ຈໍານວນຜູ້ເຂົ້າຊົມເວັບໄຊ

147283
ມື້ນີ້ມື້ນີ້175
ມື້ວານນີ້ມື້ວານນີ້199
ອາທິດນີ້ອາທິດນີ້1487
ເດືອນນີ້ເດືອນນີ້6024
ລວມທັງໝົດລວມທັງໝົດ147283

ມີ 9  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ຕະຫຼອດໄລຍະຜ່ານມາ ຄະນະພັກ, ຄະນະພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງ ໄຊຍະບູລີ ແມ່ນມີຄວາມພະຍາຍາມນໍາພາຈັດຕັ້ງປະຕິບັດວຽກງານຄຸ້ມຄອງທີ່ດິນໃຫ້ເຂົ້າສູ່ລະບົບ ແລະ ສອດຄ່ອງກັບຄວາມເປັນຈິງ, ໂດຍຖືເອົາຄໍາຂວັນທີ່ວ່າ: ເຮັດໃຫ້ໄວ, ເຮັດໃຫ້ຫຼາຍ, ເຮັດໃຫ້ຖືກຕ້ອງຕາມລະບຽບກົດໝາຍ, ພ້ອມທັງກໍານົດເຂດ, ກໍານົດປະເພດທີ່ດິນ ແລະ ເປົ້າໝາຍການນໍາໃຊ້ທີ່ດິນໃຫ້ເໝາະສົມກັບເງື່ອນໄຂທ່າແຮງຂອງທ້ອງຖິ່ນ, ເພື່ອພັດທະນາທີ່ດິນໃຫ້ມີມູນຄ່າເພີ່ມ, ສ້າງລາຍຮັບທີ່ດິນໃຫ້ໄດ້ຫຼາຍ ໂດຍຫັນເປັນໂຄງການຈັດຕັ້ງປະຕິບັດຢ່າງເປັນລະບົບ.

ທ່ານ ສົມຈິດ ຈັນທະວົງ ຫົວໜ້າພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງ ໄຊຍະບູລີ ໄດ້ໃຫ້ຮູ້ວ່າ: ໃນໄລຍະຜ່ານມາແມ່ນໄດ້ສຸມໃສ່ຈັດຕັ້ງປະຕິບັດຕາມທິດການພັດທະນາທີ່ດິນ ເຊິ່ງມີຜົນສໍາເລັດໃນແຕ່ລະໜ້າວຽກເປັນຕົ້ນແມ່ນສໍາເລັດໃນການສໍາຫຼວດຈັດສັນທີ່ດິນ, ຕິດພັນກັບການກວດກາດິນ 8 ປະເພດຢູ່ຂັ້ນເມືອງໄດ້ 2 ເມືອງ ແລະ ຂັ້ນບ້ານສໍາເລັດ 235 ບ້ານ, ທຽບໃສ່ບ້ານໃນທົ່ວແຂວງເທົ່າກັບ 54% ແລະ ຍັງໄດ້ຈັດສັນທີ່ດິນຕາມໂຄງການພັດທະນາຕ່າງໆເຊັ່ນ: ໂຄງການຂະຫຍາຍຕົວເມືອງ, ໂຄງການສູນອານຸລັກຊ້າງ, ໂຄງການສ້າງແຫຼ່ງທ່ອງທ່ຽວ, ໂຄງການພັດທະນາວຽກງານປ້ອງກັນຊາດ, ໂຄງການລົງທຶນດ້ານກະສິກໍາ ແລະ ອື່ນໆອີກຈໍານວນໜຶ່ງ, ພ້ອມດຽວກັນກໍ່ໄດ້ເອົາໃຈໃສ່ໃນການກວດກາ ເກັບກໍາຂໍ້ມູນສໍາມະໂນທີ່ດິນຄືນໃນແຕ່ລະປີ, ເພື່ອເປັນຂໍ້ມູນໃນການຈັດເກັບຄ່າທໍານຽມການນໍາໃຊ້ທີ່ດິນ ( ພາສີທີ່ດິນ ), ໂດຍເລັ່ງໃສ່ດິນປຸກສ້າງ ແລະ ດິນກະສິກໍາ

ໄດ້ທັງໝົດ 296.879 ຕອນ, ມີເນື້ອທີ່ 203.775.05 ເຮັກຕາ, ໄດ້ສ້າງເງື່ອນໄຂ ແລະ ພື້ນຖານວັດຖຸເຕັກນິກ, ສ້າງຈຸດຄວບຄຸມ ເພື່ອເປັນບ່ອນອີງໃຫ້ແກ່ການນໍາໃຊ້ເຄື່ອງມືທີ່ທັນສະໄໝເຂົ້າໃນການ ສໍາຫຼວດວັດແທກທີ່ດິນຢູ່ທົ່ວແຂວງ, ປະຈຸບັນສາມາດຂຶ້ນທະບຽນອອກໃບຕາດິນໄດ້ທັງໝົດ 98.512 ຕອນ, ເນື້ອທີ່ 30.519,78 ເຮັກຕາ, ທຽບໃສ່ຕົວເລກຂໍ້ມູນ

ສໍາມະໂນທີ່ດິນ ປະຕິບັດໄດ້ 33,18% ຂອງຕອນດິນທັງໝົດ, ທ່ານ ສົມຈິດ ຈັນທະວົງ ຍັງໃຫ້ຮູ້ຕື່ມອີກວ່າ: ການຄຸ້ມຄອງວຽກງານເຊົ່າ-ສໍາປະທານ ທີ່ດິນຂອງລັດໃນທົ່ວແຂວງ, ປະຈຸບັນການເຊົ່າ-ສໍາປະທານທີ່ດິນຂອງລັດ ມີ 280 ໂຄງການ, ມີ 421 ຕອນ, ເນື້ອທີ່ 185.320,57 ເຮັກຕາ, ໃນນັ້ນ ເຊົ່າ 278 ຕອນ, ເນື້ອທີ່ 124,58 ເຮັກຕາ, ສໍາປະທານ 143 ຕອນ, ເນື້ອທີ່ 185.195,99 ເຮັກຕາ, ບໍ່ມີການເຄື່ອນໄຫວ 71 ໂຄງການ, ມີ 74 ຕອນ, ເນື້ອທີ່ 565,50 ເຮັກຕາ, ຕໍ່ກັບບັນຫານີ້ແມ່ນຈະໄດ້ສືບຕໍ່ກວດກາ, ວິເຄາະວິໄຈຄືນ, ສາເຫດໂຄງການທີ່ຢຸດເຊົາ ແລະ ໂຄງການໃດທີ່ສືບຕໍ່, ເພື່ອຫັນການຄຸມຄອງເຂົ້າສູ່ລະບຽກົດໝາຍ.

ນັກຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ