ຈໍານວນຜູ້ເຂົ້າຊົມເວັບໄຊ

147289
ມື້ນີ້ມື້ນີ້181
ມື້ວານນີ້ມື້ວານນີ້199
ອາທິດນີ້ອາທິດນີ້1493
ເດືອນນີ້ເດືອນນີ້6030
ລວມທັງໝົດລວມທັງໝົດ147289

ມີ 21  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ກອງປະຊຸມຄົບຄະນະບໍລິຫານງານພັກ ແຂວງ ໄຊຍະບູລີ ຄັ້ງທີ 13 ສະໄໝທີ VI ໄດ້ໄຂຂຶ້ນໃນຕອນເຊົ້າຂອງວັນທີ 10 ມິຖຸນາ 2019 ທີ່ສະໂມສອນຫ້ອງວ່າການແຂວງ ໄຊຍະບູລີ, ໂດຍການເປັນປະທານຂອງ ສະຫາຍ ພົງສະຫວັນ ສິດທະວົງ, ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງ ໄຊຍະບູລີ, ມີ ບັນດາສະຫາຍ ກໍາມະການປະຈໍາພັກແຂວງ, ກໍາມະການພັກແຂວງ, ເລຂາພັກເມືອງ, ເຈົ້າເມືອງ 11 ເມືອງ, ເລຂາຄະນະພັກຮາກຖານ, ເລຂາໜ່ວຍພັກບັນດາພະແນກການ, ກົມກອງ, ອົງການ, ລັດວິສາຫະກິດ ອ້ອມຂ້າງແຂວງເຂົ້າຮ່ວມ 100 ກວ່າສະຫາຍ.

ໃນກອງປະຊຸມ ສະຫາຍ ພົງສະຫວັນ ສິດທະວົງ ໄດ້ກ່າວໃນໂອກາດເປີດກອງປະຊຸມຄັ້ງນີ້ວ່າ: ກອງປະຊຸມດັ່ງກ່າວແມ່ນຈະໄດ້ດໍາເນີນໄປເປັນເວລາ 4 ວັນ, ເຊິ່ງຈະໄດ້ ຮັບຝັງ ແລະ ປະກອບຄໍາຄິດ-ຄໍາເຫັນ ຕໍ່ບົດລາຍງານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງ 3 ເດືອນຕົ້ນປີ ການແກ້ໄຂບັນຫາຫຼຸດຜ່ອນ, ຂອດຂັ້ນ ການສະເໜີລົງທຶນ, ວຽກງານຈັດຕັ້ງຜັນຂະຫຍາຍ ມະຕິ 7 ສະໄໝທີ X ຂອງສູນກາງພັກ, ບົດລາຍງານກ່ຽວກັບການຈັດຕັ້ງປະຕິບັດລາຍຮັບ, ລາຍຈ່າຍງົບປະມານ 3 ເດືອນຕົ້ນປີ, ແຜນຄາດຄະເນ ງວດ II ແລະ ທິດທາງ 6 ເດືອນທ້າຍປີ, ບົດລາຍງານ ກ່ຽວກັບການຊຸກຍູ້ສົ່ງເສີມວິສາຫະກິດຂະໜາດນ້ອຍ ແລະ ຂະໜາດກາງ ແລະ ການສ້າງຖານລາຍຮັບໃໝ່, ບົດລາຍງານ ກ່ຽວກັບການຈັດຕັ້ງປະຕິບັດຜົນການເກັບກູ້ຜະລິດລະດູແລ້ງ, ການກຽມໃຫ້ແກ່ການຜະລິດລະດູຝົນ ແລະ ແຜນການປູກປ່າ, ບົດລາຍງານ ກ່ຽວກັບການຈັດຕັ້ງປະຕິບັດໂຄງການ

ລົງທຶນຂອງລັດ-ເອກະຊົນ ຕິດພັນກັບການແກ້ໄຂບັນຫາໜີ້ສິນສາທາລະນະ, ບົດລາຍງານ ກ່ຽວກັບການຈັດສັນທີ່ດິນ, ການອອກໃບຕາດິນ ແລະ ການຄຸ້ມຄອງ, ແກ້ໄຂການເຊົ່າສຳປະທານທີ່ດິນຂອງລັດ, ບົດລາຍງານ ກ່ຽວກັບການຈັດຕັ້ງປະຕິບັດໂຄງການລົງທຶນຂອງລັດ ແລະ ການແກ້ໄຂໂຄງການທີ່ຊັກຊ້າ, ກາຍສັນຍາ, ບົດລາຍງານ ກ່ຽວກັບການຈັດຕັ້ງປະຕິບັດແກ້ໄຂການດຳເນີນຄະດີຕາມຂະບວນການຍຸຕິທຳ ໃນໄລຍະຜ່ານມາ ແລະ ທິດທາງຕໍ່ໜ້າ ແລະ ບົດລາຍງານ ກ່ຽວກັບຮ່າງບົດສະຫຼຸບຖອດຖອນບົດຮຽນບັ້ນດຳເນີນກອງປະຊຸມໃຫຍ່ໜ່ວຍພັກຮາກຖານບ້ານ ແລະ ສຳນັກງານ, ອົງການອ້ອມຂ້າງເມືອງ ທົ່ວແຂວງໄຊຍະບູລີ, ຕະຫຼອດສາມເດືອນຜ່ານມາສະພາບການພັດທະນາເສດຖະກິດ-ສັງຄົມທົ່ວແຂວງຍັງສືບຕໍ່ຂະຫຍາຍຕົວ, ມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍໃນທົ່ວສັງຄົມ, ສາມາດເກັບລາຍຮັບເຂົ້າງົບປະມານບັນລຸ 198,99 ຕື້ກີບ, ເທົ່າກັບ 20,69%, ຂອງແຜນການປີ, ດ້ານລາຍຈ່າຍປະຕິບັດໄດ້ 50,09 ຕື້ກີບ, ເທົ່າກັບ 9,14% ຂອງແຜນການປີ, ໄດ້ຮັບການດຸ່ນດ່ຽງຈາກສູນກາງປະຕິບັດໄດ້ 65,55 ຕື້ກີບ, ເທົ່າກັບ 22,22%, ຜົນຜະລິດເຂົ້ານາແຊງໄດ້ 10.539 ກວ່າໂຕນ, ໃນເນື້ອທີ່ 2.213 ກວ່າເຮັດຕາ, ທົ່ວແຂວງມີຟາມລ້ຽງສັດທັງໝົດ 99 ຟາມ, ໃນນີ້ຟາມ ງົວ-ຄວາຍ 49 ຟາມ, ຟາມໝູ 29 ຟາມ, ຟາມໄກ່ 21 ຟາມ, ສາມາດຜະລິດເປັນສິນຄ້າສົ່ງອອກພາຍໃນ ແລະ ຕ່າງປະເທດໄດ້ທັງໝົດ 16.262 ໂຕ, ສົ່ງອອກຜົນຜະລິດກະສິກໍາໄດ້ 43,136 ໂຕນ ແລະ ວຽກງານອື່ນໆກໍ່ໄດ້ມີການຂະຫຍາຍຕົວເຊັ່ນດຽວກັນ.

ນັກຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ