ຈໍານວນຜູ້ເຂົ້າຊົມເວັບໄຊ

137796
ມື້ນີ້ມື້ນີ້49
ມື້ວານນີ້ມື້ວານນີ້211
ອາທິດນີ້ອາທິດນີ້582
ເດືອນນີ້ເດືອນນີ້3361
ລວມທັງໝົດລວມທັງໝົດ137796

ມີ 21  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ໃນຕອນເຊົ້າຂອງວັນທີ 18 ມິຖຸນາ 2019ນີ້, ຢູ່ທີ່ຫ້ອງປະຊຸມໃຫຍ່ ເມືອງ ແກ່ນທ້າວ ໄດ້ຈັດພິທີ ມອບ-ຮັບໜ້າທີ່ ລະຫວ່າງ ເຈົ້າເມືອງ ແກ່ນທ້າວ ຜູ້ເກົ່າ ແລະ ວ່າການເຈົ້າເມືອງ ແກ່ນທ້າວ ຜູ້ໃໝ່, ເປັນກຽດເຂົ້າຮ່ວມຂອງ ທ່ານ ພົງສະຫວັນ ສິດທະວົງ ກໍາມະການສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ, ມີຫົວໜ້າ, ຮອງຫົວໜ້າຫ້ອງການ, ມີເລຂາພັກບ້ານ-ນາຍບ້ານອ້ອມຂ້າງເມືອ ແກ່ນ ທ້າວເຂົ້າຮ່ວມຢ່າງພ້ອມພຽງ.

ໃນພິທີ ທ່ານ ຄໍາພຽນ ປັນຍາວົງ ຮອງຫົວໜ້າຈັດຕັ້ງແຂວງ ໄຊຍະບູລີ ໄດ້ຂຶ້ນຜ່ານ ຂໍ້ຕົກລົງຂອງທ່ານ ເຈົ້າແຂວງ ໄຊຍະບູລີ ວ່າດ້ວຍການໂຍກຍ້າຍ ພະນັກງານໄປຮັບໜ້າທີ່ໃໝ່, ໂດຍໂຍກຍ້າຍ ທ່ານ ສໍາລານ ສຸວັນນະໂຊດ ກໍາມະການພັກແຂວງ, ເລຂາພັກເມືອງ, ເຈົ້າເມືອງ-ເມືອງແກ່ນທ້າວ ໄປຮັບໜ້າທີ່ໃໝ່ຢູ່ພະແນກການເງິນແຂວງ, ຜ່ານມະຕິຂອງຄະນະປະຈໍາສະພາ ວ່າດ້ວຍການພິຈາລະນາຮັບຮອງເອົາການແຕ່ງຕັ້ງບຸກຄະລາກອນແຂວງ ໄຊຍະບູລີ, ໂດຍເຫັນດີຮັບຮອງເອົາການແຕ່ງຕັ້ງ ທ່ານ ອໍາຄາ ລັດສະໝີ ຮອງເຈົ້າເມືອງ-ເມືອງແກ່ນທ້າວ ຂຶ້ນວ່າການ ເຈົ້າເມືອງ-ເມືອງ ແກ່ນທ້າວ, ໂອກາດດັ່ງກ່າວ ທ່ານ ສໍາລານ ສຸວັນນະໂຊດ ເຈົ້າເມືອງ ແກ່ນທ້າວຜູ້ເກົ່າ ກໍ່ໄດ້ຂຶນຜ່ານບົດບັນທຶກ ການມອບ-ຮັບໜ້າທີ່ລະຫວ່າງ ເຈົ້າເມືອງ ແກ່ນທ້າວ ຜູ້ເກົ່າ ແລະ ວ່າການເຈົ້າເມືອງ ແກ່ນທ້າວ ຜູ້ໃໝ່, ທ່ານໄດ້ກ່າວວ່າ: ຕະຫຼອດໄລຍະທີ່ດໍາລົງຕໍາແໜ່ງເປັນເຈົ້າເມືອງຜ່ານມານັ້ນ ແມ່ນໄດ້ເອົາໃຈໃສ່ໃນການພັດທະນາວຽກງານຮອບດ້ານຂອງເມືອງແກ່ນຈົນໄດ້ຮັບຜົນສໍາເລັດໃນຫຼາຍດ້ານ, ໂດຍສະເພາະແມ່ນວຽກງານເສດຖະກິດ-ສັງຄົມແມ່ນມີຄວາມໝັ້ນທ່ຽງ ແລະ ຂະຫຍາຍຕົວຕໍ່ເນື່ອງໃນລະດັບ 8,7%ຕໍ່ປີ, ລວມຍອດລາຍຮັບພາຍໃນບັນລຸ 1.040,87 ຕື້ກີບ, ລາຍໄດ້ສະເລ່ຍຕໍ່ຫົວຄົນບັນລຸໄດ້ 24,52 ລ້ານກີບ, ຫຼືເທົ່າກັບ 2.885 ໂດລາສະຫະລັດ, ທ່ານຍັງໄດ້ກ່າວຕື່ມອີກວ່າ:

ສໍາລັບທິດທາງໃນຕໍ່ໜ້າແມ່ນໃຫ້ວ່າການເຈົ້າເມືອງຜູ້ໃໝ່ສືບຕໍ່ຫັນລົງກໍ່ສ້າງຮາກຖານການເມືອງພັດທະນາຊົນນະບົດຮອບດ້ານດ ສຸມໃສ່ພັດທະນາເສດຖະກິດຂອງເມືອງໃຫ້ມີຄວາມກ້າວໜ້າ ແລະ ຂະຫຍາຍຕົວຢ່າງຕໍ່ເນື່ອງ, ສຸມໃສ່ຍົກສູງຄຸນນະພາບດ້ານການສຶກສາ, ຂະຫຍາຍຕານ່າງສາທາລະນະສຸກ, ສົ່ງເສີມວັດທະນະທໍາອັນດີງາມຂອງຊາດກໍ່ຄືຂອງທ້ອງຖິ່ນທີ່ເປັນເອກະລັກໄວ້ໃຫ້ຍືນຍົງ, ຈາກນັ້ນພິທີກໍ່ໄດ້ມີການເຊັນມອບ-ຮັບໜ້າທີ່ ລະຫວ່າງ ທ່ານ ສໍາລານ ສຸວັນນະໂຊດ ເຈົ້າເມືອງ-ເມືອງແກ່ນທ້າວຜູ້ເກົ່າ ແລະ ທ່ານ ອໍາຄາ ລັດສະໝີ ວ່າການ ເຈົ້າເມືອງ ແກ່ນທ້າວຜູ້ໃໝ່ ໂດຍມີ ທ່ານ ພົງສະຫວັນ ສິດທະວົງ ກໍາມະການສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ ແລະ ຜູ້ເຂົ້າຮ່ວມທັງໝົດເປັນສັກຂີພິຍານ, ຕອນທ້າຍຂອງພິທີ ທ່ານ ພົງສະຫວັນ ສິດທະວົງ ໄດ້ເນັ້ນໜັກໃຫ້ວ່າການເຈົ້າເມືອງຄົນໃໝ່ ຈົ່ງສືບຕໍ່ຮັກສາຄວາມສາມັກຄີພາຍໃນ, ພາຍນອກໃຫ້ເປັນປຶກແຜ່ນ, ສືບຕໍ່ສ້າງສາພັດທະນາເມືອງໃຫ້ກ້າວໄປສູ່ຄວາມສີວິໄລເທື່ອລະກ້າວ, ສືບຕໍ່ສົ່ງເສີມປະຊາຊົນສ້າງເສດຖະກິດຄອບຄົວໃຫ້ເປັນຂະບວນ ດ້ວຍການປູກ-ການລ້ຽງ ແລະ ອື່ນໆ.

ນັກຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 22126933  

ແຜນທີ ແຂວງໄຊຍະບູລີ