ຈໍານວນຜູ້ເຂົ້າຊົມເວັບໄຊ

142218
ມື້ນີ້ມື້ນີ້62
ມື້ວານນີ້ມື້ວານນີ້233
ອາທິດນີ້ອາທິດນີ້994
ເດືອນນີ້ເດືອນນີ້6133
ລວມທັງໝົດລວມທັງໝົດ142218

ມີ 17  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໂຄງການກໍ່ສ້າງ ເຮືອນຮັບຕ້ອນຫຼັງໃໝ່ຂອງກອງພັນໃຫຍ່ 201 ທີ່ຂຶ້ນກັບ ກອງພົນທະຫານຮາບທີ 2 ໄດ້ເລີ່ມລົງມືກໍ່ສ້າງມາແຕ່ເດືອນມັງກອນ 2018 ຮອດປະຈຸບັນແມ່ນສໍາເລັດ 100%, ໃນມູນຄ່າການກໍ່ສ້າງ 1,565 ຕື້ກວ່າກີບ, ໂດຍແມ່ນ ບໍລິລັດ ປັນຍາທິລາດ ກໍ່ສ້າງ-ຂົວທາງ ເປັນຜູ້ຮັບເໝົາກໍ່ສ້າງ, ໂຄງການດັ່ງກ່າວ ເປັນອາຄານຊັ້ນດຽວ, ມີຂະໜາດ 14x21 ແມັດ, ມີ 1 ຫ້ອງໂຖງ, ມີ 8 ຫ້ອງນອນ, ແຕ່ລະຫ້ອງແມ່ນມີຫ້ອງນໍ້າຕິດໃນທັງໝົດ, ມີລະບົບໄຟຟ້າຄົບຊຸດ, ມີຫ້ອງນໍ້ານອກ 2 ຫ້ອງ, ອາຄານເຮັດດ້ວຍເບຕົງເສີມເຫຼັກ, ຫຼັງຄາມຸງດ້ວຍກະເບື້ອງ, ພື້ນປູດ້ວຍ ກາໂຫຼ.

ພິທີມອບ-ຮັບໄດ້ຈັດຂຶ້ນໃນວັນທີ 26 ເມສາ 2019 ທີ່ ກອງບັນຊາການ ກອງພັນໃຫຍ່ 201, ເປັນກຽດເຂົ້າຮ່ວມມີ: ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ, ມີ ທ່ານ ພັນເອກ ປອ ສີພອນ ແກ້ວສະໄໝ ຫົວໜ້າການທະຫານ ກອງພົນທະຫານຮາບທີ 2, ມີຄະນກອງບັນຊາການ ກອງພັນໃຫຍ່ 201, ພະນັກງານທີ່ກ່ຽວຂອງອ້ອມຂ້າງແຂວງ, ເມືອງ ພຽງ, ເມືອງ ປາກລາຍ ແລະ ພະນັກງານວິຊາການພາຍໃນບໍລິສັດ ປັນຍາທິລາດເຂົ້າຮ່ວມຢ່າງພ້ອມພຽງ, ໂອກາດດັ່ງກ່າວ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ກໍ່ໄດ້ຮຽກຮ້ອງໃຫ້ ຄະນະບັນຊາການກອງພັນໃຫຍ່ ຈົ່ງນໍາໃຊ້ອາຄານດັ່ງກ່າວໃຫ້ເກີດປະໂຫດສູງສຸດ, ພ້ອມທັງປົກປັກຮັກສາໃຫ້ນໍາໃຊ້ໄດ້ຍາວນານ, ຈາກນັ້ນກໍ່ໄດ້ມີການມອບ-ຮັບອາຄານຢ່າງເປັນທາງການ ລະຫວ່າເຈົ້າຂອງໂຄງການຄື: ກອງພັນໃຫຍ່ 201 ໂດຍແມ່ນ ທ່ານ ພັນໂທ ບົວແພງ ສົມທະມູນ ຫົວໜ້າ ກອງພັນໃຫຍ່ 201 ເປັນຜູ້ກ່າວຮັບ ແລະ ຜູ້ຮັບເໝົາກໍ່ສ້າງ ໂດຍແມ່ນ ທ່ານ ສົມແພງ ປັນຍາທິລາດ ຫົວໜ້າ ບໍລິສັດ ປັນຍາທິລາດ ກໍ່ສ້າງຂົວ-ທາງ ເປັນຜູ້ກ່າວມອບ ໂດຍມີບັນແຂກທີ່ເຂົ້າຮ່ວມທັງໝົດເປັນສັກຂີພິຍານ.

ນັກຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ