດສູນກາງປະຕິບັດໄດ້ 863,30 ຕື້ກີບ, ໂອກາດດັ່ງກ່າວ ທ່ານ ພົງສະຫວັນ ສິດທະວົງ ກໍ່ໄດ້ກ່າວຂອບໃຈຕໍ່ການນໍາຂອງແຂວງ ເຊີນລາທີ່ໄດ້ໃຫ້ການຊ່ວຍເຫຼືອແຂວງ ໄຊຍະບູລີ ເປັນຕົ້ນແມ່ນຊ່ວຍສ້າງອາຄານການຮຽນ-ການສອນ ແລະ ສ້າງຊັບພະຍາກອນມະນຸດ, ການພົບປະຄັ້ງນີ້, ສອງຝ່າຍໄດ້ ພ້ອມກັນຕີລາຄາສະພາບການພົວພັນຮ່ວມມື ໃນສົກປີ 2016-2018 ຜ່ານມາ ແລະ ກໍານົດແຜນການຮ່ວມມື ສົກປີ 2019-2021 ແລະ ເປັນເອກະພາບກັນເຊັ່ນ: ຮ່ວມມືກັນດ້ານຂົງເຂດການເມືອງ, ກະສິກໍາ ແລະ ປ່າໄມ້, ການຄ້າ ແລະ ການລົງທຶນ, ການສົມທົບທືນເພື່ອການກໍ່ສ້າງພື້ຖານໂຄງລ່າງ, ຂົງເຂດການສືກສາ ແລະ ຊັບພະຍາກອນມະນຸດ, ວຽກງານປ້ອງກັນຊາດ-ປ້ອງກັນຄວາມສະຫງົບ, ໂດຍໄດ້ມອບໃຫ້ພະແນກການທີ່ກ່ຽວຂ້ອງຂອງທັງສອງແຂວງຮ່ວມກັນຈັດຕັ້ງປະຕິບັດໃຫ້ໄດ້ຮັບໝາກຜົນເປັນກ້າວໆ, ຈາກນັ້ນກໍ່ໄດ້ມີການລົງນາມຢ່າງເປັນທາງການ, ຟ່າຍ ແຂວງ ໄຊຍະບູລີ ໂດຍແມ່ນ ທ່ານ ພົງສະຫວັນ ສິດທະວົງ ກໍາມະການສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ, ຟ່າຍແຂວງ ເຊີນລາ ແມ່ນ ທ່ານ ນາງ ເຍີຍທິເຟືອງ ກໍາມະການພັກແຂວງ, ຮອງປະທານສະພາປະຊາຊົນແຂວງ ເຊີນລາ, ໂດຍມີບັນດາຜູ້ແທນກອງປະຊຸມຂອງສອງແຂວງເຂົ້າຮ່ວມເປັນສັກຂີພິຍານ, ໂອກາດດັ່ງກ່າວທັງສອງແຂວງ ຍັງໄດ້ແລກປ່ຽນຂອງທີ່ລະນຶກ ແລະ ຖ່າຍຮູບຮ່ວມກັນຕື່ມອີກ.

ນັກຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 2212 6933  

ແຜນທີ ແຂວງໄຊຍະບູລີ