ຈໍານວນຜູ້ເຂົ້າຊົມເວັບໄຊ

147287
ມື້ນີ້ມື້ນີ້179
ມື້ວານນີ້ມື້ວານນີ້199
ອາທິດນີ້ອາທິດນີ້1491
ເດືອນນີ້ເດືອນນີ້6028
ລວມທັງໝົດລວມທັງໝົດ147287

ມີ 13  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ແຂວງໄຊຍະບູລີເປັນແຂວງໜື່ງທີ່ມີທ່າແຮງທາງດ້ານອຸດສາຫະກຳໄຟ້າ,ເຊີ່ງປະຈຸບັນມີໂຮງງານໄຟ້າຂະໜາດໃຫ່ຍເຊັ່ນ:ໂຮງານໄຟ້າພະລັງງານຄວາມຮ້ອນຖ່ານຫີນເມືອງຫົງສາມີກຳລັງ 1.878 MW ໂຮງານໄຟ້າພະລັງນ້ຳນ້ຳ ຂອງມີກຳລັງຕິດຕັ້ງ 1.285 MW ວັດຄາດວ່າຈະໄດ້ເປີດນຳໃຊ້ໃນເດືອນຕຸລາປີນີ້,ນອກນີ້ຍັງມີໂຮງງານໄຟ້າຂະໜາດ ນ້ອຍອິກຈຳນວນຫຼາຍທີ່ພວມສໍາຫຼວດ ແລະ ກໍ່ສ້າງ, ສໍາລັບການລົງທຶນຂອງລັດ-ເອກະຊົນໃນຂະແໜງພະລັງງານ ແລະ ບໍ່ແຮ່ໂດຍສ່ວນໃຫຍ່ເປັນໂຄງການລົງທຶນໃສ່ການພັດທະນາ, ປັງປຸງແລະ ຂະຫຍາຍລະບົບຕາຄ່າຍໄຟຟ້າສູ່ຊົນ ນະບົດ ເພື່ອສູ້ຊົນເຮັດໃຫ້ປະຊາຊົນໄດ້ຊົມໃຊ້ໄຟຟ້າຖາວອນ.

ທ່ານ ຄໍາເຫຼັກ ແກ້ວວິໄລພອນ ຮອງຫົວໜ້າພະແນກ ພະລັງງານ ແລະ ບໍ່ແຮ່ ແຂວງ ໄຊຍະບູລີ ໄດ້ຂຶ້ນຜ່ານຮ່າງບົດລາຍງານການຈັດຕັ້ງປະຕິບັດໂຄງການລົງທຶນຂອງລັດ-ເອກະຊົນ ຕິດພັນກັບການແກ້ໄຂບັນຫາໜີ້ສິນສາທາລະນະ ຕໍ່ກອງປະຊຸມ ຄົບຄະນະບໍລິຫານງານພັກແຂວງຄັ້ງທີ 13 ສະໄໝທີ VI ໃນຕອນບ່າຍຂອງວັນທີ 11 ມິຖຸນາຜ່ານມານີ້ວ່າ: ຕໍ່ກັບຜົນສໍາເລັດຂອງການພັດທະນາ, ການປັບປຸງ ແລະ ການຂະຫຍາຍລະບົບຕາຂ່າຍໄຟຟ້າ ທີ່ມີລັກສະນະກ້າວກະໂດດໃນໄລຍະຜ່ານມາດ ປະຈຸບັນສາມາດບັນລຸບ້ານທີ່ໃຊ້ໄຟຟ້າ 432 ບ້ານ, ເທົ່າກັບ 99,77%, ຂອງຈໍານວນບ້ານທັງໝົດໃນທົ່ວແຂວງ, ໃນນັ້ນບ້ານທີ່ຊົມໃຊ້ໄຟຟ້າຖາວອນກວມ 425 ບ້ານ, ມີ 76.332 ຄອບຄົວ ແລະ ລະບົບໄຟຟ້າແສງຕາເວັນ 7 ບ້ານ, ມີ 374 ຄອບຄົວ, ຄຽງຄູ່ກັນນັ້ນກໍ່ຍັງມີຂໍ້ຄົງຄ້າງ ແລະ ເກີດມີໜີ້ສິນ

ສາທາລະນະຢູ່ພາຍໃນແຂວງເປັນຕົ້ນແມ່ນໜີ້ສີນຄ່າກະແສໄຟ້າພາກລັດບໍລິຫານ ແລະ ກະສິກຳ-ຊົນລະປະທານຢູ່ແຂວງໄຊຍະບູລີຍັງມີລັກສະນະຄຸງເຄຶອ, ມາຮອດປະຈຸບັນສາມາດສະຫຼຸບສັງລວມໜີ້ສິນຄ່າກະແສ ໄຟຟ້າຂອງພາກລັດບໍລິຫານ ມີເຖິງ 9,39 ຕື້ກວ່າກີບ ແລະ ພາກກະສິກໍາ-ຊົນລະປະທານ 200 ລ້ານກວ່າກີບ, ມີລາຍລະອຽດເຊັ່ນ:

ໜີ້ສິນຄ່າກະແສໄຟຟ້າສໍານັກງານລັດບໍລິຫານ 6,68 ຕື້ກວ່າກີບ, ໜີ້ສິນຄ່າກະແສໄຟຟ້າເຍືອງ ທາງ 1,59 ຕື້ກວ່າກີບ,ໜີ້ສິນຄ່າກະແສໄຟຟ້າສໍານັກງານລັດບໍລິຫານ ( ສໍານັກງານທີ່ກຸ້ມຕົນເອງ )ຈໍນວນ 1,12 ຕື້ກວ່າກີບ ແລະ ໜີ້ສິນຄ່າກະແສໄຟຟ້າພາກກະສິກໍາ-ຊົນລະປະທານ ໂປ່ມນໍ້າ ບ້ານ ນາຍາວ 36 ລ້ານກວ່າກີບ, ໂປ່ມນໍ້າ ບ້ານ ນາລາ 163 ລ້ານກວ່າກີບ, ນອກນີ້ຍັງມີສະພາບໜີ້ສິນສາທາລະນະເປັນຕົ້ນແມ່ນ: ໜີ້ສິນຂອງໂຄງການລົງທຶນຂອງລັດເຊັ່ນ: ບ້ວງທຶນຂອງແຂວງຍັງຄ້າງຊໍາລະ 12 ໂຄງການ, ມູນຄ່າ 67,18 ຕື້ກີບ ແລະ ຄາດວ່າຈະໄດ້ຊໍາລະຮອດທ້າຍປີ 2019 ຈໍານວນ 17,93 ຕື້ກີບ, ບ້ວງທຶນຂອງເມືອງ ຍັງຄ້າງຊໍາລະ 4 ໂຄງການ, ມູນຄ່າ 7,77 ຕື້ກີບ ແລະ ຄາດວ່າຈະໄດ້ຊໍາລະຮອດທ້າຍປີ 2019 ຈໍານວນ 1,52 ຕື້ກີບ, ທ່ານ ຄໍາເຫຼັກ ແກ້ວວິໄລພອນ ຍັງໄດ້ກ່າວຕື່ມອີກວ່າ: ເພື່ອແກ້ໄຂບັນຫາໜີ້ສິນດັ່ງກ່າວ ທ່ານເຈົ້າແຂວງ ໄຊຍະບູລີ ຈຶ່ງໄດ້ແຕ່ງຕັ້ງຄະນະໜ່ວຍສະເພາະກິດເພື່ອແກ້ໄຂບັນຫາໜີ້ສິນຄ່າກະແສໄຟຟ້າຂອງສໍານັກງານ, ອົງການທີ່ນໍາໃຊ້ ງົບປະມານຂອງລັດຢູ່ພາຍໃນແຂວງ.

ນັກຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ