ຈໍານວນຜູ້ເຂົ້າຊົມເວັບໄຊ

125722
ມື້ນີ້ມື້ນີ້120
ມື້ວານນີ້ມື້ວານນີ້314
ອາທິດນີ້ອາທິດນີ້1246
ເດືອນນີ້ເດືອນນີ້5857
ລວມທັງໝົດລວມທັງໝົດ125722

ມີ 5  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

     ພິທີ​ປາຖະກະຖາ​ວັນ​ໄປ​ສະ​ນີ​ ແລະ ວັນ​ໂທລະຄົມມະນາຄົມ​ແຫ່ງ​ຊາດ​ຄົບ​ຮອບ50
ປີ(13 ມີນາ 1965-13 ມີນາ 2015)​ໄດ້​ຈັດ​ຂຶ້ນ​ໃນ​ວັນ​ທີ13ມີນາ2015 ຢູ່​ທີ່​ຫ້ອງ​ປະ​ຊູ​ມ
​ໂຮງຮຽນການ​ເມືອງ​ການ​ປົກຄອງ​ແຂວງ​ໄຊ​ຍະ​ບູລີ​ໂດຍ​ໃຫ້ກຽດ​ເຂົ້າ​ຮ່ວມ​ປາຖະກະຖາ
ຂອງ​ ທ່ານ ບຸນ​ເຢັນ ບັນດາສັກ ກໍາ​ມະການພັກແຂວງຫົວໜ້າຄະນະ​ໂຄສະນາ​ອົບຮົມ​
ແຂວງມີ​ກໍາມະການ​ພັກ​ແຂວງ, ຫົວໜ້າ, ຮອງ​ຫົວໜ້າພະ​ແນ​ກການ​ກົມ​ກອງ​ພ້ອມ
​ດ້ວຍພະນັກງານຫຼັກ

​ແຫຼງອ້ອມ​ຂ້າງ​ແຂວງ​ເຂົ້າ​ຮ່ວມ100 ກ່ວາ​ຄົນ.ໃນ​ພິທີ​ອັນ​ມີ​ຄວາມໝາຍສໍາຄັນນີ້ທ່ານບຸນ​ເຢັນບັນດາສັກຫົວໜ້າຄະນະ​ໂຄສະ​ນາ​ອົມ​ຮົມ​ແຂວງ​ໄດ້​ຂຶ້ນ​​ປາຖະກະຖາ​ເຊິ່ງ ທ່ານ​ໄດ້​ຍົກ​ໃຫ້​ເຫັນ​ມູນເຊື້ອ​ຂອງ​ການ​ເຄື່ອນ​ໄຫ​ວວຽກງານໄປສະນີ​ໂທລະ​ຄົມມະນາຄົມ ​ແລະ ການ​ສື່ສານ​ໃນສປປລາວ​ ຂອງ​ພວກ​ເຮົາ​ໃນ​ແຕ່ລະ​ໄລຍະຜ່ານມາ. ເວົ້າ​ລວມ​ແລ້ວ​ພັກ ແລະ ລັດຖະບານຍາມ​ໃດ​ກໍ່​ໄດ້​ຖື​ເອົາ​ວຽກງານ​ ໄປສະນີ​, ໂທລະ​ຄົມມະນາຄົມ​ ແລະ ການ​ສື່ສານ​ເປັນ​ຂະ​ແໜງການໜຶ່ງທີ່​ສໍາຄັນ​ໃນ​ພາລະກິດ​ປົດ​ປ່ອຍ​ຊາດ​ ກໍ່ຄື​ພາລະກິດການ​ປົກ​ປັກ​ຮັກສາ​ ແລະ ສ້າງສາ​ພັດທະນາ​ເສດຖະກິດ​ສັງ​ຄົມ​ຂອງ​ຊາດ​ລາ​ວ​ເຮົາ. ໃນສະ​ໄໝ່ການ​ປະຕິວັດ​​ຊາດ​ ປະຊາທິປະ​ໄຕ ການ​ສື່​ສານ ​ໄດ້​ປະກອບສ່ວນ​ອັນ​ໃຫຍ່ຫຼວງ​ໃນ​ທຸກໆ​​ໄຊຊະນະ.ເຊີ່ງໃນປະຈຸ​ບັນ​ວິວັດທະນາ​ການ​ດ້ານ​ວິທະຍາສາດ​ ແລະ​ ເຕັກ​ໂນ​ໂລ​ຊີ​ຂອງ​ວຽກ ​ໄປສະນີ​ ໂທລະ​ຄົມ​ມະ​ນາ​ຄົມ​ ແລະ ການ​ສື່ສານ​ໄດ້​ຂະຫຍາຍຕົວ​ຢ່າງວ່ອງ​ໄວ.ຍ້ອນ​ມີ​ການ​ນໍາ​ໃຊ້​ເຕັກ​ໂນ​ໂລ​ຊີ​ນີ້​ຈຶ່ງ​ກາຍ​ເປັນ​ພື້ນຖານ​ອັນໜຶ່ງ​ ໃນ​ການ​ຫັນ​ເປັນ​ອຸດສາຫະກໍາ ​ແລະທັນສະ​ໄໝ.ດັ່ງ​ນັ້ນ ສປປລາວ ຈຶ່ງ​ໄດ້​ກໍານົດ​ເອົາ​ວັນ​ທີ13 ມີນາຂອງ​ທຸກໆປີ​ເປັນ​ ວັນ​ໄປສະນີ​ແລະ ວັນ​ໂທລະ​ຄົມມະນາຄົມ​ແຫ່ງ​ຊາດ.ໂດຍ​ເລີ້ມ​ແຕ່ປີ1965 ມາ​ຮອດ​ປີນີ້ ມີ​ອາຍຸ​ພໍດີ 50 ປີ.
ເພື່ອເປັນການສະເຫຼີມສະຫຼອງ ໃນຕອນແລງກໍ່ໄດ້ມີການສ້າງຂະບວນການແຂ່ງຂັນກິລາເປຕັ່ງຊີງຂັນ ຫົວໜ້າພະແນກປທສ ແຂວງ ໃຫ້ກຽດ
ເຂົ້າຮ່ວມເປັນປະທານຂອງ ທ່ານ ສິງທິບ ລິນທະວົງ ຫົວໜ້າພະແນກໄປສະນີ,ໂທລະຄົມມະນາຄົມແລະການສື່ສານແຂວງ; ມີອໍານວຍການບໍລິສັດ
ໄປສະນີ,ໂທລະຄົມສາຂາແຂວງໄຊຍະບູລີ,ມີພະນັກງານບໍລິສັດແລະ ພະນັກງານພະແນກ ປທສ ເຂົ້າຮ່ວມຢ່າງພ້ອມພຽງ, ມີນັກກິລາຕົວແທນບໍລິສັດ ແລະ ພະແນກເຂົ້າຮວ່ມແຂ່ງຂັນ ທັງໝົດ 8 ທີມ, ການແຂ່ງຂັນກໍ່ໄດ້ດໍາເນີນໄປດ້ວຍບັນຍາກາດຟົດຟື້ນ, ແຕ່ຕົ້ນຕະຫຼອດປາຍຊື່ງສາມາດສະຫຼຸບໄດ້
ອັນດັບການແຂ່ງຂັນດັ່ງນີ້: ທີມຂອງບໍລິສັດ LTC ໄດ້ອັນດັບທີ1 ,ທີມພະແນກ ປທສແຂວງ ໄດ້ອັນທີ2 ໃຫ້ກຽດຂື້ນມອບລາງວັນໂດຍ ທ່ານ ສິງທິບ ລິນທະວົງຫົວໜ້າພະແນກ ປທສ ແຂວງ, ພິທີກໍ່ໄດ້ປິດລົງດ້ວຍຜົນສຳເລັດ ແລະ ບັນຍາກາດຟົດຟື້ນດີ.
ຂ່າວ : ບຸນທີ ແສງຈັນທາລາ.

ແຜນທີ ແຂວງໄຊຍະບູລີ