ຈໍານວນຜູ້ເຂົ້າຊົມເວັບໄຊ

135617
ມື້ນີ້ມື້ນີ້353
ມື້ວານນີ້ມື້ວານນີ້439
ອາທິດນີ້ອາທິດນີ້2638
ເດືອນນີ້ເດືອນນີ້6019
ລວມທັງໝົດລວມທັງໝົດ135617

ມີ 20  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນຕອນເຊົ້າຂອງວັນທີ 19 ຕຸລາ 2018 ນີ້, ທີ່ສະໂມສອນຫ້ອງວ່າການແຂວງ ໄຊຍະບູລີ ໄດ້ຈັດກອງປະຊຸມ ເຜີຍແຜ່ແນະນໍາ ການນໍາໃຊ້ລະບົບຄຸ້ມຄອງເກັບອາກອນ ແລະ ຊໍາລະອາກອນ ຜ່ານທະນາຄານ ແບບທັນສະໄໝ, ໂດຍການເປັນປະທານຂອງ ທ່ານ ບຸນແທນ ທີແກ້ວ ຫົວໜ້າພະແນກ ການເງິນແຂວງ, ເຂົ້າຮ່ວມມີ ບັນດາຫົວໜ້າ, ຮອງຫົວໜ້າພະແນກການ, ມີຕາງໜ້າກະຊວງການເງິນ, ທະນາຄານ, ມີພະນັກງານວິຊາການ-ການເງິນຈາກຂະແໜງການອ້ອມຂ້າງແຂວງ, ລັດວິສາຫະກິດ ຕະຫຼອດຮອດຜູ້ປະກອບການທຸລະກິດພາຍໃນແຂວງເຂົ້າຮ່ວມ 100 ກວ່າຄົນ.

ກອງປະຊຸມດັ່ງກ່າວໂດຍມີຈຸດປະສົງເພື່ອເຊື່ອມຊືມ ແລະ ຝຶກອົບຮົມ ກ່ຽວກັບລະບົບຄຸ້ມຄອງເກັບອາກອນ ເຊິ່ງເອີ້ນວ່າ TMIS ແລະ ການຊໍາລະອາກອນ ຜ່ານລະບົບທະນາຄານແບບງ່າຍດາຍ ເອີ້ນວ່າ Easy Tax, ທັງນີ້ກໍເພື່ອ ຫັນເອົາການຄຸ້ມຄອງ ເກັບ ແລະ ຊໍາລະອາກອນປະເພດຕ່າງໆ ໄປສູ່ລະບົບທັນສະໄໝ, ກ້າວເຂົ້າສູ່ລະບົບຄຸ້ມຄອງການເງິນແຫ່ງລັດ ໃຫ້ມີຄວາມເຂັ້ມແຂງ, ໂປ່ງໃສ, ທັນສະໄໝ ແລະ ຍຸຕິທໍາ, ພ້ອມນີ້ກໍ່ເປັນການສ້າງເງື່ອນໄຂ ອໍານວຍຄວາມສະດວກໃຫ້ແກ່ຫົວໜ່ວຍທຸລະກິດ ໃນການແຈ້ງ ແລະ ຊໍາລະພັນທະອາກອນຜ່ານລະບົບທະນາຄານແບບງ່າຍດາຍ, ແນໃສ່ເຮັດໃຫ້ລຸດຜ່ອນຂັ້ນຕອນຕ່າງເຊັ່ນ:

ປະຢັດເວລາ ແລະ ຄ່າໃຊ້ຈ່າຍຕ່າງໆ ຂອງຜູ້ປະກອບການ, ທ່ານ ບຸນແທນ ທີແກ້ວ ຫົວໜ້າພະແນກ ການເງິນແຂວງ ໄດ້ກ່າວຕໍ່ກອງປະຊຸມຄັ້ງນີ້ວ່າ: ເນື້ອໃນ ແລະ ເປົ້າໝາຍການເຜີຍແຜ່ດັ່ງກ່າວແມ່ນເພື່ອເປັນການຈັດຕັ້ງຜັນຂະຫຍາຍວິໄສທັດ ຮອດປີ 2030 ແລະ ຍຸດທະສາດ ພັດທະນາການເງິນແຫ່ງລັດ ຮອດປີ 2025 ແລະ ເພື່ອກ້າວເຂົ້າສູ່ການຄຸ້ມຄອງການເງິນແຫ່ງລັດໃຫ້ມີຄວາມເຂັ້ມແຂງ, ໂປ່ງໃສ, ທັນສະໄໝ ແລະ ຍຸຕິທໍາ, ພ້ອມທັງເປັນການສ້າງເງື່ອນໄຂເອື້ອອໍານວຍຄວາມສະດວກ ໃນການເກັບ ແລະ ການຊໍາລະພັນທະອາກອນຜ່ານລະບົບທີ່ທັນສະໄໝ, ແນໃສ່ເພື່ອລຸດຜ່ອນຂັ້ນຕອນຕ່າງໆ, ຮັບປະກັນການຮົ່ວໄຫຼຂອງລາຍຮັບງົບປະມານແຫ່ງລັດ ແລະ ສ້າງຄວາມເຊື່ອໝັ້ນໃຫ້ແກ່ສັງຄົມຕໍ່ຂະແໜງການເງິນ, ທ່ານ ບຸນແທນ ທີແກ້ວ ຍັງໄດ້ກ່າວຕື່ມອີກວ່າ: ການອົບຮົມ, ເຜີຍແຜ່ການນໍາໃຊ້ຄັ້ງນີ້ແມ່ນຜົນສໍາເລັດຂັ້ນຕົ້ນຂອງຂະແໜງການເງິນ ເຊິ່ງຍັງຈະໄດ້ສືບຕໍ່ ຜັນຂະຫຍາຍໃຫ້ຄວບຄຸມທົ່ວເຖິງໃນອານາຄົດ ແລະ ເຊື່ອໝັ້ນວ່າການສືບຕໍ່ພັດທະນາລະບົບການຂະຫຍາຍການຕິດຕັ້ງຂອງຂະແໜງການເງິນ ສົມທົບກັບການຂະຫຍາຍຈຸດບໍລິການຂອງພາກຫົວໜ່ວຍທະນາຄານທຸລະກິດຂອງລັດ ເພື່ອເຮັດໃຫ້ການຄຸ້ມຄອງຕາມລະບົບທັນສະໄໝມີການເຕີບໃຫຍ່, ກວ້າງຂວາງ ແລະ ຖົ່ວເຖິງໃນອານາຄົດ, ກອງປະຊຸມດັ່ງກ່າວຜູ້ເຂົ້າຮ່ວມຍັງຈະໄດ້ຮຽນຮູ້ຕົວຈິງ ສະພາບລວມຂອງລະບົບ TMIS ແລະ Easy Tax, ແນະນໍາວິທີການນໍາໃຊ້ TMIS, ການແຈ້ງອາກອນຜ່ານ E- Tax ແລະ ການຊໍາລະອາກອນ Easy Tax, ແນະນໍາການມອບລາຍຮັບຜ່ານລະບົບທະນາຄານ, ການຊໍາລະອາກອນຜ່ານຊ່ອງທາງຕ່າງໆຂອງທະນາຄານການຄ້າຕ່າງປະເທດລາວ, ທະນາຄານພັດທະນາ ແລະ ທະນາຄານສົ່ງເສີມກະສິກໍາ.

ນັກຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ