ຈໍານວນຜູ້ເຂົ້າຊົມເວັບໄຊ

137799
ມື້ນີ້ມື້ນີ້52
ມື້ວານນີ້ມື້ວານນີ້211
ອາທິດນີ້ອາທິດນີ້585
ເດືອນນີ້ເດືອນນີ້3364
ລວມທັງໝົດລວມທັງໝົດ137799

ມີ 15  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນຕອນບ່າຍຂອງວັນທີ 12 ມິຖຸນາ 2019 ນີ້ ສະຫາຍ ຈັນສີ ໂພສີຄໍາ ກໍາມະການກົມການເມືອງ ສູນການພັກ, ຫົວໜ້າຄະນະຈັດຕັ້ງສູນກາງພັກ, ໄດ້ເຂົ້າຮ່ວມການດໍາເນີນກອງປະຊຸມຄົບຄະນະບໍລິຫານງານພັກ ແຂວງ ໄຊຍະບູລີ ຄັ້ງທີ 13 ສະໄໝທີ VI ເຊິ່ງໄດ້ໄຂຂຶ້ນມາແຕ່ວັນທີ 10 ມິຖຸນາ 2019 ທີ່ສະໂມສອນຫ້ອງວ່າການແຂວງ ໄຊຍະບູລີ, ໂດຍການເປັນປະທານຂອງ ສະຫາຍ ພົງສະຫວັນ ສິດທະວົງ, ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງ ໄຊຍະບູລີ, ເຂົ້າຮ່ວມມີ ບັນດາສະຫາຍ ກໍາມະການປະຈໍາພັກແຂວງ, ກໍາມະການພັກແຂວງ, ເລຂາພັກເມືອງ, ເຈົ້າເມືອງ 11 ເມືອງ, ເລຂາຄະນະພັກຮາກຖານ, ເລຂາໜ່ວຍພັກບັນດາພະແນກການ, ກົມກອງ, ອົງການ, ລັດວິສາຫະກິດ ອ້ອມຂ້າງແຂວງເຂົ້າຮ່ວມ 100 ກວ່າສະຫາຍ.

ໂອກາດດັ່ງກ່າວ ສະຫາຍ ພົງສະຫວັນ ສິດທະວົງ ໄດ້ກ່າວຕ້ອນຮັບທີມງານຂອງ ສະຫາຍ ຈັນສີ ໂພສີຄໍາ ກໍາມະການກົມການເມືອງສູນການພັກ, ຫົວໜ້າຄະນະຈັດຕັ້ງສູນກາງພັກຢ່າງອົບອຸ່ນ, ພ້ອມດຽວກັນກໍ່ໄດ້ລາຍງານຜົນຂອງການດໍາເນີນກອງປະຊຸມໃນ 2 ວັນເຄິ່ງຜ່ານມາ, ເປັນຕົ້ນແມ່ນ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ງວດທີ 1 ຕິດພັນກັບການຜັນຂະຫຍາຍມະຕິຄົບຄະນະຄັ້ງທີ 7 ຂອງຄະນະບໍລິຫານງານສູນກາງພັກ ສະໄໝທີ X ຕໍ່ກອງປະຊຸມຄົບຄະນະບໍລິຫານງານພັກແຂວງຄັ້ງທີ 13 ສະໄໝທີ VI, ຈາກນັ້ນກອງປະຊຸມກໍ່ໄດ້ຮັບຟັງ ຮ່າງບົດສະຫຼຸບຖອດຖອນບົດຮຽນບັ້ນດຳເນີນກອງປະຊຸມໃຫຍ່ໜ່ວຍພັກຮາກຖານບ້ານ ແລະ ສຳນັກງານ, ອົງການອ້ອມຂ້າງເມືອງ ທົ່ວແຂວງໄຊຍະບູລີ ຈາກ ສະຫາຍດວງຕາ ໄຊວຸດ ກໍາມະການປະຈໍາພັກແຂວງ, ປະທານກວດກາພັກແຂວງ ສະຫາຍ ໄດ້ກ່າວວ່າ: ຜ່ານການເປີດບັ້ນດໍາເນີນກອງປະຊຸມໃຫຍ່ໜ່ວຍພັກຮາກຖານບ້ານ ແລະ ສຳນັກງານ, ອົງການອ້ອມຂ້າງເມືອງ ທົ່ວແຂວງໄຊຍະບູລີ

ເຫັນວ່າ ລະບົບການເມືອງປະຊາທິປະໄຕ ຢູ່ຮາກຖານບ້ານໄດ້ຮັບການບູລະນະໃຫ້ມີຄວາມໜັກແໜ້ນ, ເຂັ້ມແຂງ, ວຽກງານກໍ່ສ້າງ ແລະ ບໍາລຸງພັກໄດ້ຮັບການຂະຫຍາຍຕົວທາງດ້ານປະລິມານ ແລະ ຄຸນນະພາບ, ເຊິ່ງມາຮອດປະຈຸບັນ ມີຮາກຖານພັກ 1.341 ຮາກຖານ, ໃນນີ້ມີຄະນະພັກຮາກຖານທັງໝົດ 73 ຄະນະພັກ, ມີໜ່ວຍພັກທັງໝົດ 1.268 ໜ່ວຍ, ທຽບໃສ່ມະຕິກອງປະຊຸມໃຫຍ່ຄັ້ງທີ VI ເພີ່ມຂຶ້ນ 246 ໜ່ວຍ, ມີສະມາຊິກພັກທັງໝົດ 19.016 ສະຫາຍ, ຍິງ 5.168 ສະຫາຍ, ສໍາຮອງ 1.682 ສະຫາຍ, ຍິງ 575 ສະຫາຍ, ສະມາຊິກເພີ່ມຂຶ້ນ 5.686 ສະຫາຍ, ຍິງ 2.107 ສະຫາຍ, ສະມາຊິກພັກໄດ້ຮັບການຕີລາຄາແບ່ງປະເພດແລ້ວ 13.266, ຍິງ 3.617 ສະຫາຍ, ຜ່ານການຕີລາຄາແບ່ງປະເພດ ໄດ້ປະເພດແຂງ 12.237, ຍິງ 3.461 ສະຫາຍ, ເທົ່າກັບ 79,39%, ປະເພດກາງ 622, ຍິງ 73 ສະຫາຍ, ເທົ່າກັບ 4,03%, ປະເພດອ່ອນ 33, ຍິງ 3 ສະຫາຍ, ເທົ່າກັບ 0,21%, ເສຍທາດ 1 ສະຫາຍ, ບໍ່ແບ່ງ 373, ຍິງ 80 ສະຫາຍ, ເທົ່າກັບ 2,42%, ກໍລະນີໜ່ວຍພັກ ມີ 7 ກໍລະນີ, ມີ 24 ໜ່ວຍພັກ, ກໍລະນີສະມາຊິກພັກມີ 9 ກໍລະນີ, ມີ 32 ສະຫາຍ, ຈາກນັ້ນຜູ້ແທນກອງປະຊຸມແມ່ນຈະໄດ້ພ້ອມກັນປະກອບຄໍາຄິດຄໍາເຫັນໃສ່ຮ່າງບົດລາຍງານດັ່ງກ່າວ ແລະ ຈະໄດ້ຮັບຟັງການໂອ້ລົມຂອງ ສະຫາຍ ຈັນສີ ໂພສີຄໍາ ກໍາມະການກົມການເມືອງສູນການພັກ, ຫົວໜ້າຄະນະຈັດຕັ້ງສູນກາງພັກ ຕື່ມອີກ.

ນັກຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ