ຈໍານວນຜູ້ເຂົ້າຊົມເວັບໄຊ

135624
ມື້ນີ້ມື້ນີ້360
ມື້ວານນີ້ມື້ວານນີ້439
ອາທິດນີ້ອາທິດນີ້2645
ເດືອນນີ້ເດືອນນີ້6026
ລວມທັງໝົດລວມທັງໝົດ135624

ມີ 15  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ທ່ານ ດວງຕາ ໄຊວຸດ ຄະນະປະຈໍາພັກແຂວງ ປະທານກວດກາແຂວງ ໄດ້ມີຄໍາເຫັນຕໍ່ກອງປະຊຸມ ຄົບຄະນະບໍລິຫານງານພັກເປີດກວ້າງ ຄັ້ງທີ 11 ສະໄໝທີ VI ຄັ້ງວັນທີ 15-17 ຕຸລາ ຜ່ານມານີ້ວ່າ: ຕະຫຼອດໄລຍະ 3 ປີຜ່ານມາ ຄະນະພັກ, ອົງການປົກຄອງ ແລະ ຄະນະກວດກາແຕ່ລະຂັ້ນແມ່ນໄດ້ເອົາໃຈໃສ່ເຄື່ອນໄຫວຕິດຕາມ-ກວດກາ ການແກ້ໄຂປະກົດການອາດຍາສິດ, ສະກັດກັ້ນ ແລະ ຕ້ານການສໍ້ລາດບັງຫຼວງ ແລະ ແກ້ໄຂຕໍ່ສະມາຊິກພັກ, ພະນັກງານ ທີ່ມີພຶດຕິກໍາສໍ້ລາດບັງຫຼວງຕາມກົດໝາຍຕ້ານການສໍ້ລາດບັງຫຼວງເຊັ່ນ: ການດໍາເນີນແຈ້ງຊັບສິນ ແລະ ລາຍຮັບ ຂອງພະນັກງານ-ລັດຖະກອນທົ່ວແຂວງໃນຮອບທີ 2 ປີ 2017, ເຊິ່ງມີເປົ້າໝາຍແຈ້ງຊັບສິນ ແລະ ລາຍຮັບທັງໝົດ 10.847 ຄົນ, ຍິງ 4.816 ຄົນ, ໄດ້ຮັບເອກະສານແຈ້ງຊັບສິນ ແລະ ລາຍຮັບຕົວຈິງ ຈໍານວນ 10.803 ຄົນ, ຍິງ 4.774 ຄົນ, ຍັງຄ້າງ 44 ຄົນ, ຍິງ 14 ຄົນ, ໄດ້ດໍາເນີນການສືບສວນ-ສອບສວນ ຕໍ່ບຸກຄົນທີ່ມີພຶດຕິກໍາສໍ້ລາດບັງຫຼວງ ຕາມທີ່ໄດ້ກໍານົດໄວ້ໃນກົດໝາຍຕ້ານການສໍ້ລາດບັງຫຼວງ ແລະ ກົດໝາຍວ່າດ້ວຍການດໍາເນີນຄະດີອາຍາ ແຕ່ປີ 2015 ເຖິງປະຈຸບັນ ມີພະນັກງານທີ່ມີພຶດຕິກໍາສໍ້ລາດບັງຫຼວງ ທັງໝົດ 10 ເລື່ອງ, ມີ 24 ຄົນ, ຍິງ 6 ຄົນ, ພົບມູນຄ່າເສຍຫາຍທັງໝົດ 143,161 ຕື້ກວ່າກີບ ແລະ ຕະກຸນເງິນໄທ 260 ລ້ານກວ່າບາດ, ໃນນັ້ນເກັບກູ້ຄືນໄດ້ ຈໍານວນ 8,745 ຕື້ກວ່າກີບ ແລະ 2 ລ້ານກວ່າບາດ, ຍັງຄ້າງ ຈໍານວນ 134,415 ຕື້ກວ່າກີບ ແລະ 257 ລ້ານກວ່າບາດ ( ຫຼາຍກວ່າໝູ່ ແມ່ນການສໍ້ລາດບັງຫຼວງຢູ່ທະນາຄານ ສົ່ງເສີມກະສິກໍາ ສາຂາ ແຂວງ ໄຊຍະບູລີ ),

ນອກນີ້ຍັງໄດ້ເປັນເຈົ້າການຄົ້ນຄົ້ວຄໍາຮ້ອງ-ຄໍາສະເໜີ ຂອງສະມາຊິກພັກ, ພະນັກງານ ແລະ ປະຊາຊົນ ຕໍ່ກັບການຄຸ້ມຄອງລັດ-ຄຸ້ມຄອງສັງຄົມ ເຊິ່ງສະແດງອອກໃນໄລຍະ 3 ປີ ໄດ້ມີຄໍາຮ້ອງ-ຄໍາສະເໜີທັງໝົດ 85 ສະບັບ, ໃນນັ້ນ ສ່ວນຫຼາຍແມ່ນຄໍາຮ້ອງ-ຄໍາສະເໜີ ທີ່ທວງເຖິງກໍາມະສິດທີ່ດິນ.

ທ່ານ ດວງຕາ ໄຊວຸດ ຍັງໄດ້ກ່າວຕື່ມອີກວ່າ: ຕໍ່ກັບບັນຫາດັ່ງກ່າວ ພັກ-ລັດ ກໍ່ຄືອົງການປົກຄອງທຸກຂັ້ນຈະຕ້ອງໄດ້ເພີ່ມທະວີການຕິດຕາມ-ກວດກາຕໍ່ການຈັດຕັ້ງທຸກພາກສ່ວນ ຕາມຄວາມຮັບຜິດຊອບ, ສ້າງກົນໄກ, ລະບອບ, ລະບຽບການຕິດຕາມ-ກວດກາແຕ່ຫົວທີ ແລະ ເປັນປົກກະຕິ, ເປັນເຈົ້າການຈັດຕັ້ງປະຕິບັດແຜນຍຸດທະສາດ ຕ້ານການສໍ້ລາດບັງຫຼວງ ແຕ່ນີ້ຮອດປີ 2020, ແກ້ໄຂປະກົດການອາດຍາສິດ, ສະກັດກັ້ນ ແລະ ຕ້ານການສໍ້ລາດບັງຫຼວງ, ຕິດຕາມ-ກວດກາ ແລະ ດໍາເນີນ ການສືບສວນ-ສອບສວນ ພະນັກງານ-ລັດຖະກອນມີພຶດຕິກໍາທີ່ເປັນການສໍ້ລາດບັງຫຼວງຢ່າງເຂັ້ມງວດ.

ນັກຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 2212 6933  

ແຜນທີ ແຂວງໄຊຍະບູລີ