ຈໍານວນຜູ້ເຂົ້າຊົມເວັບໄຊ

147283
ມື້ນີ້ມື້ນີ້175
ມື້ວານນີ້ມື້ວານນີ້199
ອາທິດນີ້ອາທິດນີ້1487
ເດືອນນີ້ເດືອນນີ້6024
ລວມທັງໝົດລວມທັງໝົດ147283

ມີ 15  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ຜ່ານການຈັດຕັ້ງປະຕິບັດການເຝົ້າລະວັງ 17 ພະຍາດຕາມລະບົບເ ຝົ້າລະວັງ ຂອງສູນວິ ເຄາະລະບາດວິທະຍາປີ 2019 ຢູ່ແຂວງໄຊຍະບູລີພົບພໍ້ກໍລະນີພະຍາດໄຂ້ຍຸງລາຍເປັນກໍລະນີທໍາອິດ 1 ກໍລະນີ, ຢູ່ບ້ານໂພນງາມ, ເມືອງປາກລາຍແຕ່ວັນທີ11ມີນາ2019,ຕໍ່ກັບກໍລະນີດັ່ງກ່າວພາກສ່ວນກ່ຽວຂ້ອງແມ່ນໄດ້ຕອບໂຕ້ສະກັດກັ້ນການລະ ບາດຢ່າງວ່ອງໄວ,ແຕ່ການລະບາດແມ່ນບໍ່ສາມາດສະກັດກັ້ນໄດ້, ມາຮອດປະຈຸບັນການລະບາດຂອງພະຍາດໄຂ້ຍຸງລາຍແມ່ນກວມເອົາ 3 ເມືອງຄື: ເມືອງ ປາກລາຍ, ເມືອງ ໄຊຍະບູລີ ແລະ ເມືອງ ພຽງ, ມີ 18 ບ້ານ, ມີ 75 ກໍລະນີ, ໃນນັ້ນຍັງບໍ່ທັນມີກໍລະນີເສຍຊີວິດ.

ດຣ ນາງ ຄໍາຜີວ ພູທອນສີ ຫົວໜ້າພະແນກສາທາລະນະສຸກແຂວງ ໄຊຍະບູລີ ໄດ້ມີຄໍາເຫັນຕໍ່ກອງປະຊຸມ ຄົບຄະນະບໍລິຫານງານພັກແຂວງຄັ້ງທີ 13 ສະໄໝທີ VI ໃນຕອນເຊົ້າຂອງວັນທີ 12 ມິຖຸນາ ຜ່ານມານີ້ວ່າ: ຕໍ່ກັບສະພາບການແຜ່ລະບາດຂອງພະຍາດໄຂ້ຍຸງລາຍຢູ່ແຂວງ ໄຊຍະບູລີນັ້ນ, ທາງພະແນກສາທາລະນະສຸກແຂວງ ແມ່ນໄດ້ເອົາໃຈໃສ່ຕອບໂຕ້ຢ່າງວ່ອງໄວ ເປັນຕົ້ນແມ່ນໄດ້ສົ່ງທີມງານຂອງແຂວງ ແລະ ເມືອງລົງເກັບກໍາຂໍ້ມູນ, ໄດ້ຈັດກອງປະຊຸມປຶກສາຫາລືຮ່ວມກັບບ້ານ ເພື່ອກໍານົດແຜນຕອບໂຕ້, ແຈ້ງເຕືອນການລະບາດພາຍໃນບ້ານ ແລະ ເມືອງ, ລົງຕອບໂຕ້ການລະບາດຢູ່ບ້ານທີ່ມີການລະບາດໄຂ້ຍຸງລາຍເຊັ່ນ: ເຕົ້າໂຮມຊາວບ້ານເຮັດສຸຂະສືກສາ, ແຈ້ງການລະບາດໃຫ້ປະຊາຊົນຮັບຮູ້ ແລະ ໃຫ້ຄວາມຮູ້ກ່ຽວກັບໄຂຍຸງລາຍ, ຜ່ານແຜນເຄື່ອນໄຫວພາຍໃນບ້ານ, ອົບຮົບວິທີການສໍາຫຼວດໜອນນໍ້າຍຸງລາຍ, ດໍາເນີນການສໍາຫຼວດໜອນນໍ້າຍຸງລາຍພາຍໃນບ້ານ, ເຮັດຂະບວນການອານາໄມ, ຂວໍ້າກະໂປະກະປ່ອງ, ທໍາລາຍແຫຼ່ງເພາະພັນຍຸງລາຍພາຍໃນເຮືອນ ແລະ ບ້ານ, ຜົ່ນຢາຂ້າຍຸງລາຍໂຕແກ່, ແຕ່ງຕັ້ງທີມງານແພດປິ່ນປົວລົງກວດສຸຂະພາບຜູ້ທີ່ມີອາການໄຂເພື່ອກັ່ນກຶງຄົນເຈັບ,

ປ້ອງກັນການລະບາດບໍ່ໃຫ້ຂະຫຍາຍ ຕົວລາມກວ້າງໄປຫາບ້ານໃກ້ຄຽງແລະບ້ານອື່ນໆໃນທົ່ວເມືອງ ແລະ ເມືອງອື່ນໆໃນທົ່ວແຂວງ,ປຸກລະດົມທົ່ວປວງຊົນທຸກພາກສ່ວນໃຫ້ເຂົ້າຮ່ວມຂະບວນການຕ້ານພະຍາດໄຂຍຸງລາຍຍ່າງເປັນຂະບວນກວ້າງຂວາງ, ອອກຂ່າວວິທະ ຍຸ-ໂທລະພາບ, ໂທລະໂຄ່ງບ້ານ ກ່ຽວກັບການໃຫ້ຄວາມຮູ້ໄຂ້ຍຸງລາຍ ແລະ ການປ້ອງກັນໄຂຍຸງລາຍ ດ້ວຍຄໍາຂວັນ ທີ່ວ່າ: ບໍ່ມີໜອນນໍ້າ ບໍ່ມີຍຸງລາຍ ບໍ່ມີໄຂເລືອດອອກ, ດຣ ນາງ ຄໍາຜີວ ພູທອນສີຍັງໄດ້ກ່າວຕື່ມອີກວ່າ: ສາເຫດທີ່ເຮັດໃຫ່ເກີດການລະບາດແມ່ນ:ການເປັນເຈົ້າການຂອງຊຸມຊົນໃນການປະຕິບັດ 5 ປໍຍັງບໍ່ທັນເປັນເຈົ້າການເທົ່າທີ່ ຄວນ, ການອານາໄມບ້ານຊ່ອງເຮືອນຊານ, ຕາມຖະໜົນຫົນທາງຍັງເຮັດບໍ່ທັນໄດ້ດີ, ການທໍາລາຍໜອນນໍ້າຍັງລໍຖ້າ ແຕ່ສາທາລະນະສຸກລົງກວດ ແລະ ທໍາລາຍ, ຄວາມເປັນເຈົ້າການຂອງຄອບຄົວຍັງບໍ່ທັນໄດ້.

ນັກຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ