ຈໍານວນຜູ້ເຂົ້າຊົມເວັບໄຊ

142217
ມື້ນີ້ມື້ນີ້61
ມື້ວານນີ້ມື້ວານນີ້233
ອາທິດນີ້ອາທິດນີ້993
ເດືອນນີ້ເດືອນນີ້6132
ລວມທັງໝົດລວມທັງໝົດ142217

ມີ 18  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ກອງປະຊຸມພົບປະ ລະຫວ່າງ ທະນາຄານທຸລະກິດ ກັບ ຜູ້ປະກອບການ, ທຸລະກິດ ຄັ້ງທີI ໄດ້ຈັດຂຶ້ນໃນຕອນເຊົ້າຂອງວັນທີ 2 ພຶດສະພາ ປີນີ້, ທີ່ສະໂມສອນ ຫ້ອງວ່າການແຂວງ ໄຊຍະບູລີ, ໃຫ້ກຽດເຂົ້າຮ່ວມເປັນປະທານໂດຍ ທ່ານ ພົງສະຫວັນ ສິດທະວົງ ກຳມະການສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ, ເຂົ້າຮ່ວມມີ ທ່ານ ສອນໄຊ ສິດພະໄຊ ກໍາມະການສໍາຮອງສູນກາງພັກ, ຜູ້ວ່າການທະນາທານແຫ່ງ ສປປ ລາວ, ມີບັນດາທ່ານຜູ້ອໍານວຍການໃຫຍ່ທະນາຄານທຸລະກິດ, ມີຫົວໜ້າ-ຮອງຫົວໜ້າພະແນກການ, ກົມກອງອ້ອມຂ້າງແຂວງ, ມີເຈົ້າເມືອງ 11 ເມືອງ ຕະຫຼອດເຖິງ ສາຂາທະນາຄານທຸລະກິດ, ຜູ້ປະກອບການ-ພາກເອກະຊົນທົ່ວແຂວງເຂົ້າຮ່ວມຢ່າງພ້ອມພຽງ.

ໃນວາລະດໍາເນີນກອງປະຊຸມຜູ້ເຂົ້າຮ່ວມແມ່ນໄດ້ຮັບຟັງຮ່າງບົດສະຫຼຸບຕີລາຄາການຈັດຕັ້ງປະຕິບັດ ວຽກງານທະນາຄານທຸລະກິດ ປະຈໍາປີ 2018 ແລະ ທິດທາງແຜນການປີ 2019 ເຊິ່ງສະເໜີໂດຍ ທ່ານ ປີຊາ ພົມສີ ຕາງໜ້າໃຫ້ທະນາຄານກຸ່ມທຸລະກິດຂັ້ນແຂວງ ທ່ານໄດ້ກ່າວວ່າ: ປະຈຸບັນແຂວງ ໄຊຍະບູລີມີທະນາຄານທຸລະກິດທັງໝົດ 3 ສາຂາ, ມີ 21 ໜ່ວຍບໍລິການຄື: ສາຂາທະນາຄານການຄ້າມະຫາຊົນມີ 4 ໜ່ວຍບໍລິການ, ສາຂາທະນາຄານພັດທະນາລາວມີ 5 ໜ່ວຍບໍລິການ, ສາຂາທະນາຄານສົ່ງເສີມກະສິກໍາມີ 8 ໜ່ວຍບໍລິການ ແລະ ໜ່ວຍບໍລິການທະນາຄານນະໂຍບາຍມີ 4 ແຫ່ງ, ໃນ 1 ປີຜ່ານມາບັນດາທະນາຄານທຸລະກິດທົ່ວແຂວງສາມາດລະດົມເງິນຝາກໄດ້ທັງໝົດ 1.200 ຕື້ກີບ, ໃນນີ້ສາຂາທະນາຄານການຄ້າມະຫາຊົນ ກວມ 52%, ສາຂາທະນາຄານພັດທະນາລາວ ກວມ 25%, ສາຂາທະນາຄານສົ່ງເສີມກະສິກໍາ ກວມ 23%, ອົງປະກອບເງິນຝາກມີ: ເງິນຝາກປະຈໍາ 554 ຕື້ກີບ, ກວມ 46%, ເງິນຝາກປະຢັດ 486 ຕື້ກີບ ກວມ 39%,

ເງິນຝາກກະແສລາຍວັດ 159 ຕື້ກີບ ກວມ 13%, ເງິນຝາກຂອງສະຖາບັນການເງິນອື່ນ 14 ຕື້ກີບ ກວມ 1% ແລະ ເງິນຝາກຄໍ້າປະກັນ 4 ຕື້ກີບ ກວມ 0,3%, ພ້ອມດຽວກັນບັນດາທະນາຄານທຸລະກິດໃນທົ່ວແຂວງຍັງສາມາດປ່ວຍສິນເຊື່ອໄດ້ທັງໝົດ 595 ຕື້ກີບ, ກວມເອົາ 49% ຂອງຍອດເງິນຝາກ ໃນນີ້: ສາຂາທະນາຄານການຄ້າຕ່າງປະເທດລາວມະຫາຊົນ ປະຕິບັດໄດ້ 157 ຕື້ກີບ, ເທົ່າກັບ 27%, ສາຂາທະນາຄານພັດທະນາລາວ ປະຕິບັດໄດ້ 32 ຕື້ກີບ, ເທົ່າກັບ 5%, ສາຂາທະຂາຄານສົ່ງເສີມກະສິກໍາ ປະຕິບັດໄດ້ 193 ຕື້ກີບ, ເທົ່າກັບ 32%, ໜ່ວຍບໍລິການທະນາຄານນະໂຍບາຍ ປະຕິບັດໄດ້ 213 ຕື້ກີບ, ເທົ່າກັບ 32%, ຂະແໜງການຄ້າ ລວມມູນຄ່າ 166 ຕື້ກີບ, ເທົ່າກັບ 28%, ຂະແໜງກະສິກໍາ-ປ່າໄມ້ ລວມມູນຄ່າ 367 ຕື້ກີບ, ເທົ່າກັບ 62%, ຂະແໜງກໍາສ້າງມູນຄ່າ 13 ຕື້ກີບ, ເທົ່າກັບ 2% ແລະ ຂະແໜງບໍລິການ 49 ຕື້ກີບ, ເທົ່າກັບ 8% ຂອງສິນເຊື່ອທັງໝົດ ແລະ ຂະແໜງການອື່ນໆອີກຈໍານວນໜຶ່ງ, ຈາກນັ້ນກອງປະຊຸມຍັງໄດ້ພ້ອມກັນປະກອບຄໍາຄິດ-ຄໍາເຫັນໃສ່ຮ່າງບົດສະຫຼຸບດັ່ງກ່າວ ແລະ ໄດ້ມີການແລກປ່ຽນບົດຮຽນ ລະຫວ່າງພາກເອກະຊົນ-ຜູ້ປະກອບການ, ບັນດາພະແນກການທີ່ກ່ຽວຂ້ອງ ແລະ ບັນທະນາຄານທຸລະກິດ, ແນໃສ່ເຮັດໃຫ້ການຈັດຕັ້ງ ແລະ ເຄື່ອນໄຫວວຽກງານທະນາຄານທຸລະກິດໃຫ້ມີປະສິດທິຜົນສູງ.

ນັກຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ