ຈໍານວນຜູ້ເຂົ້າຊົມເວັບໄຊ

147285
ມື້ນີ້ມື້ນີ້177
ມື້ວານນີ້ມື້ວານນີ້199
ອາທິດນີ້ອາທິດນີ້1489
ເດືອນນີ້ເດືອນນີ້6026
ລວມທັງໝົດລວມທັງໝົດ147285

ມີ 20  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ເນື່ອງໃນໂອກາດທີ່ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ພ້ອມດ້ວຍຄະນະ ໄດ້ເຄື່ອນໄຫວ ຢ້ຽມຢາມ ແລະ ເຮັດວຽກ ຢູ່ເມືອງ ທົ່ງມີໄຊ, ໃນວັນທີ 24 ມີນາ 2019 ນີ້, ທ່ານ ເຈົ້າແຂວງໄດ້ຢ້ຽມຢາມ ແລະ ໂອ້ລົມຕໍ່ພະນັກງານນັກຮົບ ກອງພັນ 411 ທີ່ຂຶ້ນກັບກອງບັນຊາການທະຫານ ແຂວງ ໄຊຍະບູລີ, ກ່ອນອື່ນທີມງານຂອງທ່ານ ເຈົ້າແຂວງແມ່ນໄດ້ຮັບຟັງການລາຍງານ-ການຈັດຕັ້ງປະຕິບັດວຽກງານວິຊາສະເພາະຂອງກອງພັນດັ່ງກ່າວໂດຍຫຍໍ້ຈາກ ທ່ານ ພັນໂທ ວິໄລວັນ ພິລາຈັນ ຫົວໜ້າການທະຫານ ກອງພັນ 411, ເຊິ່ງທ່ານໄດ້ຍົກໃຫ້ເຫັນສະພາບການເຄື່ອນໄຫວຂອງກຸ່ມຄົນບໍ່ດີທີ່ຢູ່ລຽບຊາຍແດນ ລາວ-ໄທ, ຍົກໃຫ້ເຫັນການຕ້ານ ແລະ ສະກັດກັ້ນປະກົດການຫຍໍ້ທໍ້ຕ່າງໆໃນສັງຄົມ ໂດຍສະເພາະແມ່ນບັນຫາຢາເສບຕິດ, ຊາວໜຸ່ມອາລະວາດຕີກັນ, ຂີ້ລັກງັກແງະ ແລະ ອື່ນໆ ທີ່ເກີດຂຶ້ນໃນໝູ່ບ້ານທີ່ຢູ່ລຽບຊາຍແດນ, ຈາກນັ້ນທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ກໍ່ໄດ້ໃຫ້ກຽດໂອ້ລົມຕໍ່ພະນັກງານນັກຮົບພາຍໃນກອງພັນ, ເຊິ່ງທ່ານໄດ້ເນັ້ນໜັກ 4 ບັນຫາສໍາຄັນເປັນຕົ້ນແມ່ນບັນຫາການຮັກສາຄວາມເປັນລະບຽຮຽບຮ້ອຍຂອງປະຊາຊົນທີ່ຢູ່ລຽບຊາຍແດນ, ເອົາໃຈໃສ່ໃນການແກ້ໄຂບັນຫາປະກົດການຫຍໍ້ທໍ້ທີ່ມັກເກີດຂຶ້ນໃຫ້ໝົດໄປໃນສັງຄົມ, ຊ່ວຍປະຊາຊົນໃນການຕ້ານ

ແລະ ສະກັດກັ້ນໄພພິບັດທີ່ອາດຈະເກີດຂຶ້ນຕາມລະດູການ, ເອົາໃຈໃສ່ໃນການປັບປຸງກໍາລັງ ດ້ວຍການໝັ່ນຝືກແອບກົນລະຢຸດ-ຍຸດທະວິທີ, ເອົາໃຈໃສ່ປະຕິບັດກົດລະບຽບຂອງກົມກອງໃຫ້ເຂັ້ມງວດ-ໜັກແໜ້ນ ແລະ ເອົາໃຈໃສ່ໃນການສ້າງພະລາທິກາານກັບທີ່ ດ້ວຍການປູກ-ການລ້ຽງ, ເປັນຕົ້ນແມ່ນການປູກພືດສະບຽງອາຫານ, ພືດອຸດສາຫະກໍາ ເພື່ອເປັນສິນຄ້າ ພ້ອມທັງປູກຫຍ້າຕິດພັນກັບການລ້ຽງສັດໃຫຍ່, ໂອກາດດັ່ງກ່າວ ທ່ານເຈົ້າແຂວງ ກໍ່ໄດ້ມອບລົດສີ້ງ ມູນຄ່າ 30 ລ້ານກີບ ແລະ ຕາງໜ້າ ບໍລິສັດ MPG ໄມນິງຈໍາກັດ ມອບເງິນສົດຈໍານວນ 5 ລ້ານກີບ ໃຫ້ກອງຮ້ອຍຊາຍແດນ 156 ເພື່ອປະກອບສ່ວນເຂົ້າໃນການປະຕິບັດໜ້າທີ່ວຽກງານວິຊາສະເພາະຢູ່ຊາຍແດນ, ເຂົ້າຮ່ວມໃນການຮັບຟັງການໂອ້ລົມຂອງທ່ານເຈົ້າແຂວງຄັ້ງນີ້ມີ ທ່ານ ອາລຸນສັກ ລິນທະວົງ, ຮອງເຈົ້າເມືອງ-ເມືອງ ທົ່ງມີໄຊ, ມີນາຍ ແລະ ພົນທະຫານພາຍໃນກອງພັນ 411 ແລະ ກອງຮ້ອຍຊາຍແດນ 156 ເຂົ້າຮ່ວມຢ່າງຫຼວງຫຼາຍ ແລະ ໃນວັນດຽວກັນທີມງານຂອງທ່ນເຈົ້າແຂວງກໍ່ໄດ້ຢ້ຽມຢາມການກໍ່ສ້າງໂຮງງານຂຸດຄົ້ນບໍ່ຄໍາຂອງບໍລິສັດ MPG ໄມນິງຈໍາກັດ, ໂຮງງານດັ່ງກ່າວຕັ້ງຢູ່ບ້ານ ປາງຄໍາ, ເມືອງ ປາກລາຍ, ປະຈຸບັນການກໍ່ສ້າງແມ່ນສໍາເລັດແລ້ວ 80%, ຄາດວ່າເມື່ອສ້າງສໍາເຮັດຈະສາມາດຂຸດຄົ້ນແຮ່ຄໍາປ້ອນໂຮງງານເພື່ອແຍກເອົາຄໍາສົດໄດ້ປະມານ 1 ໂຕນຕໍ່ປີ.

ນັກຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ