ຈໍານວນຜູ້ເຂົ້າຊົມເວັບໄຊ

135613
ມື້ນີ້ມື້ນີ້349
ມື້ວານນີ້ມື້ວານນີ້439
ອາທິດນີ້ອາທິດນີ້2634
ເດືອນນີ້ເດືອນນີ້6015
ລວມທັງໝົດລວມທັງໝົດ135613

ມີ 28  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໂດຍຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ VI ຂອງອົງຄະນະບໍລິຫານງານພັກແຂວງ ໄຊຍະບູລີ ໃຫ້ປະກົດຜົນເປັນຈິງ ແລະ ເພື່ອເຮັດໃຫ້ພື້ນຖານໂຄງລ່າງ, ໂດຍສະເພາະແມ່ນເສັ້ນທາງຄົມມະນາຄົມທົ່ວແຂວງໃຫ້ມີຄວາມສະດວກ ເປັນຕົ້ນແມ່ນການບຸກທະລຸ, ຂະຫຍາຍ ແລະ ປັບປຸງຍົກລະດັບເສັ້ນທາງແຕ່ແຂວງຫາເມືອງ, ແຕ່ເມືອງຫາບ້ານ ແລະ ບ້ານຕໍ່ບ້ານໃນເຂດຊົນນະບົດທີ່ຫ່າງໄກຊອກຫຼີກໃຫ້ທຽວໄດ້ສອງລະດູ, ເພື່ອເຮັດໃຫ້ການຂົນສົ່ງຜົນຜະລິດກະສິກໍາຂອງປະຊາຊົນກຸ່ມເປົ້າໝາຍ ແລະ ການຈໍລະຈອນສິນຄ້າຕາມເຂດຊົນນະບົດອອກສູ່ທ້ອງຕະຫຼາດໄດ້ຢ່າງງ່າຍດາຍ, ທັງເປັນການປະກອບສ່ວນລົບລ້າງຄວາມທຸກຍາກຂອງປະຊາຊົນເທື່ອລະກ້າວ.

ທ່ານ ແພງຊ້ອຍ ແພງເມືອງ ຫົວໜ້າພະແນກ ໂຍທາ ແຂວງ ໄຊຍະບູລີ ໄດ້ໃຫ້ສໍາພາດວ່າ: ຕະຫຼອດໄລຍະຜ່ານມາແຂວງ ໄຊຍະບູລີ ໄດ້ເອົາໃຈໃສ່ໃນການພັດທະນາພື້ນຖານໂຄງລ່າງດ້ວຍຄວາມຮັບຜິດຊອບສູງ ແລະ ໄດ້ງວາງຄາດໝາຍສູ້ຊົນຈັດຕັ້ງປະຕິບັດໂດຍເລັ່ງໃສ່ວຽກງານຂົວ-ທາງເປັນບຸລິມະສິດຕົ້ນຕໍ,

ໂດຍມີ 137 ໂຄງການ, ມູນຄ່າທັງໝົດ 7.877,81 ຕື້ກີບ, ໃນນັ້ນທຶນຕ່າງປະເທດ 564,12 ຕື້ກີບ ແລະ ທຶນພາຍໃນ 7.313,69 ຕື້ກີບ ເພື່ອປະຕິບັດໃນໄລະ 5 ປີ ໂດຍເລີ່ມຈັດຕັ້ງປະຕິບັດແຕ່ປີ 2016-2020, ມາຮອດປະຈຸບັນສາມາດປະຕິບັດສໍາເຮັດແລ້ວ 92 ໂຄງການ, ມູນຄ່າ 482,48 ຕື້ກີບ, ເປັນຕົ້ນແມ່ນ ໂຄງການ ກໍ່ສ້າງທາງປູຢາງ ເມືອງ ຊຽງຮ່ອນ ຫາ ເມືອງ ຄອບ ( ຊ່ວງທີ 2 ), ມີຄວາມຍາວ 56 ກິໂລແມັດ, ( ທຶນກູ້ຢືມ ແລະ ທຶນຊ່ວຍເຫຼືອລ້າຈາກ ອົງການ NEDA ), ໂຄງການ ກໍ່ສ້າງທາງປູຢາງ ບ້ານຮວກ ເມືອງ ຄອບ ຫາ ປາກຄອບ-ກ້ອນຕື່ນ ເມືອງ ປາກທາ ແຂວງ ບໍ່ແກ້ວ, ໂຄງການກໍ່ສ້າງສ້ອມແປງທາງທີ່ໄດ້ຮັບຜົນກະທົບຈາກໄພພິບັດ( ສຸກເສີນ ), ໂຄງການກໍ່ສ້າງທາງແຕ່ກຸ່ມບ້ານພັດທະນາ ປາກເຮົ້າ ຫາ ບ້ານຫ້ວຍຈີດ-ນໍ້າຄາ ເມືອງ ໄຊຍະບູລີ, ໂຄງການ ທະລຸທາງແຕ່ ບ້ານ ສະມະ ຫາ ບ້ານມີໄຊ ເມືອງ ໄຊຊະຖານ ແລະ ໂຄງການອື່ນໆ, ປີ 2018 ທົ່ວແຂວງ ໄຊຍະບູລີ ມີເສັ້ນທາງເຂົ້າສູ່ 100%, ຂອງບ້ານທັງໝົດ 430 ບ້ານ, ໃນນັ້ນເສັ້ນທາງທີ່ສາມາດທຽວໄດ້ 2 ລະດູມີ 355 ບ້ານ ເທົ່າກັບ 82,56%, ເສັ້ນທາງທີ່ທຽວໄດ້ລະດູດຽວມີ 75 ບ້ານ ເທົ່າກັບ 17,44%, ເສັ້ນທາງທັງໝົດ ໄດ້ປູເບຕົງ 1,47 ກິໂລແມັດ, ທາງປູຢາງຂົວ 83,35 ກິໂລແມັດ, ປູຢາງ 2 ຊັ້ນ 1.464,26 ກິໂລແມັດ, ທາງປູຫີນ ແລະ ປູດິນທໍາມະຊາດ 1.853,04 ກິໂລແມັດ

ທ່ານ ແພງຊ້ອຍ ແພງເມືອງ ຍັງໄດ້ກ່າວຕື່ມອີກວ່າ: ການຈັດຕັ້ງປະຕິບັດບັນດາໂຄງການດັ່ງກ່າວທີ່ໄດ້ຮັບຜົນສໍາເລັດນັ້ນແມ່ນໄດ້ຮັບການຊີ້ນໍາ-ນໍາພາຢ່າງໃກ້ສິດຈາກຄະນະພັກຂັ້ນເທິງ ແລະ ໄດ້ຮັບການສະໜັບສະໜູນດ້ານທຶນຮອນ ແລະ ເຕັກນິກວິຊາການຈາກລັດຖະບານ, ນອກນັ້ນຍັງໄດ້ຮັບການສະໜັບສະໜູນ ແລະ ກະຕຸກຊຸກຍູ້ຈາກຫຼາຍພານສ່ວນ ເປັນຕົ້ນແມ່ນ ບັນດາບໍລິສັດຜູ້ປະກອບການ ແລະ ປະຊາຊົນບັນດາເຜົ່າໄດ້ເປັນເຈົ້າການປະກອບສ່ວນເຂົ້າໃນການພັດທະນາວຽກງານດັ່ງກ່າວ.

ນັກຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 2212 6933  

ແຜນທີ ແຂວງໄຊຍະບູລີ