ຈໍານວນຜູ້ເຂົ້າຊົມເວັບໄຊ

135597
ມື້ນີ້ມື້ນີ້333
ມື້ວານນີ້ມື້ວານນີ້439
ອາທິດນີ້ອາທິດນີ້2618
ເດືອນນີ້ເດືອນນີ້5999
ລວມທັງໝົດລວມທັງໝົດ135597

ມີ 31  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເຂົ້າສູ່ລະບົບ

ທ່ານ ອາເມ ຊົງເຢຍເລັ່ງ ກໍາມະການພັກແຂວງ, ຫົວໜ້າ ພະແນກ ຍຸຕິທໍາ ແຂວງ ໄຊຍະບູລີ ໄດ້ໃຫ້ຮູ້ວ່າ: ຕະຫຼອດໄລຍະ 3 ປີຜ່ານມາ ພະແນກ ຍຸຕິທໍາ ແມ່ນໄດ້ຖືເອົາວຽກງານການເມືອງແນວຄິດເປັນກົກ ແລະ ເປັນເຈົ້າການ ໃນການຈັດຕັ້ງ, ເຜີຍແຜ່ຮໍ່າຮຽນແນວທາງນະໂຍບາຍຂອງພັກ, ກົດໝາຍຂອງລັດ, ມະຕິ, ຄໍາສັ່ງຕ່າງໆ, ເອກະສານມູນເຊື້ອຂອງພັກ, ຂອງກອງທັບ ໃຫ້ບັນດາພະນັກງານຫຼັກແຫຼ່ງພາຍໃນພະແນກ ເປັນປົກກະຕິ, ພ້ອມດຽວກັນກໍ່ໄດ້ເອົາໃຈໃສ່ໃນການໂຄສະນາເຜີຍແຜ່ກົດໝາຍລົງສູ່ຊຸມຊົນໃນທົ່ວແຂວງ, ໂດຍສະເພາະແມ່ນ ກົດໝາຍທີ່ຕິດພັນກັບການດໍາເນີນຄະດີແພ່ງ, ຄະດີອາຍາ, ກົດໝາຍວ່າດ້ວຍການຈັດຕັ້ງປະຕິບັດຄໍາຕັດສິນຂອງສານ, ກົດໝາຍວ່າດ້ວຍຄໍາຮ້ອງທຸກ-ຄໍາຮ້ອງຂໍຄວາມເປັນທໍາ ແລະ ກົດໝາຍອື່ນໆ ໄດ້ຢ່າງຖົ່ວເຖິງ ແລະ ເລິດເຊິ່ງ, ຊອກຫາທຸກວິທີທາງໃນການໂຄສະນາເຜີຍແຜ່ກົດໝາຍໃຫ້ໄດ້ຫຼາຍຮູບ, ຫຼາຍແບບ, ໃຫ້ແທດເໝາະກັບແຕ່ລະເປົ້າໝາຍ ແລະ ຊັ້ນຄົນ, ເພື່ອເຊີດຊູສະຕິຄວາມເປັນເຈົ້າການໃນການປະຕິບັດກົດໝາຍໃນທົ່ວສັງຄົມໃຫ້ສູງຂຶ້ນ, ເຊິ່ງສະແດງອອກຜົນງານຂອງຂະແໜງການບາງດ້ານເຊັ່ນ: ໄດ້ລົງໂຄສະນາເຜີຍແຜ່ກົດໝາຍຢູ່ບັນດາບ້ານທົ່ວແຂວງ 1.803 ຄັ້ງ, ຢູ່ໂຮງຮຽນແຫ່ງຕ່າງໆໄດ້ 257 ຄັ້ງ, ຢູ່ສໍານັກງານ-ອົງການ, ຫ້ອງການ 11 ເມືອງ ໄດ້ 12 ຄັ້ງ, ຢູ່ກອງບັນຊາການທະຫານເມືອງ 11 ຄັ້ງ, ຢູ່ຄຸມຂັງ-ດັດສ້າງຂອງແຂວງ ແລະ ເມືອງ 9 ຄັ້ງ, ມີຜູ້ເຂົ້າຮ່ວມຮັງຟັງທັງໝົດ 365.709 ຄົນ,

ຍິງ 186.802 ຄົນ, ນອກນີ້ ພະນັກງານຂອງພະແນກ ຍຸຕິທໍາ ຍັງໄດ້ຂຶ້ນຫ້ອງສິດສອນວິຊາກົດໝາຍ ຕາມການຮັບເຊີນ ຢູ່ວິທະຍາໄລ ຈັນສະມຸດ 70 ຊົ່ວໂມງ, ຢູ່ໂຮງຮຽນຊັ້ນຕົ້ນເລກ 2 ຕໍາຫຼວດ ປກສ ແຂວງ ໄຊຍະບູລີ 3 ຊຸດ, ຈໍນວນ 336 ຊົ່ວໂມງ,

ໄດ້ໃຫ້ຄໍາປຶກສາທາງດ້ານກົດໝາຍ 2.030 ກໍລະນີ, ຄົ້ນຄົ້ວ ແລະ ກວດການິຕິກໍາ ເຊັ່ນ: ຮ່າງກົດໝາຍ, ຄໍາສັ່ງ, ຂໍ້ຕົກລົງຂອງທ່ານເຈົ້າແຂວງ, ຮ່າງສັນຍາສໍາປະທານ ຫຼືຮ່າງນິຕິກໍາອື່ນໆ ຈໍານວນ 58 ສະບັບ, ໄດ້ເປີດການຮຽນ-ການສອນ ກົດໝາຍຊັ້ນຕົ້ນ ໄດ້ທັງໝົດ 15 ຈຸດ, ມີຜູ້ເຂົ້າຮຽນທັງໝົດ 664 ຄົນ, ຍິງ 134 ຄົນ, ໄດ້ເປີດຮຽນກົດໝາຍໄລຍະສັ້ນ 45 ວັນ ໄດ້ 12 ຈຸດ, ມີຜູ້ເຂົ້າຮຽນ 471 ຄົນ, ຍິງ 129 ຄົນ, ທົ່ວແຂວງ ມີບ້ານແບບຢ່າງ ປະຕິບັດກົດໝາຍທັງໝົດ 416 ບ້ານ, ມີ 74.517 ຄອບຄົວ, ນອກຈາກນີ້ ຍັງໄດ້ແກ້ໄຂຂໍ້ຂັດແຍ່ງຂັ້ນບ້ານ ໄດ້ທັງໝົດ 431 ຄະນະ, ມີຈໍານວນຂໍ້ຂັດແຍ່ງທັງໝົດ 1.641 ເລື່ອງ, ໃນນີ້ ແພ່ງ 1.321 ເລື່ອງ, ອາຍາທີ່ເປັນການກະທໍາຜິດທີ່ຜົນເສຍຫາຍບໍ່ຫຼາຍ ຫຼື ບໍ່ຮ້າຍແຮງ 320 ເລື່ອງ, ທ່ານ ອາເມ ຊົງເຢຍເລັ່ງ ຍັງໃຫ້ຮູ້ຕື່ມອີກວ່າ: ຄຽງຄູ່ກັບດ້ານດີກໍ່ຍັງມີຂໍ້ຫຍຸ້ງຍາກຫຼາຍດ້ານ ເປັນຕົ້ນແມ່ນ: ສະຕິໃນການເຄົາລົບກົດໝາຍຂອງໂຈດ, ຈໍາເລີຍ, ບຸກຄົນທີ 3 ແລະ ຍາດຕິພີ່ນ້ອງທີ່ກ່ຽວຂ້ອງ ຍັງບໍ່ທັນເຂົ້າໃຈຕໍ່ລະບຽບກົດໝາຍເທົ່າທີ່ຄວນ, ການໂຄສະນາເຜີຍແຜ່ກົດໝາຍຍັງບໍ່ທັນເຂົ້າເຖິງເປົ້າໝາຍ, ການຮັບຮູ້ ແລະ ເຂົ້າໃຈ ຂອງພະນັກງານ-ລັດຖະກອນຈໍານວນໜຶ່ງ ຕໍ່ແນວທາງນະໂຍບາຍຂອງພັກ ແລະ ລະບຽບກົດໝາຍຂອງລັດຍັງບໍ່ທັນໄດ້ດີເທົ່າທີ່ຄວນ, ຕໍ່ກັບສະພາບການດັ່ງກ່າວ ພະແນກ ຍຸຕິທໍາແຂວງ ແມ່ນຈະສືບຕໍ່ ເພີ່ມທະວີ ການໂຄສະນາເຜີຍແຜ່ກົດໝາຍໃນກຸ່ມເປົ້າໝາຍທຸກພາກສ່ວນ ເປັນຕົ້ນແມ່ນ ພາກສ່ວນເສດຖະກິດ, ຜູ້ປະກອບການ ເພື່ອໃຫ້ກຸ້ມເປົ້າໝາຍດັ່ງກ່າວເຂົ້າໃຈແຈ້ງຕໍ່ກົດໝາຍ, ພ້ອມທັງ ຊຸກຍູ້ພາກສ່ວນທີ່ມີກົດໝາຍໃຫ້ເຂົາເຈົ້າໄດ້ໂຄສະນາໃນຂົງເຂດຄວາມຮັບຜິດຊອບຂອງຕົນ.

ນັກຂ່າວ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ

ໂທ: 2212 6933  

ແຜນທີ ແຂວງໄຊຍະບູລີ