ຈໍານວນຜູ້ເຂົ້າຊົມເວັບໄຊ

142222
ມື້ນີ້ມື້ນີ້66
ມື້ວານນີ້ມື້ວານນີ້233
ອາທິດນີ້ອາທິດນີ້998
ເດືອນນີ້ເດືອນນີ້6137
ລວມທັງໝົດລວມທັງໝົດ142222

ມີ 12  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ເນື່ອງໃນໂອກາດສະເຫຼີມສະຫຼອງວັນກຳມະກອນສາກົນ ຄົບຮອບ 133 ປີ ( 1 ພຶດສະພາ 1886-1 ພຶດສະພາ 2019 ) ທີ່ໝູນວຽນມາອີກວາລະໜຶ່ງ, ອໍານາດການປົກຄອງແຂວງໄຊຍະບູລີ ໄດ້ຈັດພິທີຍ່າງເພື່ອສຸຂະພາບຂຶ້ນໃນຕອນເຊົ້າຂອງວັນທີ 1 ພຶດສະພາ 2019 ທີ່ເດີ່ນກິລາຂອງແຂວງ, ໂດຍການເຂົ້າຮ່ວມຂອງທ່ານ ປອ ສົມລິດ ເປືອກແກ້ວ ຮອງເລຂາພັກແຂວງ, ປະທານສະພາປະຊາຊົນແຂວງ, ມີການນຳຂອງແຂວງ, ການນຳຂອງເມືອງ, ພະນັກງານຫຼັກແຫຼ່ງອ້ອມຂ້າງແຂວງ ແລະ ເມືອງໄຊຍະບູລີເຂົ້້າຮ່ວມເກີອບ 500ຄົນ.

ການຍ່າງເພື່ອສຸຂະພາບຄັ້ງນີ້ແມ່ນເຕັມໄປດ້ວຍບັນຍາກາດແຫ່ງຄວາມສາມັກຄີໄມຕີຈິດມິດຕະພາບລະຫວ່າງການນຳຂອງແຂວງ, ການນຳຂອງເມືອງ ແລະ ພະນັກງານຫຼັກແຫຼ່ງອ້ອມຂ້າງແຂວງ ແລະ ເມືອງໄຊຍະບູລີ ໃຫ້ຫັດແໜ້ນກັນຍິ່ງໆຂຶ້ນ,ການຍ່າງຄັ້ງນີ້ແມ່ນເລີ່ມຕົ້ນຈາກເດີ່ນກິລາແຂວງ ຫາ ເດີ່ນສະໜາມຫຼວງຂອງແຂວງ ໄລຍະທາງເກີອບ 3 ກິໂລແມັດ, ໂອກາດດັ່ງກ່າວ ທ່ານ ປອ ສົມລິດ ເປືອກແກ້ວ ກໍ່ໄດ້ໃຫ້ກຽດເລົ່າຄືນ ປະຫວັດຄວາມເປັນມາຂອງວັນກໍາມະກອນສາກົນ ບາງຕອນທ່ານໄດ້ກ່າວວ່າ: ການກຳເນີດ, ການເຕີບໃຫຍ່ຂະຫຍາຍຕົວ, ທາດແທ້, ເປັນການສະແດງໃຫ້ເຫັນເຖິງມູນເຊື້ອ ແລະ ລັກສະນະດີເລີດຂອງຊົນຊັ້ນກຳມະກອນເຊິ່ງຍາມໃດຊົນຊັ້ນກຳມະກອນກໍ່ແມ່ນພະລັງແຮງແຫ່ງຄວາມສະມັກຄີເດັດດ່ຽວມີລະບຽບວິໄນ ໃນການຊີ້ນໍາຂອງພັກ-ລັດເຮົາ ເຊິ່ງພວກເຮົາກຳມະກອນຮຸ້ນສືບທອດມີຄວາມຮູ້ສຶກເຂົາໃຈ ແລະ ຈົດຈຳພາລະກຳປະຫວັດສາດຂອງຊົນຊັ້ນກຳມະກອນທີ່ມີຄວາມພິລາດອາດຫານໃນການຕໍ່ສູ່ກັບການກົດຂີ່ຂູດຮີດຂອງພວກນາຍທຶນ ແລະ ຮຽກຮ້ອງເອົາສິດ,ຄວາມຍຸຕິທຳມາໃຫ້ຊົນຊັ້ນກຳມະກອນ ແລະ ຊາວຜູ້ອອກແຮງງານຄືມື້ໜຶ່ງຕ້ອງໄດ້ອອກແຮງງານ 8 ຊົ່ວໂມງ, ພັກຜ່ອນ 8 ຊົວ່ໂມງ,ຄົ້ນຄ້ວາບົດຮຽນ 8 ຊົ່ວໂມງ

ເຊິ່ງໄຊຊະນະດັ່ງກ່າວໄດ້ກາຍເປັນຫຼັກການ ແລະ ມາດຖານໃຫ້ແກ່ການກຳນົດເວລາໃນການອອກແຮງງານຂອງກຳມະກອນ ແລະ ຊາວຜູ້ອອກແຮງງານໃນທົ່ວໂຮງງານ, ຈາກນັ້ນຜູ້ເຂົ້າຮ່ວມແມ່ນໄດ້ພ້ອມກັນຫັດກາຍຍະບໍລິຫານ ແລະ ເຕັ້ນແອວໂລບິກຕື່ມອີກ.

ນັກຂ່າວ: ຫ້ອງວ່າການແຂວງໄຊຍະບູລີ

ໂດຍ: ຍຸອານັນ ຊະນະພັນ

ໂທ: 23925544  

ແຜນທີ ແຂວງໄຊຍະບູລີ