ຈໍານວນຜູ້ເຂົ້າຊົມເວັບໄຊ

147298
ມື້ນີ້ມື້ນີ້190
ມື້ວານນີ້ມື້ວານນີ້199
ອາທິດນີ້ອາທິດນີ້1502
ເດືອນນີ້ເດືອນນີ້6039
ລວມທັງໝົດລວມທັງໝົດ147298

ມີ 21  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນຕອນບ່າຍຂອງວັນທີ 15 ມີນາ 2019 ນີ້, ຫໍການຄ້າ ແຫ່ງຣາຊະອານາຈັກໄທ ນໍາໂດຍ ທ່ານ ກະລິນ ສາຣະສິນ, ປະທານກໍາມະການຫໍການຄ້າໄທ ພ້ອມດ້ວຍຄະນະ ໄດ້ຢ້ຽມຢາມ ແລະ ເຮັດວຽກຢູ່ແຂວງ ໄຊຍະບູລີ, ໂດຍມີຈຸດປະສົງ ເພື່ອຫັດແໜ້ນສາຍພົວພັນມິດຕະພາບ ແລະ ການຮ່ວມມືທັງພາກລັດ ແລະ ເອກະຊົນ ລະຫວ່າງສອງປະເທດ ໄທ-ລາວ, ລາວ-ໄທ, ເວົ້າລວມ, ເວົ້າສະເພາະແມ່ນຢູ່ແຂວງ ໄຊຍະບູລີ ເປັນຕົ້ນແມ່ນ: ດ້ານການຄ້າ, ການລົງທຶນ ແລະ ການທ່ອງທ່ຽວ, ເພື່ອສືກສາຄວາມເປັນໄປໄດ້ທາງດ້ານການຄ້າ ແລະ ການລົງທຶນ ຢູ່ແຂວງດັ່ງກ່າວ ແລະ ເພື່ອເປັນການແລກປ່ຽນ ວັດທະນະທໍາອັນດີງາມ ຂອງສອງປະເທດ, ໃຫ້ການຕ້ອນຮັບໂດຍ ທ່ານ ຍັນຍົງ ສີປະເສີດ ຮອງເຈົ້າແຂວງ ໄຊຍະບູລີ ພ້ອມດ້ວຍຄະນະ, ພ້ອມທັງໄດ້ລາຍງານສະພາບການຮ່ວມມືລະຫວ່າງແຂວງ ໄຊຍະບູລີ ແລະ ບັນດາແຂວງຂອງໄທ ທີ່ມີຊາຍແດນຕິດກັບແຂວງ ໄຊຍະບູລີ ແລະ ໄດ້ລາຍງານສະພາບຈຸດພິເສດ, ການພັດທະນາ, ການຄ້າ ແລະ ການທ່ອງທ່ຽວຂອງແຂວງ ບາງຕອນ ທ່ານໄດ້ກ່າວວ່າ: ດ້ານພື້ນຖານໂຄງລ່າງ ໂດຍສະເພາະແມ່ນເສັ້ນທາງຄົມມະນາຄົມ ແມ່ນໄດ້ຮັບການພັດທະນາ ແລະ ຍົກລະດັບຂຶ້ນເລື້ອຍໆ,

ເປັນຈຸດເຊື່ອມຕໍ່ ແລະ ເປັນບໍລິການທາງຜ່ານເສັ້ນທາງທ່ອງທ່ຽວ ກັບບັນດາແຂວງພາກເໜືອ, ເຂົ້າສູ່ເມືອງມໍລະດົກໂລກ ແລະ ເຂົ້າສູ່ເຂດໃຈກາງຂອງປະເທດ, ອອກສູ່ດ່ານບໍ່ເຕັນ-ບໍ່ຫານ ສປ ຈີນ ແລະ ດ່ານປາງຫົກ-ໄຕຈ່າງ ສສ ຫວຽດນາມ,ໃນໄລຍະຜ່ານມາ, ລາວ-ໄທມີສາຍພົວພັນແບບບ້ານໃກ້ເຮືອນຄຽງ ທີ່ດີຕໍ່ກັນນັບແຕ່ລະດັບປະເທດຈົນເຖິງລະດັບທ້ອງຖິ່ນ ເຊັ່ນ: ກອງປະຊຸມຄະນະກຳມະການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນ ລາວ-ໄທ, ແຂວງໄຊຍະບູລີ-ຈັງຫວັດພະເຍົາ, ແຂວງໄຊຍະບູລີ-ຈັງ ຫວັດ, ແຂວງໄຊຍະບູລີ-ຈັງຫວັດເລີຍ ແລະ ແຂວງໄຊຍະບູລີ-ຈັງຫວັດອຸດຕະດິດ; ພ້ອມດຽວກັນນັ້ນ, ແຂວງຍັງໄດ້ສ້າງເງື່ອນໄຂໃຫ້ຂະແໜງການ ແລະທ້ອງຖິ່ນມີການພົບປະແລກ ປ່ຽນດ້ານການຄ້າ (ການຄ້າຊາຍແດນ), ກິລາ, ສິລະປະວັດທະນະທຳ, ການຝຶກອົບຮົມດ້ານວິຊາການສາທາລະນະສຸກ ແລະວິຊາການໃນຂະແໜງຕ່າງໆ ຕາມຂອບການຮ່ວມມື ASEAN, ACMECS, GMS ແລະ ສົນທິສັນຍາທະວິພາຄີ, ເຮັດໃຫ້ການຄ້າຊາຍແດນ ໄດ້ຮັບການປັບປຸງດີຂຶ້ນເປັນກ້າວໆ, ຈາກນັ້ນທັງສອງຝ່າຍກໍ່ໄດ້ປຶກສາຫາລື ແລະ ແລກປ່ຽນບົດຮຽນເຊິ່ງກັນ ແລະ ກັນ ກ່ຽວກັບ ການຄ້າ, ການທ່ອງທ່ຽວ ແລະ ວັດທະນະທໍາ-ຮີດຄອງປະເພນີຂອງທັງສອງປະເທດ.

ນັກຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 2212 6933  

ແຜນທີ ແຂວງໄຊຍະບູລີ