ຈໍານວນຜູ້ເຂົ້າຊົມເວັບໄຊ

132959
ມື້ນີ້ມື້ນີ້28
ມື້ວານນີ້ມື້ວານນີ້370
ອາທິດນີ້ອາທິດນີ້641
ເດືອນນີ້ເດືອນນີ້3569
ລວມທັງໝົດລວມທັງໝົດ132959

ມີ 8  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ພາຍຫຼັງທີ່ໄດ້ດໍາເນີນ ກອງປະຊຸມຄົບຄະນະບໍລິຫານງານພັກ ແຂວງ ໄຊຍະບູລີ ຄັ້ງທີ 13 ສະໄໝທີ VI ມາເປັນເວລາ 4 ວັນເຕັມ ຈຶ່ງໄດ້ສໍາເລັດລົງດ້ວຍໝາກຜົນອັນຈົບງາມ ໃນຕອນບ່າຍຂອງວັນທີ 13 ມິຖຸນາ 2019 ນີ້ ທີ່ສະໂມສອນຫ້ອງວ່າການແຂວງ ໄຊຍະບູລີ, ໂດຍການເປັນປະທານຂອງ ສະຫາຍ ພົງສະຫວັນ ສິດທະວົງ, ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງ ໄຊຍະບູລີ, ເປັນກຽດເຂົ້າຮ່ວມຂອງ ສະຫາຍ ຈັນສີ ໂພສີຄໍາ ກໍາມະການກົມການເມືອງ ສູນການພັກ, ເລຂາທິການສູນການພັກ, ຫົວໜ້າຄະນະຈັດຕັ້ງສູນກາງພັກ, ມີ ບັນດາສະຫາຍ ກໍາມະການປະຈໍາພັກແຂວງ, ກໍາມະການພັກແຂວງ, ເລຂາພັກເມືອງ, ເຈົ້າເມືອງ 11 ເມືອງ, ເລຂາຄະນະພັກຮາກຖານ, ເລຂາໜ່ວຍພັກບັນດາພະແນກການ, ກົມກອງ, ອົງການ, ລັດວິສາຫະກິດ ອ້ອມຂ້າງແຂວງເຂົ້າຮ່ວມ 100 ກວ່າສະຫາຍ.

ໂອກາດດັ່ງກ່າວ ສະຫາຍ ພົງສະຫວັນ ສິດທະວົງ ໄດ້ລາຍງານຜົນການດໍາເນີນກອງປະຊຸມໃນໄລຍະ 4 ວັນຜ່ານມາ, ໂດຍໄດ້ສະຫຼຸບຕີລາຄາການນໍາພາຂອງຄະນະພັກຂັ້ນຕ່າງໆ ໃນການນໍາພາຜັນຂະຫຍາຍ ແຜນພັດທະນາເສດຖະກິດ-ສັງຄົມ ໃນງວດທີ I ແລະ ແຜນສູ້ຊົນປະຕິບັດ 6 ເດືອນຕົ້ນປີ, ຍົກໃຫ້ເຫັນບັນຫາພົ້ນເດັ່ນທີ່ເປັນພື້ນຖານ, ໂດຍລວມແລ້ວແຂວງສືບຕໍ່ມີຄວາມສະຫງົບ, ມີຄວາມເປັນລະບຽບຮຽບຮ້ອຍ, ບໍ່ມີເຫດການຮ້າຍແຮງໃດໆເກີດຂຶ້ນ, ການຜະລິດລະດູແລ້ງ ແລະ ການກະກຽມການຜະລິດລະດູປີ ສືບຕໍ່ມີບັນຍາກາດ ແລະ ເປັນຂະບວນການຕໍ່ເນື່ອງ ແລະ ສາມາດບັນລຸແຜນການວາງໄວ້, ການເກັບລາຍຮັບເຂົ້າງົບປະມານງວດ I ໄດ້ 23,51% ຮອດເດືອນ ພຶດສະພາ 2019 ປະຕິບັດໄດ້ 40,24%, ການລົງທຶນຂອງລັດສົກ 2019 ນີ້ ແມ່ນບໍ່ມີໂຄງການກໍ່ສ້າງໃໝ່, ໂຄງການສ່ວນໃຫຍ່ແມ່ນໂຄງການຊໍາລະໜີ້ ແລະ ໂຄງການສືບຕໍ່,

ນອກນີ້ ບັນດາຄາດໝາຍສູ້ຊົນຂອງບັນດາຂະແໜງການຕ່າງໆ, ບັນດາເມືອງ, 5 ເດືອນຜ່ານມາ ກໍລ້ວນແຕ່ໄດ້ຮັບການຊີ້ນໍາ ຈັດຕັ້ງປະຕິບັດ ມີລັກສະນະຕັ້ງໜ້າ, ກາຍເປັນພື້ນຖານສໍາຄັນແກ່ການສືບຕໍ່ຈັດຕັ້ງປະຕິບັດໃນງວດຕໍ່ໆໄປ ແລະ ຄາດວ່າຈະໃຫ້ບັນລຸຕາມຄາດໝາຍ ຕາມແຜນການປີທີ່ວາງໄວ້, ຄຽງຄູ່ກັນນີ້ກໍ່ຍັງມີບັນຫາຫຍຸ້ງຍາກ, ທ້າທາຍ

ແລະຈຸດ ອ່ອນຄົງຄ້າງຈໍານວນໜຶ່ງທີ່ສະສົມຜ່ານມາທີ່ຈະໄດ້ສືບຕໍ່ແກ້ໄຂໃນຕໍ່ໜ້າເຊັ່ນ: ບັນຫາສິ່ງຫຍໍ້ທໍ້ດ້ານຕ່າງໆໃນສັງຄົມ ເປັນຕົ້ນບັນຫາຢາເສບຕິດ, ຂີ້ລັກ, ງັດແງະ, ອຸບັດຕິເຫດຕາມທ້ອງຖະໜົນ ແລະ ບັນຫາອາດສະຍາກໍາອື່ນໆ ຍັງມີທ່າອ່ຽງເພີ່ມຂຶ້ນ ແລະ ຮ້າຍແຮງ, ການລະບາດຂອງພະຍາດໄຂ້ຍຸງລາຍ ກໍ່ມີການເກີດຂຶ້ນຢູ່ 3 ເມືອງ, ການລະບາດຂອງສັດຕູພືດກໍ່ແຜ່ຫຼາຍ ມີເນື້ອທີ່ຖືກທໍາລາຍ 4 ພັນກວ່າເຮັກຕາ, ສະພາບໄພພິບັດທາງທໍາມະຊາດເປັນຕົ້ນແມ່ນລົມພະຍຸພັດເຮືອນຊານບ້ານຊ່ອງ ຂອງປະຊາຊົນເປ່ເພເສຍຫາຍ ຈໍານວນ 790 ຄອບຄົວ, ຈາກນັ້ນ ສະຫາຍ ຈັນສີ ໂພສີຄໍາ ກໍ່ໄດ້ໃຫ້ກຽດໂອ້ລົມຕໍ່ກອງປະຊຸມ, ກ່ອນອື່ນສະຫາຍໄດ້ຍ້ອງຍໍຊົມເຊີຍຕໍ່ຜົນງານທີ່ແຂວງ ໄຊຍະບູລີຍາດມາໄດ້, ພ້ອມທັງໄດ້ເນັ້ນໜັກໃຫ້ຄະນະພັກແຕ່ລະຂັ້ນຈົ່ງເອົາໃຈໃສ່ໃນການກະກຽມໃຫ້ແກ່ການດໍາເນີນກອງປະຊຸມໃຫຍ່ຢູ່ຂັ້ນເມືອງ, ແຂວງ ໃຫ້ມີຄວາມປອດໃສ, ເຂັ້ມແຂງ ແລະ ໜັກແໜ້ນ, ເປັນຕົ້ນແມ່ນກະກຽມເນື້ອໃນໃຫ້ລະອຽດ, ກະກຽມບຸກຄະລາກອນ, ຄັດເລືອກໃຫ້ໄດ້ເພດ ແລະ ເຜົ່າ ຜູ້ທີ່ໜຸ່ມນ້ອຍ, ມີຄວາມຮູ້, ຄວາມສາມາດ, ມີປະສົບການ ແລະ ສາມາດໄວ້ວາງໃຈໄດ້ ເພື່ອເປັນຜູ້ສືບທອດປ່ຽນແທນ, ພ້ອມທັງສ້າງຂະບວນການດ້ານຕ່າງໆໃຫ້ຟົດຟື້ນ, ນອກນີ້ກໍ່ໃຫ້ເອົາໃຈໃສ່ເບິ່ງຄືນນັກສືກສາທີ່ຮຽນຈົບວິຊາສະເພາະແຕ່ບໍ່ໄດ້ປະກອບເຂົ້າອົງອົງການຈັດຕັ້ງຂັ້ນຕ່າງໆ ເພື່ອຊຸກຍູ້ເຂົາເຈົ້າໃຫ້ເຂົ້າເຮັດວຽກຢູ່ຂັ້ນບ້ານຕາມຕໍາແໜ່ງງານຂອງບ້ານ.

ນັກຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933 

ແຜນທີ ແຂວງໄຊຍະບູລີ