ຈໍານວນຜູ້ເຂົ້າຊົມເວັບໄຊ

137796
ມື້ນີ້ມື້ນີ້49
ມື້ວານນີ້ມື້ວານນີ້211
ອາທິດນີ້ອາທິດນີ້582
ເດືອນນີ້ເດືອນນີ້3361
ລວມທັງໝົດລວມທັງໝົດ137796

ມີ 22  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ທະນາຄານນະໂຍບາຍ ເປັນໜຶ່ງໃນທະນາຄານທຸລະກິດຂອງລັດ, ເຮັດໜ້າທີ່ໃນການສະໜອງສິນເຊື່ອໃຫ້ກັບປະຊາຊົນບັນດາເຜົ່າ ໃນເມືອງທຸກຍາກ, ເຂດຈຸດສຸມ, ບ້ານທິດນໍາ 3 ສ້າງ ຕາມແນວທາງນະໂຍບາຍຂອງພັກ-ລັດກໍານົດອອກໃນແຕ່ລະໄລຍະ ໃນອັດຕາດອກເບ້ຍຕໍ່າ ເຊິ່ງມີ 3 ປະເພດເງິນກູ້ຄື: ເງິນກູ້ໄລຍະສັ້ນ ອັດຕາດອກເບ້ຍ 5% ຕໍ່ປີ, ເງິນກູ້ໄລຍະກາງ ອັດຕາດອກເບ້ຍ 6% ຕໍ່ປີ ແລະ ເງິນກູ້ໄລຍະຍາວ ອັດຕາດອກເບ້ຍ 7% ຕໍ່ປີ, ທ່ານ ຈັນທາ ແສນຄໍາ ຫົວໜ້າ ທະນາຄານ ນະໂຍບາຍ ໜ່ວຍບໍລິການເມືອງ ໄຊຍະບູລີ ໄດ້ໃຫ້ຮູ້ວ່າ: ສໍາຮັບຢູ່ແຂວງ ໄຊຍະບູລີ ມີໜ່ວຍບໍລິການຂອງທະນາຄານ ນະໂຍບາຍ 4 ເມືອງຄື: ເມືອງ ໄຊຍະບູລີ, ເມືອງ ຊຽງຮ່ອນ, ເມືອງ ໄຊຊະຖານ ແລະ ເມືອງ ທົ່ງມີໄຊ, ຮັບຜິດຊອບປ່ອຍສິນເຊື່ອເຂົ້າເຖິງປະຊາຊົນໃນບ້ານເປົ້າໝາຍທຸກຍາກ, ບ້ານ 3 ສ້າງ ແລະ ບ້ານຈຸດສຸມ ພາຍໃນ 11 ເມືອງທົ່ວແຂວງ, ສໍາລັບ 3 ເດືອນຕົ້ນປີ 2019 ນີ້ ປ່ອຍສິນເຊື່ອແລ້ວ 3,44 ຕື້ກີບ, ໃນນີ້ ແມ່ນໄລຍະຍາວທັງໝົດ, ພາຍໃນ 3 ເມືອງ, 19 ບ້ານ, ມີ 25 ກຸ່ມຜະລິດ, ມີ 179 ຄອບຄົວ, ສິນເຊື່ອດັ່ງກ່າວແມ່ນຕອບສະໜອງເຂົ້ໃນຂະແໜງກະສິກໍາ 100% ແລະ ຈະສືບຕໍ່ປ່ອຍສິນເຊື່ອໃຫ້ໄດ້ 1,99 ຕື້ກີບໃນ 6 ເດືອນຕົ້ນປີ, ພ້ອມທັງ ສືບຕໍ່ສົມທົບກັບຄະນະກໍາມະການຄຸ້ມຄອງສິນເຊື່ອແຕ່ລະຂັ້ນລົງເຄື່ອນໄຫວ ເກັບຕົ້ນທຶນຄົບງວດຊໍາລະ, ຕົ້ນທຶນກາຍສັນຍາ ໃຫ້ໄດ້ 17,04 ຕື້ກີບ, ເກັບດອກເບບ້ຍຄ້າງເກົ່າ ແລະ ດອກເບ້ຍເກີດຂຶ້ນໃຫ້ໄດ້ 4,26 ຕື້ກີບ, ພ້ອມທັງແກ້ໄຂບັນຫາທີ່ຕິດພັນກັບພະນັກງານ ພາຍໃນທະນາຄານ, ນັກທຸລະກິດ, ບຸກຄົນນອກກຸ່ມ, ໃນກຸ່ມທີ່ເອົາເງິນແທນກັນ, ການນໍາໃຊ້ເງິນກູ້ບໍ່ຖືກເປົ້າໝາຍ, ຍົກຍ້າຍຖິ່ນຖານ, ໂຕນໜີ ແລະ ເສຍຊີວິດ, ທ່ານ ຈັນທາ ແສນຄໍາ ຫົວໜ້າ ທະນາຄານ ນະໂຍບາຍ ໜ່ວຍບໍລິການເມືອງ ໄຊຍະບູລີ ຍັງໃຫ້ຮູ້ຕື່ມອີກວ່າ: ເພື່ອຮັບປະກັນໃນການຈັດຕັ້ງປະຕິບັດ ການປ່ອຍສິນເຊື່ອໃຫ້ຖືກຕ້ອງຕາມເປົ້າໝາຍຂອງສັນຍາ,

ມີປະສິດທິພາບ ແລະ ຕິດພັນກັບກຸ່ມການຜະລິດທີ່ກໍານົດໄວ້ ແລະ ສາມາດເກັບຕົ້ນທຶນ ແລະ ດອກເບ້ຍທັນຕາມກໍານົດສັນຍາ ທະນາຄານຈຶ່ງໄດ້ກໍານົດມາດຕະການເປັນຕົ້ນແມ່ນ: ກວດກາຄວາມພ້ອມຂອງຜູ້ກູ້ຢືມໃຫ້ລະອຽດ, ກວດກາເນື້ອທີ່ການຜະລິດໃຫ້ລະອຽດ, ພ້ອມທັງເຕືອນສະຕິຂອງປະຊາຊົນໃຫ້ມີສະຕິຕໍ່ການນໍາໃຊ້ເງິນ, ການຊໍາລະຕົ້ນທຶນ ແລະ ດອກເບ້ຍຄືນ ທະນາຄານໃຫ້ໄດ້ຕາມສັນຍາຄົບຖ້ວນ.

ນັກຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ